英超講場第五期（下）丨「波係踢90分鐘」又一另證丨Bale回巢慘做黑仔星...
而除左火爆嘅默西賽德郡打吡，今輪仲有個名義上嘅倫敦打吡，熱刺對住同為倫敦市對手韋斯咸，雙方近況表現都唔錯，熱刺上場大勝紅魔鬼，而韋斯咸亦完勝李斯特城，係相對fit嘅狀態踢呢一場打吡。
熱刺開波1分鐘就已經有個閃電入球，再一次由Kane做助攻俾今季暫時fit爆嘅Son，自己推到對方禁區後再搞掂先開紀錄。5分鐘熱剌就再入一球，呢球又關Kane事，今次就由佢策動反擊，雖然交左俾 Bergwijn之後佢就未能直接攻門，但熱刺繼續keep到個波保持攻勢，最終回返俾係禁區頂嘅Kane，交左咁多球助攻嘅佢都忍唔住做翻老本行，瀟洒地通左Rice大細後直接起腳入網，10分鐘都未夠就2:0。賽事嘅節奏就好似繼續5分鐘就入一球，Kane就繼續滿足自己嘅入波癮，接應今季買翻嘅Reguilon岀嘅靚波，過哂成條韋斯咸防線自己就係尾柱輕鬆頂入，3:0嘅比數帶到入更衣室。
半場岀到黎嘅開波，熱刺球員有少少係3:0呢個數字影響下有少少放軟手腳，而韋斯咸亦係3:0呢個數字下岀到黎就搏盡做翻啲攻勢，有波就盡力造入禁區去爭頂，遠射起腳咩都試齊哂，只係永遠就差最後一腳靚傳或者射門，未能夠轉化成為入波，唔算特別有效，至少去到80分鐘都無咩起色。然而80分鐘後，亦令呢一場波又係另一個例子說明:「波係踢90分鐘」嘅道理，短短10分鐘加埋補時嘅時間，韋斯咸話夠哂時間俾我追呀！一次死球，一個烏龍，一個世界波就入三球，用盡最後一秒成功追和3:3，更令熱刺無仇報，帶走一分。
呢場著眼點就有幾樣，當然就有Kane同Son嘅配合，上場對住曼聯都已經可以見到佢地之間嘅默契，最近可以見到Kane係球隊組織功勢嘅時候會走得比以往更落去幫波，更融入中場線，將對方防守球員拉得比佢地嘅應有位置更遠，兩側快馬準備好起動下就大片草原去爆，射門就更見輕鬆，呢場嘅Son入嘅第一球就係一個好成功例子。令我驚喜嘅係Kane原來俾波都有一手，至少比我想像中好，再加上同Son配合多年嘅關係下令效果更為正面亦可以暫時解決到早前Eriksen離隊同Alli狀態不穩令球隊中場缺乏創造力嘅問題。 第二個著眼點就當然係大聖Bale回歸！Bale今季回巢熱刺後首次亮相。摩佬係見3:0領先下亦俾佢係70分鐘左右入替去搵翻比賽節奏，等佢可以準備好係黎緊比較密集賽程下幫到球隊手，最佳狀態下嘅佢的確能扮演到相當重要嘅角色，係領隊人見人愛嘅殺手球員。今場後備登場俾佢發揮嘅空間同時間就有限，係熱刺大比數領先又無揸住控球權下令佢無咩波掂，加上佢同其他前線球員未夾好下，走位未算太好未令佢獲得輸送，唯一一腳最有睇頭嘅就係補時一次反擊接應Kane分波去推進，再用個人技術去突破造成接近單對單對住門將嘅局面，可惜隻腳就未擺脫高爾夫球嘅節奏射偏，埋下熱刺被追和結局。射完呢球後，鏡頭都可以見到佢喘得幾勁，係跑動距離較短同佢嘅速度唔算高一下，呢球對以前嘅佢嚟講應該係小兒科，但喘成咁下明顯見到仲需時間去提升好耐未落過場嘅身體，熱刺球迷可能需要俾多少少時間佢先睇到效果。最後就係雖然呢場結果唔理想，但想透過呢場讚下熱刺今季係轉會市場上嘅操作。