蘇B照抄首循環功課，雙紅會奇陣神奇不再 [利物浦2:0曼聯賽後感]
係送上賽後感之前要先多謝呢兩隊琴晚上演左一場非常刺激，節奏明快嘅球賽俾球迷欣賞，真係有黑眼圈都抵呀！皆因近代嘅打吡戰都有一種比較小心翼翼嘅風氣，試探嘅時間會長啲，甚至想放棄球權減少自己犯錯機會，沉悶嘅節奏已隨之而來。而利物浦即使領先後亦有繼續大舉圍攻，製造唔少威脅同時都有後防因企太前而有驚險嘅時候。去到後期，比賽依舊1:0，曼聯亦係下半場後段反撲，攻守姿態互換，威脅性直迫和局，最終沙拿把握對方最後時刻被迫壓太前嘅空位係補時最後一刻殺死比賽，整場比賽雙方也互有攻守，雖然結果利物浦完勝紅魔，但90分鐘嘅緊張程度可以話係一浪接一浪。而今次嘅賽後感嘅焦點，小編會想放係曼聯身上，因為利物浦變化未有太多，今次勝利的果主要受惠於曼聯排錯結構的因。而呢個結構係咩？又係我成日提嘅3中堅，好明顯蘇B想抄翻自己上次嘅奇陣代表作，即使有球員未能上陣亦好，也要今次嘅正選球員做翻首循環嘅效果，而呢一點已經係非常致命。後防線變化比較少，Shaw嘅復岀取代首循環嘅Rojo踢左中堅，呢個位往往有機會要對住利物浦右邊嘅沙拿同後上嘅阿諾，shaw嘅身形比較發福靈活性上上場嘅rojo反而有更好嘅效果。中線上變化就比較大，左翼衞用左小William，而馬迪就取代受傷嘅麥湯，扮演靠後嘅防中。然而呢個轉變就係其一關鍵，今仗曼聯都想踢翻上次嘅壓迫，但當時就有非常拼命嘅麥湯同費特瘋狂迫搶，覆蓋率非常高，而今場用左馬迪可以話係迫不得已，但年事已高嘅佢轉身同速度都較慢，好難叫佢交翻麥湯上次嘅表現。正正因為咁當曼聯整體想做壓迫嘅時候，實際上所做到壓力並無太大壓力，但整體企位就壓前左，岀現利物浦唔洗點面對密集嘅情況，自自然受到對方一輪嘅猛攻，難以係對方腳下搶到個波去用去踢反擊。
前線上，由於近期大勇嘅拉師傅上場受傷，無辦法把握近期火熱嘅狀態上陣，最新消息指佢更需要休養兩至三個月。所以蘇B就用馬仔同james係前面做反擊點，彭利拿就做個駁腳，亦係無選擇下嘅組合，因為最快又相對有把握力就係呢兩個，駁腳嘅就得彭利拿比馬達後生啲持久性box to box好啲，視野又比無視野嘅連美斯好啲，呢個組合又係另一個迫不得已。
實際上係曼聯失球前，佢地嘅部署也有效果，撇除中場線有啲缺壓迫力下，曼聯成功達到蘇B用3412嘅目的，封鎖紅軍兩側翼及閘嘅進攻力。無耐嘅係，係防守角球上，曼聯就竟然係對方斬波個下用費特去防雲迪克，經過高美斯嘅單擋幫助後，雲迪克成功壓過世界第一貴嘅後衛為球隊先開紀錄。亦係曼聯最唔想發生嘅事，先落後，因為3中堅前面少左進攻點下，難以主導立體嘅攻勢，再加上球員跑動現位等唔積極，好快受壓下就俾翻個波對手，放大左3中堅缺點同自身球隊根源嘅問題。而相關嘅情況去到接近最後十五分鐘先有改變，蘇B望見利記開始體力下降，對方開始漸漸保守因而少左威脅，放手一搏用翻4後衛，球隊嘅連結就變翻爽朗，馬達亦成功發揮佢嘅視野幫助build up，只可惜前線上欠把握力，失去珍貴嘅黃金機會。由以上可以見到，蘇B係準備今場比賽嘅時候過於沉迷點樣利用手上嘅有限資源再去滿足上仗嘅條件，純粹擺啱位下但又忽略左球員之間身體質素及能力嘅分野，大巴當然需要但用上硬件支援不到嘅3中堅又係咪真係最好選擇？用翻4後衛嘅大巴其實都可以做到大巴嘅效果，就例如4312，連美斯可以企後係三人線上，利用走動為球隊貢獻，而唔係強行迫自己係攻中靈魂位置上等自己開竅。雖然小編係上面提左曼聯好多好多嘅問題，但希望魔迷會保持耐性，始終年輕嘅紅魔都需時去吸收教訓去成長，希望蘇B能夠真正了解到敗仗問題所在及幾項根源問題從而著手解決，唔好浪費左球迷嘅期待及耐性。
前線上，由於近期大勇嘅拉師傅上場受傷，無辦法把握近期火熱嘅狀態上陣，最新消息指佢更需要休養兩至三個月。所以蘇B就用馬仔同james係前面做反擊點，彭利拿就做個駁腳，亦係無選擇下嘅組合，因為最快又相對有把握力就係呢兩個，駁腳嘅就得彭利拿比馬達後生啲持久性box to box好啲，視野又比無視野嘅連美斯好啲，呢個組合又係另一個迫不得已。
實際上係曼聯失球前，佢地嘅部署也有效果，撇除中場線有啲缺壓迫力下，曼聯成功達到蘇B用3412嘅目的，封鎖紅軍兩側翼及閘嘅進攻力。無耐嘅係，係防守角球上，曼聯就竟然係對方斬波個下用費特去防雲迪克，經過高美斯嘅單擋幫助後，雲迪克成功壓過世界第一貴嘅後衛為球隊先開紀錄。亦係曼聯最唔想發生嘅事，先落後，因為3中堅前面少左進攻點下，難以主導立體嘅攻勢，再加上球員跑動現位等唔積極，好快受壓下就俾翻個波對手，放大左3中堅缺點同自身球隊根源嘅問題。而相關嘅情況去到接近最後十五分鐘先有改變，蘇B望見利記開始體力下降，對方開始漸漸保守因而少左威脅，放手一搏用翻4後衛，球隊嘅連結就變翻爽朗，馬達亦成功發揮佢嘅視野幫助build up，只可惜前線上欠把握力，失去珍貴嘅黃金機會。由以上可以見到，蘇B係準備今場比賽嘅時候過於沉迷點樣利用手上嘅有限資源再去滿足上仗嘅條件，純粹擺啱位下但又忽略左球員之間身體質素及能力嘅分野，大巴當然需要但用上硬件支援不到嘅3中堅又係咪真係最好選擇？用翻4後衛嘅大巴其實都可以做到大巴嘅效果，就例如4312，連美斯可以企後係三人線上，利用走動為球隊貢獻，而唔係強行迫自己係攻中靈魂位置上等自己開竅。雖然小編係上面提左曼聯好多好多嘅問題，但希望魔迷會保持耐性，始終年輕嘅紅魔都需時去吸收教訓去成長，希望蘇B能夠真正了解到敗仗問題所在及幾項根源問題從而著手解決，唔好浪費左球迷嘅期待及耐性。