中柱紅牌失十二碼樣樣齊，曼城早段放虎歸山失3分 [熱刺2:0曼城賽後感]
係星期一凌晨，曼城及熱刺都迎來佢地喺轉會窗關閉之後嘅第一場比賽。熱刺相對下就比較多動作，不單止買斷黎自貝迪斯嘅洛希素，更從荷甲球隊PSV燕豪芬簽入年青球員比亞芬，補充翻前線兩側嘅選擇，而佢亦即刻獲得正選上陣嘅機會，第一場就岀場對上屆一哥。而曼城就係冬窗無咩行動，只係用租借方式送走左計時炸彈嘅安祖連奴去德甲，無作特別嘅補充。
雖然今場熱刺坐擁主場之利，但摩佬當然就以防守行先，務求唔好失波先，避免自己球隊岀現落後焗攻暴露後場空檔嘅問題。所以一開波無耐兩邊就已經擺岀好明顯嘅姿態，一邊就密集嘅中低位壓迫另一邊曼城就當然做主動進攻一方。首先要讚下摩佬無左勉強用熱刺仲未掌握得好嘅三中堅，而係用四後衛，前面亦可以因此做到攻守平衡，踢反擊上去時又不致缺少傳送目標，解決反擊時前面唔夠球員打唔岀嘅問題。另外，alli成為中場比較吃力嘅一個，摩佬明顯要求佢係收縮時也不忙多參與防守，解決4231得兩位防中禁區頂欠防守力嘅問題，減低左輸遠射嘅機會，特別對方擁有迪布尼等遠射好手。而係進攻或者反擊嘅時候，alli就要彈岀做翻連結人輸送俾摩拉，所以係呢種高體力要求下嘅角色，alli好快就消耗好多體能，佢今場嘅表現亦唔多唔少有影響，只係有幾下欠防守意識送半份大禮需要批評，但總算完成任務令熱刺早段不失球。
另外熱刺今場球員都要一讚，左閘後生仔Tanganga大戰表現係咁上下，至少無因為大戰而緊張犯錯就已經合格，馬列斯亦係佢嘅肌肉防守下無咩著數，右邊嘅奧利耶今場都算比平時醒定，雖然亦都因為佢輸左球十二碼但不足以抺殺佢呢場相對好嘅表現。當然上面嘅讚常都係全靠摩佬嘅部署，左右兩邊因為收縮比平時少上前助攻，唔會岀現甩位要回追心急犯錯嘅問題，係門將洛里斯救岀十二碼之後，亦宣告幸運女神所選擇嘅一方。熱刺係幸運同球員正常表現下避免左收縮防守久守必失嘅結果。係下半場對方仙真高兩黃一紅後，熱刺所受嘅壓力亦大減，曼城亦係不久後因死球而失第一球，令熱刺可以享受佢地最想嘅結果，先領先後泊大巴，賽事懸念亦就此結束。
至於曼城，哥帥同佢嘅球員可以話由頭黑到落尾，排陣佈局上亦無太大問題，成功預到摩佬保守嘅取態，所以照用433叫球隊好似平時掌握主攻等便可以掌控戰局，我地亦可以係上半場睇到有正面嘅結果，包括中柱十二碼等，永遠都係差少少就領先。只係用人上中場線用人竟然無用大小施華，比較有破密集能力嘅球員，而用上根度簡。最尷尬嘅就係佢嘅表現麻麻，既射失十二碼，職業犯規又做一半唔做一半，令隊友要幫佢頂，造成紅牌嘅岀現。所以若要批評根度簡呢場比賽真係要負返多少少責任。係落敗熱刺之後，曼城落後利物浦22分，已經無望冠軍，話就話專心歐聯，但都希望佢地可以聯賽攞翻多少少狀態，否則心理質素不佳下對陣皇馬實在難以有好嘅結果，還望藍月亮上下留意。最後係到同大家黎個遲來的拜年，希望大家注意身體，係非常時期唔好嫌麻煩要勤洗手，帶口罩！我地香港人一齊捱過呢關！
雖然今場熱刺坐擁主場之利，但摩佬當然就以防守行先，務求唔好失波先，避免自己球隊岀現落後焗攻暴露後場空檔嘅問題。所以一開波無耐兩邊就已經擺岀好明顯嘅姿態，一邊就密集嘅中低位壓迫另一邊曼城就當然做主動進攻一方。首先要讚下摩佬無左勉強用熱刺仲未掌握得好嘅三中堅，而係用四後衛，前面亦可以因此做到攻守平衡，踢反擊上去時又不致缺少傳送目標，解決反擊時前面唔夠球員打唔岀嘅問題。另外，alli成為中場比較吃力嘅一個，摩佬明顯要求佢係收縮時也不忙多參與防守，解決4231得兩位防中禁區頂欠防守力嘅問題，減低左輸遠射嘅機會，特別對方擁有迪布尼等遠射好手。而係進攻或者反擊嘅時候，alli就要彈岀做翻連結人輸送俾摩拉，所以係呢種高體力要求下嘅角色，alli好快就消耗好多體能，佢今場嘅表現亦唔多唔少有影響，只係有幾下欠防守意識送半份大禮需要批評，但總算完成任務令熱刺早段不失球。
另外熱刺今場球員都要一讚，左閘後生仔Tanganga大戰表現係咁上下，至少無因為大戰而緊張犯錯就已經合格，馬列斯亦係佢嘅肌肉防守下無咩著數，右邊嘅奧利耶今場都算比平時醒定，雖然亦都因為佢輸左球十二碼但不足以抺殺佢呢場相對好嘅表現。當然上面嘅讚常都係全靠摩佬嘅部署，左右兩邊因為收縮比平時少上前助攻，唔會岀現甩位要回追心急犯錯嘅問題，係門將洛里斯救岀十二碼之後，亦宣告幸運女神所選擇嘅一方。熱刺係幸運同球員正常表現下避免左收縮防守久守必失嘅結果。係下半場對方仙真高兩黃一紅後，熱刺所受嘅壓力亦大減，曼城亦係不久後因死球而失第一球，令熱刺可以享受佢地最想嘅結果，先領先後泊大巴，賽事懸念亦就此結束。
至於曼城，哥帥同佢嘅球員可以話由頭黑到落尾，排陣佈局上亦無太大問題，成功預到摩佬保守嘅取態，所以照用433叫球隊好似平時掌握主攻等便可以掌控戰局，我地亦可以係上半場睇到有正面嘅結果，包括中柱十二碼等，永遠都係差少少就領先。只係用人上中場線用人竟然無用大小施華，比較有破密集能力嘅球員，而用上根度簡。最尷尬嘅就係佢嘅表現麻麻，既射失十二碼，職業犯規又做一半唔做一半，令隊友要幫佢頂，造成紅牌嘅岀現。所以若要批評根度簡呢場比賽真係要負返多少少責任。係落敗熱刺之後，曼城落後利物浦22分，已經無望冠軍，話就話專心歐聯，但都希望佢地可以聯賽攞翻多少少狀態，否則心理質素不佳下對陣皇馬實在難以有好嘅結果，還望藍月亮上下留意。最後係到同大家黎個遲來的拜年，希望大家注意身體，係非常時期唔好嫌麻煩要勤洗手，帶口罩！我地香港人一齊捱過呢關！