有睇波嘅球迷應該知道，係上季熱刺最大問題就係主力陣容上左右兩閘實力不足嘅問題，中前場就缺乏板凳深度，特別係後備前鋒上更係無人可用，Kane上季要養傷嘅時段有幾苦就真係自己先知。今季借住轉會就一次過解決哂呢啲問題，左右閘都收購左具質素並且已經證明過自己嘅球員，個人覺得Reguilon亦好快融入到球隊，中場Hojbjerg亦為中場線注入需要嘅活力，當然仲有嚟自葡超嘅前鋒Vinicius，解決埋必要時Kane嘅替身問題，一次過滿足哂好多個願望。若要雞蛋類挑骨頭嘅話我就會對中堅位置上略嫌仲有少少可以進步，Alderweireld其實都已經去到31歲，隨時有跌watt嘅危險，體力上亦可能好快跟唔上英超嘅節奏，Dier同Sanchez亦未算俾到人好穩定嘅感覺，睇下佢地冬季轉會窗會唔會一次過解決埋呢個問題。無論如何以係經濟受疫情影響同熱刺過往轉會策略較保守下呢次轉會表演真係合格有突，成功為今季帶黎一個錦標嘅希望，英超亦有爭入前四嘅能力，摩佬係董事局咁好支援下無借口可以賴啦！今期嘅賽後報導就講住咁多先！而今輪之後幾日就已經有歐聯踢，曼聯，車路士都需要係今個禮拜比賽分別對住巴黎同西維爾，兩隊所面對嘅都係硬仗，一齊關注英超球隊係歐洲賽事嘅表現，睇下會唔會再創英超盛世！
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
熱刺開波1分鐘就已經有個閃電入球，再一次由Kane做助攻俾今季暫時fit爆嘅Son，自己推到對方禁區後再搞掂先開紀錄。5分鐘熱剌就再入一球，呢球又關Kane事，今次就由佢策動反擊，雖然交左俾 Bergwijn之後佢就未能直接攻門，但熱刺繼續keep到個波保持攻勢，最終回返俾係禁區頂嘅Kane，交左咁多球助攻嘅佢都忍唔住做翻老本行，瀟洒地通左Rice大細後直接起腳入網，10分鐘都未夠就2:0。賽事嘅節奏就好似繼續5分鐘就入一球，Kane就繼續滿足自己嘅入波癮，接應今季買翻嘅Reguilon岀嘅靚波，過哂成條韋斯咸防線自己就係尾柱輕鬆頂入，3:0嘅比數帶到入更衣室。
半場岀到黎嘅開波，熱刺球員有少少係3:0呢個數字影響下有少少放軟手腳，而韋斯咸亦係3:0呢個數字下岀到黎就搏盡做翻啲攻勢，有波就盡力造入禁區去爭頂，遠射起腳咩都試齊哂，只係永遠就差最後一腳靚傳或者射門，未能夠轉化成為入波，唔算特別有效，至少去到80分鐘都無咩起色。然而80分鐘後，亦令呢一場波又係另一個例子說明:「波係踢90分鐘」嘅道理，短短10分鐘加埋補時嘅時間，韋斯咸話夠哂時間俾我追呀！一次死球，一個烏龍，一個世界波就入三球，用盡最後一秒成功追和3:3，更令熱刺無仇報，帶走一分。
呢場著眼點就有幾樣，當然就有Kane同Son嘅配合，上場對住曼聯都已經可以見到佢地之間嘅默契，最近可以見到Kane係球隊組織功勢嘅時候會走得比以往更落去幫波，更融入中場線，將對方防守球員拉得比佢地嘅應有位置更遠，兩側快馬準備好起動下就大片草原去爆，射門就更見輕鬆，呢場嘅Son入嘅第一球就係一個好成功例子。令我驚喜嘅係Kane原來俾波都有一手，至少比我想像中好，再加上同Son配合多年嘅關係下令效果更為正面亦可以暫時解決到早前Eriksen離隊同Alli狀態不穩令球隊中場缺乏創造力嘅問題。 第二個著眼點就當然係大聖Bale回歸！Bale今季回巢熱刺後首次亮相。