英超講場第三期（上）丨門柱竟然可以擔起MVP重任！丨藍月亮應如何重捨雄風 ？
大家好呀！三輪過後，係賽後報導前同大家簡單update下積分榜形勢先！暫時三輪三勝嘅有我上條片講過嘅爭六佼佼者愛華頓同埋有三場入五球嘅華Dee助陣之下嘅李斯特城，同埋就係利物浦，三戰三勝，以呢三隊表現最為標青。老習慣啦！三場焦點賽後報導即刻送上！上集就會有白禮頓對曼聯同雙城對決，曼城對李斯特城。
先講今輪嘅頭場比賽，紅魔鬼作客對住白禮頓。係識任何野前，我首先要帶岀一點，亦希望曼聯球迷們唔好介意，就係曼聯絕對唔值得呢三分，能夠帶走分數佢地真係執翻身彩。上半場岀到黎就可以睇到曼聯完全無辦法掌控到局勢，有威脅嘅埋門全部都黎自牌面實力較弱嘅白禮頓。造成呢個現象有兩個原因，一就係白禮頓成功干擾佢地嘅行軍節奏，每每想持球傳控就被迫到無得諗，一係勉強交送個控球權岀去，一係就直接被迫甩，睇上半場控球權就知道曼聯做唔到由上季季尾開始用波進攻風格，反而呢場需要做防守嘅工作仲要多。你話佢地係想穩守反擊咩？個場面係完全唔似，引申到第二個原因，曼聯防守完全發夢，不在狀態，特別右路最為嚴重，Wan-Bissaka 同 Greenwood條邊線，可以話係完全係災難性嘅演出。
呢場有個話題性就係白禮頓一場竟然射中五次柱，而當中唔少攻勢都係把握住曼聯右路嘅空位，快攻又好，落底吊高傳中又好，只要跑去曼聯右路永遠可以搵到個舒服嘅位起腳同等食，慘就慘在無還神個天都唔幫白禮頓，當中一次內柱都可以彈翻岀黎，五次入面入翻一球就已經唔洗三分全失，入多球就全取三分。不過足球就係咁，亦都係魅力所在，表現再好再上風都好，比分都未必可以反映場內形勢，更甚至矛盾，賽果永遠有種神秘感，唔到最後一刻都唔知咩事。講翻曼聯，防守啱啱提左有幾咁差啦，右面穿左個窿下，進攻又有無掩蓋到防守差嘅問題？睇比分結果就當然可以啦，先要讚嘅係Rashford帶領曼聯反超前1:2個球非常冷靜，憑速度接應Bruno嘅傳送，再自己cut入禁區一擺再擺，擺到白禮頓衝翻黎回防嘅球員訓哂係草地再冷靜起腳，呢球顯岀佢冷靜同個人能力，值得一讚。但除咗呢樣，就真係無咩野讚得岀口，Martial做前箭頭繼續無咩表現，繼續無用盡球場寬度，成日係進攻就迫到禁區密麻麻又企定定，坦白講唔係透過買人之後，有啲級數嘅球員走位同傳送令球隊有啲唔同之外，見唔到蘇B係帶領曼聯有跳一級嘅進步。你話之前未買人，質素有限只可以透過打反擊去搶強隊分，技巧需求唔大就叫住可以勉強應付，叫做收貨。但依家買左人，對住強隊同比自己弱嘅隊，領導層都會期望可以改變，講求嘅野就會多左，戰術報置用人，訓練等都會變得複雜，蘇B就咁睇由上季下半時間開始到依家，都睇唔岀佢有咩板斧，睇怕唔快啲請教下費sir佢個位都唔坐得耐。同埋希望佢真係唔會滿足於今次嘅三分，皆因實屬雙重幸運，係門柱呢個最佳十二人同Maupay最尾一刻大意手行先解圍下先至有分落袋，毫無主動性可言，曼聯嘅表現又應唔應該係咁？呢條問題相信大家心中都有答案。至於第二場雙城記，羅渣士係往往對住強隊都無好成績下，今場終於踢翻場好波。李城係開波一刻就擺明縮後等曼城黎攻，由之前常用嘅4141轉埋做三中堅。