英超講場第二期（下）丨今次有人過份聽話？丨有人用45分鐘交出90分鐘嘅數據 ？！
嚟到第二期嘅下集！會係獨立地談及車路士對利物浦嘅賽後報導，同大家了解呢場焦點戰。
先介紹下雙方用人及戰術，就同我賽前預測一樣車路士前線用左Werner, Mount, Havertz，不過反而就Werner企近左邊，由Harvertz做中間，有啲似偽9號嘅打法。用左我提及433嘅陣式，經過前幾次交手之後嘅教訓拖慢節奏，唔同利物浦快打快，減低對手威脅亦同時減低高速率下自己失誤嘅機會，相信佢地明白先落後係有幾危險，佢地好肯係後場猜波，用一個好似阿仙奴近排接連有斬獲嘅方法去吸引利物浦上前壓迫然後大腳俾Werner反擊，但係佢地就無好似阿仙奴咁用上五後衛方便自己後場猜波，成功做到上去對面禁區機會亦少。另外四後衛令佢地選擇相對較少，險象情況時有發生，面對利物浦高壓企位防守，車路士四後衛下後場短傳組織選擇比較少，一對中堅受制於Sala同Mane，Firmino就望實回後攞波嘅Jorginho，兩閘係相對下有多少少空位去攞波，講緊嘅係當Robo同Arnold無咁埋身個陣。車路士可以打岀到對方嘅機會就寥寥可數，非常依賴兩側偶然得到嘅空位從而交俾前面Werner去爆，上場對住白禮頓不斷大腳嘅戰術就唔見左，簡單講用左錯誤嘅陣式執行正確嘅戰術取向，但係保守同嘗試獲得更多控球權下至少成功係紅牌前力保不失。至於利物浦，係經過第一輪險勝列斯聯後，視乎打動左領導層個荷包，一次過買入拖左好耐嘅Thiago同閃電買入Jota，加強翻衛冕英超嘅決心火種，相信對更衣室士氣黎講有非常正面影響，而經過呢兩個收購，根據消息佢地係今次轉會窗唔會再有收購。至於佢地呢場，一如我賽前報導所講，佢地都只係做翻自己，長期給予高壓俾車路士後防，用高風險方法去限制對手。而正選用人上，值得留意嘅係，平時同Van Dijk拍開嘅Gomez係賽前就相信有輕傷，係另一中堅人選Matip都未傷癒下，就由Fabinho呢個中堅第四人選做替工。賽前應該都有唔少球迷擔心呢個替工頂唔頂得住Werner嘅衝擊，但係呢位替工就以行動表現同佢隊友講句:「放心休養下」咁話。係面對Werner兩次關鍵嘅衝擊，2分鐘左右個次佢就成功限住Werner cut入大位，放佢落低線，搵啱時機食翻身位，仲搏到進攻犯規，瓦解車路士為數不多嘅反擊。另一次就調翻轉，個次亦係Werner帶波到利物浦禁區頂，威脅亦較大，Fabinho留意完隊友走位後全速回防，今次佢就封住落底嘅位置，放心放大位俾Werner，因為佢知道個到有佢拍檔Van Dijk，經過考慮周全嘅防守決定令車路士係18分鐘嘅呢個反擊再次打唔響。雖然係車仔長期退守下令到紅軍未能係半場打開紀錄，但透過一次車仔俾過度空間Henderson望住黎傳，Mane擺脫防守後獲得單刀機會，心急又亂嘅Christensen就後上用欖球play阻止呢次直接攻門機會，代價就係一張紅牌。我明白呢球俾Mane就咁過左應該就會先輸一球，但佢似乎忽略左宏觀角度，留意翻賽事只係去到45分鐘，球隊即使落後都仲有45分鐘憑住調動，有機會以11人扭轉局面。呢下犯規，的確可以維持0:0比數多一陣，但就廢左車仔若落後反追嘅能力，可惜結局就係向壞嘅方向發展。下半場少打一個嘅車路士以432企位，尷尬地一係就被overload條邊一係就overload中場half space位置，造成久守必失嘅局面，只可以話下半場45分鐘觀賞性被一張紅牌催毁。得翻少少嘅觀賞點就係新加盟利物浦嘅Thiago係Henderson相信受傷下，比佢預期中更早落場。簡單講下佢一項突出嘅數據，佢係下半場短短45分鐘所完成嘅傳球比車路士任何一位球員係90分鐘所完成嘅仲要多，係高次數下都仲可以維持90%傳球成功率，以呢場處子戰表現，球迷同教練高普應該收貨啦？繼續留意下佢嚟緊上場表現！
而至於車路士方面焦點球員就當然係龍門Kepa啦，唔少球迷同傳媒都批評佢導致第二球失波嘅處理，而我個人都有少少睇法。首先錯Kepa一定有錯，無論教練林伯落咩order，要後場猜波都好，Mane係遮隻哂成條傳球路線下點都唔應該無腦冒險繼續傳，之前話佢唔聽話教練換佢都唔走，咁呢次可以話佢太聽話，林伯要點化呢個咁高身價嘅龍門係一大挑戰。至於部分責任就係林伯身上，先唔講佢係開波竟然唔用五後衛去後場猜波，畢竟上半場叫做力保不失，未有明顯結果證明係個好錯嘅決定。但係下半場少打有人後，變成攻防陣地戰就理所當然架啦，車路士最緊要就係見波就清前面攞到波就反擊，無機會就收縮重收黎過，上半場齊腳我地都叫睇到呢個取向有咩好處。但少打一人之下，仲勉強承受高壓後場猜波又係咪仲有必要？所以都可以話林伯都要為Kepa嘅過份聽話埋單。但睇黎Kepa機會應該會有少無多啦，因為車仔係呢一刻已經準備緊簽入黎自雷恩新門將Mendy，相信就差官宣只能祝Kepa好運啦，佢前途係呢一刻變得有少少唔樂觀。
希望大家睇得enjoy!!如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！下次見！
https://www.youtube.com/channel/UCFljyz_WSzX9CzmoP6UO4Jw
先介紹下雙方用人及戰術，就同我賽前預測一樣車路士前線用左Werner, Mount, Havertz，不過反而就Werner企近左邊，由Harvertz做中間，有啲似偽9號嘅打法。用左我提及433嘅陣式，經過前幾次交手之後嘅教訓拖慢節奏，唔同利物浦快打快，減低對手威脅亦同時減低高速率下自己失誤嘅機會，相信佢地明白先落後係有幾危險，佢地好肯係後場猜波，用一個好似阿仙奴近排接連有斬獲嘅方法去吸引利物浦上前壓迫然後大腳俾Werner反擊，但係佢地就無好似阿仙奴咁用上五後衛方便自己後場猜波，成功做到上去對面禁區機會亦少。另外四後衛令佢地選擇相對較少，險象情況時有發生，面對利物浦高壓企位防守，車路士四後衛下後場短傳組織選擇比較少，一對中堅受制於Sala同Mane，Firmino就望實回後攞波嘅Jorginho，兩閘係相對下有多少少空位去攞波，講緊嘅係當Robo同Arnold無咁埋身個陣。車路士可以打岀到對方嘅機會就寥寥可數，非常依賴兩側偶然得到嘅空位從而交俾前面Werner去爆，上場對住白禮頓不斷大腳嘅戰術就唔見左，簡單講用左錯誤嘅陣式執行正確嘅戰術取向，但係保守同嘗試獲得更多控球權下至少成功係紅牌前力保不失。至於利物浦，係經過第一輪險勝列斯聯後，視乎打動左領導層個荷包，一次過買入拖左好耐嘅Thiago同閃電買入Jota，加強翻衛冕英超嘅決心火種，相信對更衣室士氣黎講有非常正面影響，而經過呢兩個收購，根據消息佢地係今次轉會窗唔會再有收購。至於佢地呢場，一如我賽前報導所講，佢地都只係做翻自己，長期給予高壓俾車路士後防，用高風險方法去限制對手。