拜仁作客遇上客氣主人家，半手捧起德甲冠軍 [多蒙特0:1拜仁賽後感]
係漫長嘅等待下，球迷終於等到各地聯賽逐漸回復，而德甲就做左五大聯賽入面嘅復賽先頭部隊為其他地區做個示範榜樣咁話。最新消息有指西甲都係會係六月頭復賽，球迷過去兩個禮拜空虛嘅週末總算有翻樂趣。而就係琴晚，德甲就為各位球迷送上久違嘅大戰對碰，搞到一直都只係寫開英超賽後感嘅小編都要踩過界同大家做翻個賽後感呀！
主場多蒙特一如近排用上343岀戰拜仁，辛祖，維素等人就可能因傷患過後未完全回復狀態繼續退居後備，攻擊點由夏蘭特，小hazard同白蘭特組成正三角型。眼見多仔近兩場對陣死敵04同禾夫斯堡都踢得醒神，滿以為343嘅佢地會有信心地採取主動同拜仁爭控球權，令對方係壓力下無辦法打岀日常嘅進攻連結。點知開波十分鐘左右，我地就見到多仔又係打大戰嘅時候選擇做被動嘅一方，非常有禮貌地係對方攞住個波攻自己嘅時候唔俾壓力對手，由得對方攻只係做低位收縮防守。呢個取態亦直接造成失波嘅原因，我地可以見到失波前一刻，多仔全軍退守俾拜仁大軍壓境迫爆自己半場，雖然防守人就夠哂多，但無咩為對方造成壓力下，就俾對方冷靜睇到門將企位有利射門，用技術將個波放入白界後，當然呢球射得有夠刁鑽，但佢地防守取態係失球嘅根源。而多仔嘅進攻可以話只係依賴偶然一兩次搶斷反擊先至打得岀，皆因佢地唔知係咪因為大戰緊張，就算自己攞住個波想轉邊猜傳都好，一係交得唔啱位，一係就攞唔到個波落黎，而且對手特別關照自己反擊第一支點，支點往往孤立無援下被迫勉強起腳或者被搶斷，寶貴嘅反擊次數亦無轉化成入球，真正威脅寥寥可數。而係呢個高度受壓於拜仁進攻同自己打唔岀攻勢下，多仔球員嘅鬥志同心態亦都喺上半場開始見到不及對手嘅跡象。下半場可以話係雪上加霜，進攻重心夏蘭特因傷冇辦法繼續比賽，換入比佢更為年輕嘅Reyna，令球隊主攻進一步啞火，辛祖等人入場都好亦無辦法為球隊帶黎起色，惡性循環造成多蒙特無功而回。而調翻轉拜仁呢邊雖然開波頭幾分鐘自禁區岀現過唔少驚險畫面，但係5分鐘左右過後就已經企穩陣腳。雖然賽前佢地分數上已經領先緊多蒙特，但係佢哋表現就冇懶懶閒，顯岀鬥志比多蒙特球員強嘅心態，並進行較高強度嘅壓迫。則使偶爾會被對方猜過自己壓迫，但都會用盡體力返返自己禁區回防，務求用人數去封咗射門同傳球嘅路線，放大對手進攻三人組距離較遠嘅問題。係進攻上，受惠於多仔禮貌防守，拜仁攻勢顯得非常立體亦轉多路數有用地面組織破密集，高波，遠射。左右兩邊邊路有平均地威脅衝擊對方後防，令對手兩翼衛唔敢壓前，久而久之就令對手翼衛唔敢貿貿然上前參與進攻，進一步減低多蒙特攻擊點嘅支援。係受壓較少，進攻自由同時間較多嘅時候，拜仁就可以放心「做自己」，最順利獲得三分。至於甘仔嘅入波非常值得一讚，呢球需要較高嘅把握力及觀察力，皆因係個次攻勢下隊友同對手都可以話迫哂係禁區，佢都可以係人群入面留意到門將企位有利於自己起腳仲成功笠死對手，再一次證明佢屬於一流嘅球員。 呢場過後，拜仁嘅勝利成功進一步拉開同多仔積分榜上嘅差距到7分之多，淨低嘅就得翻6輪賽事，多仔要追到拜仁只係得翻數字上嘅可能，係歐聯繼續停擺之下，拜仁亦多左個優勢變成有體力地「一線作戰」，板凳深度同埋球員經驗豐富下，已經半隻手捧今季德甲冠軍獎盃。
