英超講場 第十七期週報 -- 『林柏特禍從口出，車路士新班主之爭進入最後正路』
幾項傷情/續約新聞
維拉成功同積及藍斯續約至2027年
藍斯呢位20歲球員係嚟自維拉嘅青訓產品，係近年因為表現進步升上一隊後再穩佔住球隊一個席位，上陣31場當中交出六球進帳，以剛升上一隊無耐嘅小將呢張成績表絕對合格，更為佢自己贏得代表英格蘭U21嘅機會。而佢嘅球會都再為佢嘅表現投下信心一票同佢續約至2027年，佢係其後當然都表示感激球會，希望佢可以同球會一齊努力令維拉呢隊波係未來五年有機會出現係歐戰之中。
熱刺史傑比因傷提早收咧
係前幾場，熱刺行得非常之順，又拎分又齊腳。但其後就有大勇嘅翼衛杜靴迪收咧，係阿仙奴連贏兩場拎走6分嘅時候，自己就同賓福特踢到失左兩分。而其後球會再公佈埋中場史傑比將會接受手術處理傷勢而收咧，而係佢受傷前佢對球隊中場線上帶嚟左一個唔錯嘅選擇，為球隊上陣左28場，漸漸令干地信任佢。係佢確定收咧後，干地真係需要雙手合十希望球會唔好再有任何傷兵，否則係士氣受損下再受傷患困擾對爭四真係百害而無一利。
車路士確認魯迪格係今季後離隊
係今季車路士遇上球會前途不明朗下撞正魯迪格合約到期，令呢位中堅決定同球會緣盡於此。而早前亦有相關傳聞傳出，球員本人同球會都無作出任何回應。但係今個禮拜車路士教練杜曹就係接受訪問時證實左呢項消息，魯迪格係今季後將會離隊，以自由身加盟其他球會。杜曹表示呢個消息係球員係私人對話中得知，而球會呢刻仲受緊制裁影響，無辦法做任何事，只可以接受佢嘅決定。有報導指車路士曾為佢送上球會歷史上收入最高嘅後衛報到接近23萬歐元週薪，但亦遭到拒絕，真實與否就不得而知，但佢離開就事在必行。
林柏特禍從口出，有機會遭受英足總處分
係上個禮拜默西賽德郡打吡中，利物浦以及2：0贏波，為護級中嘅愛華頓境況雪上加霜，跌入降班區。賽後，拖肥主教練就公開發表言論，表示質疑球證判決，更有提及若對手沙拿遇上相同碰撞球證就會俾十二碼，質疑判決偏幫強隊。而呢一段言論或者會為佢帶嚟麻煩，引起英足總留意，外國媒體《The Athletic》及《每日郵報》分別指出英足總要求林伯解釋言論及佢將面臨起訴嘅可能性。愛華頓現時仲有6輪比賽，踢少般尼一場落後兩分，情況比上輪更不樂觀。《The Athletic》報導車路士買家們嘅競爭進入最後直路
賣盤一事隔左一排後終於望見終點，現時就仲有三位潛在買家想入主車路士，各方都為最後一刻作出準備同展示自己嘅實力同決心，而《The Athletic》指相信將會係週末確定優勝者，有指買家包括為波利（美國棒球隊道奇隊班主之一），嚟自英國商人布魯頓爵士為首嘅財團，布利澤（NBA費城76人班主之一）。而舊班主艾巴依然有選擇新班主嘅權力，不過當然就要係揀完之後等埋英國政府開綠燈先成事。
維拉成功同積及藍斯續約至2027年
藍斯呢位20歲球員係嚟自維拉嘅青訓產品，係近年因為表現進步升上一隊後再穩佔住球隊一個席位，上陣31場當中交出六球進帳，以剛升上一隊無耐嘅小將呢張成績表絕對合格，更為佢自己贏得代表英格蘭U21嘅機會。而佢嘅球會都再為佢嘅表現投下信心一票同佢續約至2027年，佢係其後當然都表示感激球會，希望佢可以同球會一齊努力令維拉呢隊波係未來五年有機會出現係歐戰之中。
熱刺史傑比因傷提早收咧
係前幾場，熱刺行得非常之順，又拎分又齊腳。但其後就有大勇嘅翼衛杜靴迪收咧，係阿仙奴連贏兩場拎走6分嘅時候，自己就同賓福特踢到失左兩分。而其後球會再公佈埋中場史傑比將會接受手術處理傷勢而收咧，而係佢受傷前佢對球隊中場線上帶嚟左一個唔錯嘅選擇，為球隊上陣左28場，漸漸令干地信任佢。係佢確定收咧後，干地真係需要雙手合十希望球會唔好再有任何傷兵，否則係士氣受損下再受傷患困擾對爭四真係百害而無一利。
車路士確認魯迪格係今季後離隊
係今季車路士遇上球會前途不明朗下撞正魯迪格合約到期，令呢位中堅決定同球會緣盡於此。而早前亦有相關傳聞傳出，球員本人同球會都無作出任何回應。但係今個禮拜車路士教練杜曹就係接受訪問時證實左呢項消息，魯迪格係今季後將會離隊，以自由身加盟其他球會。杜曹表示呢個消息係球員係私人對話中得知，而球會呢刻仲受緊制裁影響，無辦法做任何事，只可以接受佢嘅決定。有報導指車路士曾為佢送上球會歷史上收入最高嘅後衛報到接近23萬歐元週薪，但亦遭到拒絕，真實與否就不得而知，但佢離開就事在必行。
林柏特禍從口出，有機會遭受英足總處分
係上個禮拜默西賽德郡打吡中，利物浦以及2：0贏波，為護級中嘅愛華頓境況雪上加霜，跌入降班區。賽後，拖肥主教練就公開發表言論，表示質疑球證判決，更有提及若對手沙拿遇上相同碰撞球證就會俾十二碼，質疑判決偏幫強隊。而呢一段言論或者會為佢帶嚟麻煩，引起英足總留意，外國媒體《The Athletic》及《每日郵報》分別指出英足總要求林伯解釋言論及佢將面臨起訴嘅可能性。愛華頓現時仲有6輪比賽，踢少般尼一場落後兩分，情況比上輪更不樂觀。《The Athletic》報導車路士買家們嘅競爭進入最後直路
賣盤一事隔左一排後終於望見終點，現時就仲有三位潛在買家想入主車路士，各方都為最後一刻作出準備同展示自己嘅實力同決心，而《The Athletic》指相信將會係週末確定優勝者，有指買家包括為波利（美國棒球隊道奇隊班主之一），嚟自英國商人布魯頓爵士為首嘅財團，布利澤（NBA費城76人班主之一）。而舊班主艾巴依然有選擇新班主嘅權力，不過當然就要係揀完之後等埋英國政府開綠燈先成事。