英超講場第二期（上）丨爭六佼佼者現身？丨誰是耐性上限挑戰王？
大家好呀歡迎睇第二期嘅英超講場，今輪我都有返三場比賽同大家分享，頭場就係愛華頓對西布朗，第二場就係曼聯對水晶宮。而尾場當然同大家分享返唔講唔得嘅車路士對利物浦，車路士對利物浦呢場我就會同大家分開返獨立同大家分享，呢場大戰相信想睇嘅人比較多，所以就將呢一場賽事分返開。
第一場就係愛華頓對西布朗，可能佢哋係一場見住利物浦同埋列斯聯，一齊演入球騷，演得咁happy，佢哋今場都整個翻版。點解咁講？其實如果大家有睇到場波嘅話，呢場波嘅比數，非常之誇張，愛華頓主場大勝西布朗5:2。上一輪我都有同大家分享番愛華頓嘅賽事，點解嗰陣想同大家分享呢?因為當然佢哋係對住其中一支BIG 6球隊之下獲勝啦，我相信如果大家有聽到過條片／有睇波，絕對會知道愛華頓嘅中前場，喺新球員嘅加盟之後其實實力有所提升。而今輪，只不過對住升班馬嘅西布朗，咁我又點解會想同大家分享呢？其實就係因為係今場之後，我其實都幾可肯定，喺安察洛堤嘅戰術，人員安排之下，再加埋球員嘅升級，我其實幾睇好愛華頓，今季可以成為前六嘅佼佼者。同大家講點解我會有咁嘅睇法之前，簡單同大家講下呢一場賽事先！其實首先領先嘅並唔係愛華頓，反而係西布朗，佢哋把握咗愛華頓一次喺前場進攻斷纜嘅時候，即刻打個快攻上去，由Diangana推到愛華頓嘅禁區頂直接起腳。呢球嘅責任其實有少少關Mina事，其實Diangana自己策動嘅反擊之下去到禁區頂，右邊只得一個選擇，當時Digne, Keane亦都已經回防，左邊個隊友又未殺到上嚟，但Mina好似留意唔到呢一點，反而就選擇佢有佢推，我有我退。最終就畀Diangana喺禁區頂一個非常之大空位嘅情況之下起腳，由西布朗領先。賽事發展落去跟住落嚟嘅就唔再係西布朗嘅天下啦，因為愛華頓係31分鐘，透過一次喺禁區前嘅鴨仔波，由Lewin追成1：1。咁呢一個入球相信有一定爭議，就在於究竟Lewin佢有冇越位呢？其實根據當時嘅裁判考慮啦，相信係考慮咗，Lewin禁區迎出嚟攞波之前，其實個波並唔係由Richarlison掂到，係根據球例同埋球證當時認為判決之下，認為係西布朗嘅球員有心去嘗試爭奪皮球，但無意中將個波唔小心傳咗畀係越位位置Lewin。咁佢當然佢一句:『唔該』就入咗喇。入完一球嘅愛華頓，見住西布朗好似未斷氣，把握機會喺上半場嘅完場之前，由James禁區頂嘅遠射，射入一球算係世界波。其實西布朗嘅球員都冇乜防守上嘅錯，冇乜邊個話特別企錯位邊個走甩人咁，純靠JAMES嘅個入級數同埋佢嘅技巧，令到佢望到，而且射到，最終入到㗎。成功喺佢嘅第二場比賽，就入咗佢嘅處子球。點知對西布朗嚟講，最壞嘅情況並唔係上半場前畀人反超，係畀人反超完，自己再申請一張紅牌。Gibb係被James拍埋黎抽左下水後衰衝動送左巴俾佢，球證唯有紅牌送佢走，基上宣布西布朗呢場要做送分童子。當然下半場早段Pereira曾經以靚罰球追和，但稍後都係愛華頓嘅天下，Keane打破和局後，再由Lewin完成帽子戲法，帶走3分。好啦，係時候同大家講下，點解我會係上場同呢場之後個人覺得會成為爭6嘅其一佼佼者？因為作為一隊好球隊，好教練，人腳同攻守戰術缺一不可，唔係要做到好top，但係必須要有個成熟嘅框架。好教練，有安察洛堤，相信無人質疑佢嘅經驗及實力。好人腳，係新加盟球員再加上自己原有唔錯嘅人腳，硬實力同板凳深度都係英超算係上遊。戰術上就相對受教練影響，幸好有安察洛堤嘅到黎，陣型戰術上已經有個形狀，442，433非常穩定，球員又唔會無所適從，依家可以算係有較強執行力。對強隊，佢地有足夠資源人腳防反，前面Lewin同Richarlison嘅速度都嚇死人，係差咁啲把握力，有待狀態提升，442防守比較緊密下亦有能力防守。對弱隊，佢地有最基本明買明賣技術，爭頂有擅頂之人，今場仲可以見到星級球星James有Superhero特性，球隊日後對住鐵桶下遇到樽頸位都有佢打破彊局，係防守穩定為前題下對住弱隊可以坐和望贏，日後若見到佢地更成熟破鐵桶戰術下，就更能肯定愛華頓實力，一齊期待下佢地今季表現！