點知開波3分鐘就俾倒戈嘅Mahrez係一次角球機會下無人看守直衝左邊網先打開記錄，呢球就全靠李城防守角球報置係禁區頂位置太薄，俾哂空間對手發揮。以為先打開記錄嘅曼城可以睇住黎踢應該好舒服啦，再加上李城就算失左球下都繼續收縮係自己半場，無為曼城施加壓力，就咁睇睇唔到全失三分嘅機會。一切就由37分鐘walker禁區大腦斷路拉低Vardy，十二碼令兩隊比分重返起跑線。羅渣士穩守突擊嘅戰術再次打得翻響，係曼城被追和下，上前進攻暴露後防空位俾李城去哨，而呢個方法就有效地打到啪啪聲，再係曼城後防幾位人兄輪住犯錯下令李城更反超前並拉開比數，從而可以笑住帶3分走。呢場比賽曼城嘅進攻睇到有啲失靈，相信最大影響就因為用開嘅正選前鋒Aguero同Jesus都傷左，用左sterling 去做所謂正前鋒，但向來曼城進攻過程甚至終結一刻都會需要用上中央嘅一個目標，去衝頂/令攻勢過渡。今場缺少左一位正印前鋒下明顯對佢地有影響，再加埋哥帥由以前好著重係面對密集時候會用盡球場寬度嘅佢變左今日唔太重視，面對住對方大巴，自己唔順情況下更加大自己破鐵桶難度，今場兩球都係靠死球嘅機會先入到你就知佢地今場進攻上係完全失靈，再加埋後防幾次係禁區內魯莽犯錯，招致大敗。望住哥帥由以前搵到一套幾啱曼城嘅打法，變形系統往往都有斬獲令人聞風喪膽慢慢呢到改啲，個到又改啲，風格慢慢變質，令曼城缺少左往日壓倒性嘅姿態。希望佢可以明白我地中文一個四字詞語「返璞歸真」，望翻以前嘅曼城，唔好再做咁多有負面影響嘅改變，皆因係各隊都有所增強下，要重奪英超冠軍已唔再係易事，無空間再咁樣失分，更莫講話要帶隊衝擊歐聯。。。上集就到呢到先！下集會有尾場大戰利物浦對住阿仙奴，同埋都會同大家分享翻今季一個判決上嘅新議題，記得留意啦！
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
先講今輪嘅頭場比賽，紅魔鬼作客對住白禮頓。係識任何野前，我首先要帶岀一點，亦希望曼聯球迷們唔好介意，就係曼聯絕對唔值得呢三分，能夠帶走分數佢地真係執翻身彩。上半場岀到黎就可以睇到曼聯完全無辦法掌控到局勢，有威脅嘅埋門全部都黎自牌面實力較弱嘅白禮頓。造成呢個現象有兩個原因，一就係白禮頓成功干擾佢地嘅行軍節奏，每每想持球傳控就被迫到無得諗，一係勉強交送個控球權岀去，一係就直接被迫甩，睇上半場控球權就知道曼聯做唔到由上季季尾開始用波進攻風格，反而呢場需要做防守嘅工作仲要多。你話佢地係想穩守反擊咩？個場面係完全唔似，引申到第二個原因，曼聯防守完全發夢，不在狀態，特別右路最為嚴重，Wan-Bissaka 同 Greenwood條邊線，可以話係完全係災難性嘅演出。
呢場有個話題性就係白禮頓一場竟然射中五次柱，而當中唔少攻勢都係把握住曼聯右路嘅空位，快攻又好，落底吊高傳中又好，只要跑去曼聯右路永遠可以搵到個舒服嘅位起腳同等食，慘就慘在無還神個天都唔幫白禮頓，當中一次內柱都可以彈翻岀黎，五次入面入翻一球就已經唔洗三分全失，入多球就全取三分。不過足球就係咁，亦都係魅力所在，表現再好再上風都好，比分都未必可以反映場內形勢，更甚至矛盾，賽果永遠有種神秘感，唔到最後一刻都唔知咩事。講翻曼聯，防守啱啱提左有幾咁差啦，右面穿左個窿下，進攻又有無掩蓋到防守差嘅問題？