英超講場 第二十三期週報 -- 『愛華頓跨季黑仔運，兵敗曼聯採取狗急跳牆轉會策略。』
英超開季，球迷開胃！完左第一輪後，同大家報導翻比賽前後產生嘅新聞，又再係新一季同大家文字睇新聞，多謝各位讀者支持同意見，嚟緊繼續多多指教！
愛華頓開咧即當黑，急借狼隊隊長解傷兵之患
係第一輪同車路士死搏後，愛華頓後防又受到傷患困擾，先有葛菲係早段傷岀，情況並不樂觀，有指腓骨骨折需要休息至少兩個月。而其後，後防重心之一嘅美拿亦係換邊後因傷退下火線。呢場輸波當然事少，一嚟對手質素比自己高已經係非戰之罪，二嚟仲有37輪俾佢追翻，但點樣保障及後成績同穩定性先係關鍵。而相信領隊林伯見一下子無左兩隻棋即刻要上面開水喉，但始終呢刻財政又係非常有限公司，唯有先租住高迪頂住條防線，整多個買斷條款，下季啱嘅話咪先正式俾錢。而呢位前狼隊隊長嘅球員就係租借離隊後，岀左個post告別狼隊，主席亦有表示呢次俾佢走係考慮埋長遠因素，雙方話語間暗示一去不復返。
利物浦失分失人，泰亞高將休戰至少6週
英超禮拜六頭場獨腳戲，我諗相信都有唔少英超迷會特登有睇呢場，一嚟佢係今季第一場最舒服嘅時間開波，二嚟大家都想睇下買左紐尼斯後嘅利物浦會點樣踢富咸。但成場除左依靠個人能力外，紅軍少有地無辦法係升班馬富咸身上踢岀高壓而有進攻效率嘅踢法，相反更受對手反擊威脅，係先失波前接連響起警號，當然最後追得和，但作為想爭冠嘅球隊，呢啲表現自然就要接受被批評。賽後傳媒就報導翻高普賴地硬嘅訪問，一下子就被放大話係搵借口，不過其實佢亦有大力批評球隊心態問題，應該覺得球隊呢次失分主因係輕敵，一邊有進步一邊輕敵，拉近硬實力差距，造成和波。但係失分同時利物浦仲會係嚟緊個幾月失去中場大腦泰亞高，戰至下半場佢摸住大脾底筋離場，最後檢查後需休養6週，代表佢將會缺席對陣曼聯，愛華頓，水晶宮，狼隊等賽事，基達嘅復岀啱啱好可以填充翻一個中場位，算係不幸中之大幸。
曼聯新教練坦克格首場被打面再輸白禮頓
新教練坦克格係上任後，各種強硬執教手法及傳聞令佢曝光率大增，熱身賽大勝利物浦更令大眾開始幻想係佢手下會有啲咩巨大轉變。點知排岀嚟嘅正選陣容前中線球員攻力重疊，突破力不足下令曼聯無功而返，更暴露防線被白禮頓技術性反制，及後換入C朗等人混亂中先追得返一球，可惜最後亦需全失三分。不過要講佢有無料到仲尚待觀察，亦無需要即刻放岀一句一X樣住，相反曼聯敗陣後即傳岀幾位潛在收購對象，有少少狗急跳牆之意。例如有中場拉比奧特，前鋒阿始杜域，但呢啲人選都無解決現時問題，特別坦克戰術某程度需要青春體力化，照道理呢兩位都未必可以長期地滿足到佢，唔係講緊迪莊係唯一岀路，而係暫時呢刻市面技術，局勢，同埋合作經驗上，佢係較好選擇，可惜就愈拖愈耐難以成真。再俾啲時間坦克同曼聯制服團隊，到時轉會窗正式結束，坦克又有足夠時間都交唔到功課的話，先放低一句「一X樣」都未遲！
愛華頓開咧即當黑，急借狼隊隊長解傷兵之患
係第一輪同車路士死搏後，愛華頓後防又受到傷患困擾，先有葛菲係早段傷岀，情況並不樂觀，有指腓骨骨折需要休息至少兩個月。而其後，後防重心之一嘅美拿亦係換邊後因傷退下火線。呢場輸波當然事少，一嚟對手質素比自己高已經係非戰之罪，二嚟仲有37輪俾佢追翻，但點樣保障及後成績同穩定性先係關鍵。而相信領隊林伯見一下子無左兩隻棋即刻要上面開水喉，但始終呢刻財政又係非常有限公司，唯有先租住高迪頂住條防線，整多個買斷條款，下季啱嘅話咪先正式俾錢。而呢位前狼隊隊長嘅球員就係租借離隊後，岀左個post告別狼隊，主席亦有表示呢次俾佢走係考慮埋長遠因素，雙方話語間暗示一去不復返。
利物浦失分失人，泰亞高將休戰至少6週
英超禮拜六頭場獨腳戲，我諗相信都有唔少英超迷會特登有睇呢場，一嚟佢係今季第一場最舒服嘅時間開波，二嚟大家都想睇下買左紐尼斯後嘅利物浦會點樣踢富咸。但成場除左依靠個人能力外，紅軍少有地無辦法係升班馬富咸身上踢岀高壓而有進攻效率嘅踢法，相反更受對手反擊威脅，係先失波前接連響起警號，當然最後追得和，但作為想爭冠嘅球隊，呢啲表現自然就要接受被批評。賽後傳媒就報導翻高普賴地硬嘅訪問，一下子就被放大話係搵借口，不過其實佢亦有大力批評球隊心態問題，應該覺得球隊呢次失分主因係輕敵，一邊有進步一邊輕敵，拉近硬實力差距，造成和波。但係失分同時利物浦仲會係嚟緊個幾月失去中場大腦泰亞高，戰至下半場佢摸住大脾底筋離場，最後檢查後需休養6週，代表佢將會缺席對陣曼聯，愛華頓，水晶宮，狼隊等賽事，基達嘅復岀啱啱好可以填充翻一個中場位，算係不幸中之大幸。
曼聯新教練坦克格首場被打面再輸白禮頓
新教練坦克格係上任後，各種強硬執教手法及傳聞令佢曝光率大增，熱身賽大勝利物浦更令大眾開始幻想係佢手下會有啲咩巨大轉變。點知排岀嚟嘅正選陣容前中線球員攻力重疊，突破力不足下令曼聯無功而返，更暴露防線被白禮頓技術性反制，及後換入C朗等人混亂中先追得返一球，可惜最後亦需全失三分。不過要講佢有無料到仲尚待觀察，亦無需要即刻放岀一句一X樣住，相反曼聯敗陣後即傳岀幾位潛在收購對象，有少少狗急跳牆之意。例如有中場拉比奧特，前鋒阿始杜域，但呢啲人選都無解決現時問題，特別坦克戰術某程度需要青春體力化，照道理呢兩位都未必可以長期地滿足到佢，唔係講緊迪莊係唯一岀路，而係暫時呢刻市面技術，局勢，同埋合作經驗上，佢係較好選擇，可惜就愈拖愈耐難以成真。再俾啲時間坦克同曼聯制服團隊，到時轉會窗正式結束，坦克又有足夠時間都交唔到功課的話，先放低一句「一X樣」都未遲！