英超講場 第十二期週報 -- 『蘇馬踢貓踢上庭，倫敦打呲未開波先隔空開拖』
英超講場 第十二期週報 -- 『蘇馬踢貓踢上庭，倫敦打呲未開波先隔空開拖』
蘇馬踢貓踢上庭，RSPCA就事件正式起訴距離蘇馬踢貓事件已經過左一個月左右，以為件事會隨住英超榜首護級進入白熱化下漸漸被世人忘記，但原來對蘇馬嚟講只係推遲左惡夢到埗嘅時間。原來當時雖然蘇馬同佢細佬無即時被警方檢控，但愛護動物協會事後就沒收左佢地屋企所有貓，經過調查再決定起訴，咁係咪代表一個月過後，動物協會係貓仔身上搵到其他虐貓証據？及後佢地發出聲明指貓仔將會繼續由佢地照顧，並正式展開對兩兄弟嘅檢控程序，有上庭日子會將向公眾發放。現時同為足球員嘅細佬尤安就被非聯賽球隊禁賽到依家先有得踢翻，而踢緊英超嘅哥哥就仲有正選，實在令韋斯咸處境非常尷尬，相信因為依家爭頭四機不可失，少左呢位前車仔球員對佢地或者影響太大，係競技層面上決定採取平行時空嘅方法處理呢件事。但無論如何，係對熱刺一場上，我地都可以留意到蘇馬唔多唔少受呢件事有所影響，發揮打左個折，就睇下上庭後佢會唔會轉會監獄FC啦！
對於阿迪達抱怨賽程，干地回應『仲記唔記得當初打吡改期？』
早前阿迪達就係訪問中表達左對賽程安排嘅不滿，話要感謝英超賽會有個咁好又咁頻密嘅安排。然而佢嘅未來對手熱刺領隊干地就對此好不滿咁話，相信係因為佢比較有記性，佢隔空回應話：「仲記唔記得當初打吡改期？」可能隔左一排有啲球迷都已經唔記得發生左咩事，唔明干地咁問意義何在。其實就要數到去年頭，當時因疫情，非洲盃等各種原因令阿仙奴大部分主力球員都無辦法踢打吡所以就申請延期，結果賽會又爆冷地批准，令熱刺非常不滿。如今係有限時間下，英超幫佢地安排賽期，要隔日多戰又可以話無可避免，亦可以話自討苦吃。所以難怪干地對抱怨嘅阿迪達有咁大反應嘅，不過呢場打吡賽前已經有咁重嘅火藥味，落到場又會點呢？不禁令我有所期待！
英格蘭國家隊徵召屈堅斯，獲加-比達斯等人代替傷員
英格蘭國家隊因應傷情徵召左幾位補選球員入伍，準備係嚟緊國際週期迎戰科索沃同瑞士。先講因傷無法翻國家隊報到嘅球員，分別有龍門藍斯度，前鋒艾巴咸，後衛列斯占士，阿諾。而今次國際賽週對於英格蘭嚟講主要練兵為主，因為都係友誼賽性質。而對於以上傷兵，就徵召左維拉箭頭屈堅斯，龍門莊士東，修咸頓後衛比達斯同水晶宮嘅米曹。
蘇馬踢貓踢上庭，RSPCA就事件正式起訴距離蘇馬踢貓事件已經過左一個月左右，以為件事會隨住英超榜首護級進入白熱化下漸漸被世人忘記，但原來對蘇馬嚟講只係推遲左惡夢到埗嘅時間。原來當時雖然蘇馬同佢細佬無即時被警方檢控，但愛護動物協會事後就沒收左佢地屋企所有貓，經過調查再決定起訴，咁係咪代表一個月過後，動物協會係貓仔身上搵到其他虐貓証據？及後佢地發出聲明指貓仔將會繼續由佢地照顧，並正式展開對兩兄弟嘅檢控程序，有上庭日子會將向公眾發放。現時同為足球員嘅細佬尤安就被非聯賽球隊禁賽到依家先有得踢翻，而踢緊英超嘅哥哥就仲有正選，實在令韋斯咸處境非常尷尬，相信因為依家爭頭四機不可失，少左呢位前車仔球員對佢地或者影響太大，係競技層面上決定採取平行時空嘅方法處理呢件事。但無論如何，係對熱刺一場上，我地都可以留意到蘇馬唔多唔少受呢件事有所影響，發揮打左個折，就睇下上庭後佢會唔會轉會監獄FC啦！
對於阿迪達抱怨賽程，干地回應『仲記唔記得當初打吡改期？』
早前阿迪達就係訪問中表達左對賽程安排嘅不滿，話要感謝英超賽會有個咁好又咁頻密嘅安排。然而佢嘅未來對手熱刺領隊干地就對此好不滿咁話，相信係因為佢比較有記性，佢隔空回應話：「仲記唔記得當初打吡改期？」可能隔左一排有啲球迷都已經唔記得發生左咩事，唔明干地咁問意義何在。其實就要數到去年頭，當時因疫情，非洲盃等各種原因令阿仙奴大部分主力球員都無辦法踢打吡所以就申請延期，結果賽會又爆冷地批准，令熱刺非常不滿。如今係有限時間下，英超幫佢地安排賽期，要隔日多戰又可以話無可避免，亦可以話自討苦吃。所以難怪干地對抱怨嘅阿迪達有咁大反應嘅，不過呢場打吡賽前已經有咁重嘅火藥味，落到場又會點呢？不禁令我有所期待！
英格蘭國家隊徵召屈堅斯，獲加-比達斯等人代替傷員
英格蘭國家隊因應傷情徵召左幾位補選球員入伍，準備係嚟緊國際週期迎戰科索沃同瑞士。先講因傷無法翻國家隊報到嘅球員，分別有龍門藍斯度，前鋒艾巴咸，後衛列斯占士，阿諾。而今次國際賽週對於英格蘭嚟講主要練兵為主，因為都係友誼賽性質。而對於以上傷兵，就徵召左維拉箭頭屈堅斯，龍門莊士東，修咸頓後衛比達斯同水晶宮嘅米曹。