摩佬係見3:0領先下亦俾佢係70分鐘左右入替去搵翻比賽節奏，等佢可以準備好係黎緊比較密集賽程下幫到球隊手，最佳狀態下嘅佢的確能扮演到相當重要嘅角色，係領隊人見人愛嘅殺手球員。今場後備登場俾佢發揮嘅空間同時間就有限，係熱刺大比數領先又無揸住控球權下令佢無咩波掂，加上佢同其他前線球員未夾好下，走位未算太好未令佢獲得輸送，唯一一腳最有睇頭嘅就係補時一次反擊接應Kane分波去推進，再用個人技術去突破造成接近單對單對住門將嘅局面，可惜隻腳就未擺脫高爾夫球嘅節奏射偏，埋下熱刺被追和結局。射完呢球後，鏡頭都可以見到佢喘得幾勁，係跑動距離較短同佢嘅速度唔算高一下，呢球對以前嘅佢嚟講應該係小兒科，但喘成咁下明顯見到仲需時間去提升好耐未落過場嘅身體，熱刺球迷可能需要俾多少少時間佢先睇到效果。最後就係雖然呢場結果唔理想，但想透過呢場讚下熱刺今季係轉會市場上嘅操作。有睇波嘅球迷應該知道，係上季熱刺最大問題就係主力陣容上左右兩閘實力不足嘅問題，中前場就缺乏板凳深度，特別係後備前鋒上更係無人可用，Kane上季要養傷嘅時段有幾苦就真係自己先知。今季借住轉會就一次過解決哂呢啲問題，左右閘都收購左具質素並且已經證明過自己嘅球員，個人覺得Reguilon亦好快融入到球隊，中場Hojbjerg亦為中場線注入需要嘅活力，當然仲有嚟自葡超嘅前鋒Vinicius，解決埋必要時Kane嘅替身問題，一次過滿足哂好多個願望。若要雞蛋類挑骨頭嘅話我就會對中堅位置上略嫌仲有少少可以進步，Alderweireld其實都已經去到31歲，隨時有跌watt嘅危險，體力上亦可能好快跟唔上英超嘅節奏，Dier同Sanchez亦未算俾到人好穩定嘅感覺，睇下佢地冬季轉會窗會唔會一次過解決埋呢個問題。無論如何以係經濟受疫情影響同熱刺過往轉會策略較保守下呢次轉會表演真係合格有突，成功為今季帶黎一個錦標嘅希望，英超亦有爭入前四嘅能力，摩佬係董事局咁好支援下無借口可以賴啦！今期嘅賽後報導就講住咁多先！而今輪之後幾日就已經有歐聯踢，曼聯，車路士都需要係今個禮拜比賽分別對住巴黎同西維爾，兩隊所面對嘅都係硬仗，一齊關注英超球隊係歐洲賽事嘅表現，睇下會唔會再創英超盛世！
如果唔想睇咁多字嘅歡迎去我Youtube channel 係個到我會用聲音同大家報導，翻工撘車聽就最岩啦！記得訂閱同開通知就唔會錯過我嘅賽後報導啦！
https://www.youtube.com/channel/UCFljyz_WSzX9CzmoP6UO4Jw
如果喜歡我們的文章，請即分享到︰
延伸閲讀：
英超講場第五期（上）丨越位下的蝴蝶效應丨「Hit And Stay」都唔洗找數？
英超講場特別篇 丨Project Big Picture 現身！丨英超內戰一觸即發 ？丨Project Big Picture深入資訊
英超講場第六期丨紅藍大戰有隊缺「勝」慾丨自把自為嘅VAR令判決再現兩把尺
英超講場第五期（上）丨越位下的蝴蝶效應丨「Hit And Stay」都唔洗找數？
英超講場特別篇 丨Project Big Picture 現身！丨英超內戰一觸即發 ？丨Project Big Picture深入資訊
英超講場第六期丨紅藍大戰有隊缺「勝」慾丨自把自為嘅VAR令判決再現兩把尺