睇比分結果就當然可以啦，先要讚嘅係Rashford帶領曼聯反超前1:2個球非常冷靜，憑速度接應Bruno嘅傳送，再自己cut入禁區一擺再擺，擺到白禮頓衝翻黎回防嘅球員訓哂係草地再冷靜起腳，呢球顯岀佢冷靜同個人能力，值得一讚。但除咗呢樣，就真係無咩野讚得岀口，Martial做前箭頭繼續無咩表現，繼續無用盡球場寬度，成日係進攻就迫到禁區密麻麻又企定定，坦白講唔係透過買人之後，有啲級數嘅球員走位同傳送令球隊有啲唔同之外，見唔到蘇B係帶領曼聯有跳一級嘅進步。你話之前未買人，質素有限只可以透過打反擊去搶強隊分，技巧需求唔大就叫住可以勉強應付，叫做收貨。但依家買左人，對住強隊同比自己弱嘅隊，領導層都會期望可以改變，講求嘅野就會多左，戰術報置用人，訓練等都會變得複雜，蘇B就咁睇由上季下半時間開始到依家，都睇唔岀佢有咩板斧，睇怕唔快啲請教下費sir佢個位都唔坐得耐。同埋希望佢真係唔會滿足於今次嘅三分，皆因實屬雙重幸運，係門柱呢個最佳十二人同Maupay最尾一刻大意手行先解圍下先至有分落袋，毫無主動性可言，曼聯嘅表現又應唔應該係咁？呢條問題相信大家心中都有答案。至於第二場雙城記，羅渣士係往往對住強隊都無好成績下，今場終於踢翻場好波。李城係開波一刻就擺明縮後等曼城黎攻，由之前常用嘅4141轉埋做三中堅。點知開波3分鐘就俾倒戈嘅Mahrez係一次角球機會下無人看守直衝左邊網先打開記錄，呢球就全靠李城防守角球報置係禁區頂位置太薄，俾哂空間對手發揮。以為先打開記錄嘅曼城可以睇住黎踢應該好舒服啦，再加上李城就算失左球下都繼續收縮係自己半場，無為曼城施加壓力，就咁睇睇唔到全失三分嘅機會。一切就由37分鐘walker禁區大腦斷路拉低Vardy，十二碼令兩隊比分重返起跑線。羅渣士穩守突擊嘅戰術再次打得翻響，係曼城被追和下，上前進攻暴露後防空位俾李城去哨，而呢個方法就有效地打到啪啪聲，再係曼城後防幾位人兄輪住犯錯下令李城更反超前並拉開比數，從而可以笑住帶3分走。呢場比賽曼城嘅進攻睇到有啲失靈，相信最大影響就因為用開嘅正選前鋒Aguero同Jesus都傷左，用左sterling 去做所謂正前鋒，但向來曼城進攻過程甚至終結一刻都會需要用上中央嘅一個目標，去衝頂/令攻勢過渡。今場缺少左一位正印前鋒下明顯對佢地有影響，再加埋哥帥由以前好著重係面對密集時候會用盡球場寬度嘅佢變左今日唔太重視，面對住對方大巴，自己唔順情況下更加大自己破鐵桶難度，今場兩球都係靠死球嘅機會先入到你就知佢地今場進攻上係完全失靈，再加埋後防幾次係禁區內魯莽犯錯，招致大敗。望住哥帥由以前搵到一套幾啱曼城嘅打法，變形系統往往都有斬獲令人聞風喪膽慢慢呢到改啲，個到又改啲，風格慢慢變質，令曼城缺少左往日壓倒性嘅姿態。希望佢可以明白我地中文一個四字詞語「返璞歸真」，望翻以前嘅曼城，唔好再做咁多有負面影響嘅改變，皆因係各隊都有所增強下，要重奪英超冠軍已唔再係易事，無空間再咁樣失分，更莫講話要帶隊衝擊歐聯。。。上集就到呢到先！下集會有尾場大戰利物浦對住阿仙奴，同埋都會同大家分享翻今季一個判決上嘅新議題，記得留意啦！
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw