英超講場 賽事聚光燈 -- 『頹態雙紅分高下，坦克手握優勢放大鏡奪英超首勝』
雖然轉會窗大門依然打開，但過去一週都未有相對重要嘅交易，而其中最矚目嘅相信只係曼聯收購卡斯美路，又適逢今個禮拜係雙紅會，不如同大家一齊睇睇呢場幾有話題性嘅對碰。
有話題性嘅原因係雙紅會前，兩隊今季嘅表現真係非常麻麻，一邊就適應緊新隊友新戰術，另一邊就適應緊傷病帶嚟緊人手問題，至今雙分亦未嘗一勝，大家都想係對方身上贏波，而最終曼聯成功借上季剋星利物浦做跳板，用一場勝利重拾新賽季節奏，而呢場勝利絕對要歸功於領隊坦克，佢嘅變動成功取得平衡更同時巧合地把握對手殘陣下嘅短板，放大左自身優勢，一齊睇下我點解咁講。
先講雙方排陣上，以曼聯作岀嘅變化最為多，係兵源較充份下，坦克係吸收左首兩輪不勝嘅經驗下係呢場作岀轉變，後防上同傳聞一樣收起麥佳亞，用馬天尼斯搭華拉尼，一高一矮，一快一穩，閘用左新買嘅馬拉西亞做正選，成功透過人員調動鞏固防守同時限制對方邊線快馬，沙拿同迪亞斯今場係邊路無啖好食就係最好證明，而紐尼斯紅牌停賽亦成功避免馬天尼斯身高被針對，此為優勢放大鏡一。第二，中場亦係防守成功進步嘅原因，麥湯搭大力神成功係邊線做到協防並且分波嘅效用，同般奴形成正三角中場效果唔錯，平均速率比年長嘅紅軍快。而利物浦原本就期待基達有得傷癒落場，點知就又傷過，搞到中場正選用左米拿，軒達臣搭艾利亞治，創造力同速度都被狠狠比下去，面對曼聯高壓埋身，無人有能力突破重圍，每俾人迫甩要回追就要用上更多體力，加快年紀大中場嘅體力消耗，間接導致軒神腳軟攞甩波失第二球，此為放大鏡二。
而至於前鋒線用左全快人員，唔怕後生起用艾蘭加，針對地打利物浦雙閘後防，係利物浦中場各種傷兵，被迫用較慢中場下，幫波較慢令呢個部署更為有效，不時見到阿諾要死頂跑翻嚟封位，險象不時岀現，差就差在無因為咁失波，紅軍中軸線弱點亦影響到後防，此為放大鏡三，最終三個優勢被放大後收獲勝利。講完重點想講嘅曼聯，簡單講下利物浦。當然傷咁多人限制左球隊實力，但呢一仗係馬後炮視角下其實係陣容上有可以改善空間。第一，中場線嘅配搭過份以經驗優先，導致嚴重缺乏運轉力。當然法賓奴可能未好翻哂唔敢正選好合理，但今季收購嘅卡華路其實可以一試取代米拿做正選，原因係係坦克入主下，曼聯有機會砌岀嚟嘅中場線點都有一定速度及較年輕，而卡華路同米拿嘅正選身份對調正正就可以解決問題，雖然可能會緊張犯錯，但琴晚嘅砌法就無可能唔輸運轉力，所以係馬後炮下略嫌高普過份保守。至於其他方法例如3中堅減個中場都係方法之一，參考翻白禮頓咁等曼聯拎住個波嚟攻可能會令佢地爆炸都唔奇，不過始終利物浦甚少咁踢，太大轉變令高普卻步都正常。
總結就係好高興見到坦克嘅適應能力同埋咁快嘅反應，令佢可以拎翻場勝仗穩一穩自己個位，多隊波勁啲英超都好睇啲。至於利物浦，希望啲傷兵盡快康復，同埋應積極考慮簽中場，否則九月頭十月尾要多條戰線，我唔敢想像陣容之蒲應該點繼續維持信念爭冠。
有話題性嘅原因係雙紅會前，兩隊今季嘅表現真係非常麻麻，一邊就適應緊新隊友新戰術，另一邊就適應緊傷病帶嚟緊人手問題，至今雙分亦未嘗一勝，大家都想係對方身上贏波，而最終曼聯成功借上季剋星利物浦做跳板，用一場勝利重拾新賽季節奏，而呢場勝利絕對要歸功於領隊坦克，佢嘅變動成功取得平衡更同時巧合地把握對手殘陣下嘅短板，放大左自身優勢，一齊睇下我點解咁講。
先講雙方排陣上，以曼聯作岀嘅變化最為多，係兵源較充份下，坦克係吸收左首兩輪不勝嘅經驗下係呢場作岀轉變，後防上同傳聞一樣收起麥佳亞，用馬天尼斯搭華拉尼，一高一矮，一快一穩，閘用左新買嘅馬拉西亞做正選，成功透過人員調動鞏固防守同時限制對方邊線快馬，沙拿同迪亞斯今場係邊路無啖好食就係最好證明，而紐尼斯紅牌停賽亦成功避免馬天尼斯身高被針對，此為優勢放大鏡一。第二，中場亦係防守成功進步嘅原因，麥湯搭大力神成功係邊線做到協防並且分波嘅效用，同般奴形成正三角中場效果唔錯，平均速率比年長嘅紅軍快。而利物浦原本就期待基達有得傷癒落場，點知就又傷過，搞到中場正選用左米拿，軒達臣搭艾利亞治，創造力同速度都被狠狠比下去，面對曼聯高壓埋身，無人有能力突破重圍，每俾人迫甩要回追就要用上更多體力，加快年紀大中場嘅體力消耗，間接導致軒神腳軟攞甩波失第二球，此為放大鏡二。
而至於前鋒線用左全快人員，唔怕後生起用艾蘭加，針對地打利物浦雙閘後防，係利物浦中場各種傷兵，被迫用較慢中場下，幫波較慢令呢個部署更為有效，不時見到阿諾要死頂跑翻嚟封位，險象不時岀現，差就差在無因為咁失波，紅軍中軸線弱點亦影響到後防，此為放大鏡三，最終三個優勢被放大後收獲勝利。講完重點想講嘅曼聯，簡單講下利物浦。當然傷咁多人限制左球隊實力，但呢一仗係馬後炮視角下其實係陣容上有可以改善空間。第一，中場線嘅配搭過份以經驗優先，導致嚴重缺乏運轉力。當然法賓奴可能未好翻哂唔敢正選好合理，但今季收購嘅卡華路其實可以一試取代米拿做正選，原因係係坦克入主下，曼聯有機會砌岀嚟嘅中場線點都有一定速度及較年輕，而卡華路同米拿嘅正選身份對調正正就可以解決問題，雖然可能會緊張犯錯，但琴晚嘅砌法就無可能唔輸運轉力，所以係馬後炮下略嫌高普過份保守。至於其他方法例如3中堅減個中場都係方法之一，參考翻白禮頓咁等曼聯拎住個波嚟攻可能會令佢地爆炸都唔奇，不過始終利物浦甚少咁踢，太大轉變令高普卻步都正常。
總結就係好高興見到坦克嘅適應能力同埋咁快嘅反應，令佢可以拎翻場勝仗穩一穩自己個位，多隊波勁啲英超都好睇啲。至於利物浦，希望啲傷兵盡快康復，同埋應積極考慮簽中場，否則九月頭十月尾要多條戰線，我唔敢想像陣容之蒲應該點繼續維持信念爭冠。