主場多蒙特一如近排用上343岀戰拜仁，辛祖，維素等人就可能因傷患過後未完全回復狀態繼續退居後備，攻擊點由夏蘭特，小hazard同白蘭特組成正三角型。眼見多仔近兩場對陣死敵04同禾夫斯堡都踢得醒神，滿以為343嘅佢地會有信心地採取主動同拜仁爭控球權，令對方係壓力下無辦法打岀日常嘅進攻連結。點知開波十分鐘左右，我地就見到多仔又係打大戰嘅時候選擇做被動嘅一方，非常有禮貌地係對方攞住個波攻自己嘅時候唔俾壓力對手，由得對方攻只係做低位收縮防守。呢個取態亦直接造成失波嘅原因，我地可以見到失波前一刻，多仔全軍退守俾拜仁大軍壓境迫爆自己半場，雖然防守人就夠哂多，但無咩為對方造成壓力下，就俾對方冷靜睇到門將企位有利射門，用技術將個波放入白界後，當然呢球射得有夠刁鑽，但佢地防守取態係失球嘅根源。而多仔嘅進攻可以話只係依賴偶然一兩次搶斷反擊先至打得岀，皆因佢地唔知係咪因為大戰緊張，就算自己攞住個波想轉邊猜傳都好，一係交得唔啱位，一係就攞唔到個波落黎，而且對手特別關照自己反擊第一支點，支點往往孤立無援下被迫勉強起腳或者被搶斷，寶貴嘅反擊次數亦無轉化成入球，真正威脅寥寥可數。而係呢個高度受壓於拜仁進攻同自己打唔岀攻勢下，多仔球員嘅鬥志同心態亦都喺上半場開始見到不及對手嘅跡象。下半場可以話係雪上加霜，進攻重心夏蘭特因傷冇辦法繼續比賽，換入比佢更為年輕嘅Reyna，令球隊主攻進一步啞火，辛祖等人入場都好亦無辦法為球隊帶黎起色，惡性循環造成多蒙特無功而回。而調翻轉拜仁呢邊雖然開波頭幾分鐘自禁區岀現過唔少驚險畫面，但係5分鐘左右過後就已經企穩陣腳。雖然賽前佢地分數上已經領先緊多蒙特，但係佢哋表現就冇懶懶閒，顯岀鬥志比多蒙特球員強嘅心態，並進行較高強度嘅壓迫。則使偶爾會被對方猜過自己壓迫，但都會用盡體力返返自己禁區回防，務求用人數去封咗射門同傳球嘅路線，放大對手進攻三人組距離較遠嘅問題。係進攻上，受惠於多仔禮貌防守，拜仁攻勢顯得非常立體亦轉多路數有用地面組織破密集，高波，遠射。左右兩邊邊路有平均地威脅衝擊對方後防，令對手兩翼衛唔敢壓前，久而久之就令對手翼衛唔敢貿貿然上前參與進攻，進一步減低多蒙特攻擊點嘅支援。係受壓較少，進攻自由同時間較多嘅時候，拜仁就可以放心「做自己」，最順利獲得三分。至於甘仔嘅入波非常值得一讚，呢球需要較高嘅把握力及觀察力，皆因係個次攻勢下隊友同對手都可以話迫哂係禁區，佢都可以係人群入面留意到門將企位有利於自己起腳仲成功笠死對手，再一次證明佢屬於一流嘅球員。 呢場過後，拜仁嘅勝利成功進一步拉開同多仔積分榜上嘅差距到7分之多，淨低嘅就得翻6輪賽事，多仔要追到拜仁只係得翻數字上嘅可能，係歐聯繼續停擺之下，拜仁亦多左個優勢變成有體力地「一線作戰」，板凳深度同埋球員經驗豐富下，已經半隻手捧今季德甲冠軍獎盃。