跟住落黎第二場就係曼聯主場對水晶宮嘅比賽啦，亦係曼聯嘅開League戰，值得留意嘅係今場曼聯正選十一人有幾個變動，門將就繼續起用迪基亞，後防右閘由平時嘅Wan-Bissaka變左做Mensah，中場就未有即刻放Beek落正選，前線上James就取替左Greenwood，相信係就住佢係國家隊發生嘅事嘅半懲罰。開波七分鐘就欣賞到曼聯上季係唔同賽事老是常岀現嘅失波劇本，簡單邊線地波傳中，中間永遠有人但永遠就無人解到，俾對方遠柱食糊。落後下就攻不銳守不穩，再俾對方搏到手球十二碼拉開到0:2。雖然後備上陣嘅Beek處子場就入處子球，但佢見到自己球隊表現咁，又點會笑得岀呀。5分鐘之後Zaha更係簡單地打爆左Lindelof，殺死呢場比賽嘅懸念。呢一球若果曼聯球迷睇到應該都會想好似上次歐霸Bruno咁問候佢，Lindelof基本上先天同後天都無一個好條件令佢做到一個穩定可靠中堅，佢只係挑戰緊球隊教練團同管理處嘅下限，已經26歲嘅佢其實應該正直當打之季，但要進步嘅空間佢睇黎後生5歲，係中堅呢個位置有需要進行適當調整，例如俾機會Bailly甚或增兵。進攻上面，曼聯今場都一團糟，面對對方密集企位，前線球員收哂入禁區，無用盡球場闊度，再加上呢班年輕球員係落後下，心態有少少急同亂，造就水晶宮打岀黎嘅快攻仲好睇過曼聯嘅進攻，最終令曼聯第三次係英超開鑼日敗陣而回。幸好嘅係呢場只係第一場，仲有時間俾蘇B調整，希望佢明白唔可以淨係靠買人去推動球隊成績，教練團隊其實亦需要有責任對症下藥改善個別球員表現，但以今場睇黎佢地藥都未執。以上就係第二輪賽後報導嘅上集啦！嚟緊下集會單獨同大家分享今輪大戰，車路士對利物浦，我地到時再見呀！希望大家睇得enjoy!!如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！下次見！
https://www.youtube.com/channel/UCFljyz_WSzX9CzmoP6UO4Jw
第一場就係愛華頓對西布朗，可能佢哋係一場見住利物浦同埋列斯聯，一齊演入球騷，演得咁happy，佢哋今場都整個翻版。點解咁講？其實如果大家有睇到場波嘅話，呢場波嘅比數，非常之誇張，愛華頓主場大勝西布朗5:2。上一輪我都有同大家分享番愛華頓嘅賽事，點解嗰陣想同大家分享呢?因為當然佢哋係對住其中一支BIG 6球隊之下獲勝啦，我相信如果大家有聽到過條片／有睇波，絕對會知道愛華頓嘅中前場，喺新球員嘅加盟之後其實實力有所提升。而今輪，只不過對住升班馬嘅西布朗，咁我又點解會想同大家分享呢？其實就係因為係今場之後，我其實都幾可肯定，喺安察洛堤嘅戰術，人員安排之下，再加埋球員嘅升級，我其實幾睇好愛華頓，今季可以成為前六嘅佼佼者。同大家講點解我會有咁嘅睇法之前，簡單同大家講下呢一場賽事先！其實首先領先嘅並唔係愛華頓，反而係西布朗，佢哋把握咗愛華頓一次喺前場進攻斷纜嘅時候，即刻打個快攻上去，由Diangana推到愛華頓嘅禁區頂直接起腳。呢球嘅責任其實有少少關Mina事，其實Diangana自己策動嘅反擊之下去到禁區頂，右邊只得一個選擇，當時Digne, Keane亦都已經回防，左邊個隊友又未殺到上嚟，但Mina好似留意唔到呢一點，反而就選擇佢有佢推，我有我退。最終就畀Diangana喺禁區頂一個非常之大空位嘅情況之下起腳，由西布朗領先。賽事發展落去跟住落嚟嘅就唔再係西布朗嘅天下啦，因為愛華頓係31分鐘，透過一次喺禁區前嘅鴨仔波，由Lewin追成1：1。咁呢一個入球相信有一定爭議，就在於究竟Lewin佢有冇越位呢？其實根據當時嘅裁判考慮啦，相信係考慮咗，Lewin禁區迎出嚟攞波之前，其實個波並唔係由Richarlison掂到，係根據球例同埋球證當時認為判決之下，認為係西布朗嘅球員有心去嘗試爭奪皮球，但無意中將個波唔小心傳咗畀係越位位置Lewin。