而正選用人上，值得留意嘅係，平時同Van Dijk拍開嘅Gomez係賽前就相信有輕傷，係另一中堅人選Matip都未傷癒下，就由Fabinho呢個中堅第四人選做替工。賽前應該都有唔少球迷擔心呢個替工頂唔頂得住Werner嘅衝擊，但係呢位替工就以行動表現同佢隊友講句:「放心休養下」咁話。係面對Werner兩次關鍵嘅衝擊，2分鐘左右個次佢就成功限住Werner cut入大位，放佢落低線，搵啱時機食翻身位，仲搏到進攻犯規，瓦解車路士為數不多嘅反擊。另一次就調翻轉，個次亦係Werner帶波到利物浦禁區頂，威脅亦較大，Fabinho留意完隊友走位後全速回防，今次佢就封住落底嘅位置，放心放大位俾Werner，因為佢知道個到有佢拍檔Van Dijk，經過考慮周全嘅防守決定令車路士係18分鐘嘅呢個反擊再次打唔響。雖然係車仔長期退守下令到紅軍未能係半場打開紀錄，但透過一次車仔俾過度空間Henderson望住黎傳，Mane擺脫防守後獲得單刀機會，心急又亂嘅Christensen就後上用欖球play阻止呢次直接攻門機會，代價就係一張紅牌。我明白呢球俾Mane就咁過左應該就會先輸一球，但佢似乎忽略左宏觀角度，留意翻賽事只係去到45分鐘，球隊即使落後都仲有45分鐘憑住調動，有機會以11人扭轉局面。呢下犯規，的確可以維持0:0比數多一陣，但就廢左車仔若落後反追嘅能力，可惜結局就係向壞嘅方向發展。下半場少打一個嘅車路士以432企位，尷尬地一係就被overload條邊一係就overload中場half space位置，造成久守必失嘅局面，只可以話下半場45分鐘觀賞性被一張紅牌催毁。得翻少少嘅觀賞點就係新加盟利物浦嘅Thiago係Henderson相信受傷下，比佢預期中更早落場。簡單講下佢一項突出嘅數據，佢係下半場短短45分鐘所完成嘅傳球比車路士任何一位球員係90分鐘所完成嘅仲要多，係高次數下都仲可以維持90%傳球成功率，以呢場處子戰表現，球迷同教練高普應該收貨啦？繼續留意下佢嚟緊上場表現！
而至於車路士方面焦點球員就當然係龍門Kepa啦，唔少球迷同傳媒都批評佢導致第二球失波嘅處理，而我個人都有少少睇法。首先錯Kepa一定有錯，無論教練林伯落咩order，要後場猜波都好，Mane係遮隻哂成條傳球路線下點都唔應該無腦冒險繼續傳，之前話佢唔聽話教練換佢都唔走，咁呢次可以話佢太聽話，林伯要點化呢個咁高身價嘅龍門係一大挑戰。至於部分責任就係林伯身上，先唔講佢係開波竟然唔用五後衛去後場猜波，畢竟上半場叫做力保不失，未有明顯結果證明係個好錯嘅決定。但係下半場少打有人後，變成攻防陣地戰就理所當然架啦，車路士最緊要就係見波就清前面攞到波就反擊，無機會就收縮重收黎過，上半場齊腳我地都叫睇到呢個取向有咩好處。但少打一人之下，仲勉強承受高壓後場猜波又係咪仲有必要？所以都可以話林伯都要為Kepa嘅過份聽話埋單。但睇黎Kepa機會應該會有少無多啦，因為車仔係呢一刻已經準備緊簽入黎自雷恩新門將Mendy，相信就差官宣只能祝Kepa好運啦，佢前途係呢一刻變得有少少唔樂觀。
希望大家睇得enjoy!!如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！下次見！
https://www.youtube.com/channel/UCFljyz_WSzX9CzmoP6UO4Jw