咁佢當然佢一句:『唔該』就入咗喇。入完一球嘅愛華頓，見住西布朗好似未斷氣，把握機會喺上半場嘅完場之前，由James禁區頂嘅遠射，射入一球算係世界波。其實西布朗嘅球員都冇乜防守上嘅錯，冇乜邊個話特別企錯位邊個走甩人咁，純靠JAMES嘅個入級數同埋佢嘅技巧，令到佢望到，而且射到，最終入到㗎。成功喺佢嘅第二場比賽，就入咗佢嘅處子球。點知對西布朗嚟講，最壞嘅情況並唔係上半場前畀人反超，係畀人反超完，自己再申請一張紅牌。Gibb係被James拍埋黎抽左下水後衰衝動送左巴俾佢，球證唯有紅牌送佢走，基上宣布西布朗呢場要做送分童子。當然下半場早段Pereira曾經以靚罰球追和，但稍後都係愛華頓嘅天下，Keane打破和局後，再由Lewin完成帽子戲法，帶走3分。好啦，係時候同大家講下，點解我會係上場同呢場之後個人覺得會成為爭6嘅其一佼佼者？因為作為一隊好球隊，好教練，人腳同攻守戰術缺一不可，唔係要做到好top，但係必須要有個成熟嘅框架。好教練，有安察洛堤，相信無人質疑佢嘅經驗及實力。好人腳，係新加盟球員再加上自己原有唔錯嘅人腳，硬實力同板凳深度都係英超算係上遊。戰術上就相對受教練影響，幸好有安察洛堤嘅到黎，陣型戰術上已經有個形狀，442，433非常穩定，球員又唔會無所適從，依家可以算係有較強執行力。對強隊，佢地有足夠資源人腳防反，前面Lewin同Richarlison嘅速度都嚇死人，係差咁啲把握力，有待狀態提升，442防守比較緊密下亦有能力防守。對弱隊，佢地有最基本明買明賣技術，爭頂有擅頂之人，今場仲可以見到星級球星James有Superhero特性，球隊日後對住鐵桶下遇到樽頸位都有佢打破彊局，係防守穩定為前題下對住弱隊可以坐和望贏，日後若見到佢地更成熟破鐵桶戰術下，就更能肯定愛華頓實力，一齊期待下佢地今季表現！跟住落黎第二場就係曼聯主場對水晶宮嘅比賽啦，亦係曼聯嘅開League戰，值得留意嘅係今場曼聯正選十一人有幾個變動，門將就繼續起用迪基亞，後防右閘由平時嘅Wan-Bissaka變左做Mensah，中場就未有即刻放Beek落正選，前線上James就取替左Greenwood，相信係就住佢係國家隊發生嘅事嘅半懲罰。開波七分鐘就欣賞到曼聯上季係唔同賽事老是常岀現嘅失波劇本，簡單邊線地波傳中，中間永遠有人但永遠就無人解到，俾對方遠柱食糊。落後下就攻不銳守不穩，再俾對方搏到手球十二碼拉開到0:2。雖然後備上陣嘅Beek處子場就入處子球，但佢見到自己球隊表現咁，又點會笑得岀呀。5分鐘之後Zaha更係簡單地打爆左Lindelof，殺死呢場比賽嘅懸念。呢一球若果曼聯球迷睇到應該都會想好似上次歐霸Bruno咁問候佢，Lindelof基本上先天同後天都無一個好條件令佢做到一個穩定可靠中堅，佢只係挑戰緊球隊教練團同管理處嘅下限，已經26歲嘅佢其實應該正直當打之季，但要進步嘅空間佢睇黎後生5歲，係中堅呢個位置有需要進行適當調整，例如俾機會Bailly甚或增兵。進攻上面，曼聯今場都一團糟，面對對方密集企位，前線球員收哂入禁區，無用盡球場闊度，再加上呢班年輕球員係落後下，心態有少少急同亂，造就水晶宮打岀黎嘅快攻仲好睇過曼聯嘅進攻，最終令曼聯第三次係英超開鑼日敗陣而回。幸好嘅係呢場只係第一場，仲有時間俾蘇B調整，希望佢明白唔可以淨係靠買人去推動球隊成績，教練團隊其實亦需要有責任對症下藥改善個別球員表現，但以今場睇黎佢地藥都未執。以上就係第二輪賽後報導嘅上集啦！嚟緊下集會單獨同大家分享今輪大戰，車路士對利物浦，我地到時再見呀！希望大家睇得enjoy!!如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！下次見！
https://www.youtube.com/channel/UCFljyz_WSzX9CzmoP6UO4Jw