英超講場 第二十七期週報 -- 『深度分析處分可能性，窺探曼城各個平行時空。』

深度分析處分可能性，窺探曼城各個平行時空。

呢個禮拜對於英超界而言，最為震撼嘅就一定要數到英超官方宣布曼城近十年多次違反財務上嘅規定，但係就無公佈會點處理。消息一岀，各大傳媒都當然有去以猜測，內幕嘅字眼去表示各種有可能嘅處罰上至逐岀聯賽體系，下至罰錢了事都有，但大家都唔知邊個真，不如我地又用過往係唔同地方岀現過嘅處分方式參考下？
就以近到遠嚟講，歐足總係上年曾公佈8隊球隊，例如巴黎，祖記，國米等隊違反FFP，最終夾埋8隊要交1.72億歐元嘅罰款，當然佢地嘅罪名就只係被指出財政唔平衡，以呢個最低消費同大型集體定罪嚟計，今次曼城嘅多次違反規例，罰一大筆錢係基本消費。跟住我地望下一個更嚴重嘅懲罰。
時間去到2018年，AC米蘭因有關違反規例而被禁止參與2季歐戰，但公佈左之後，當然就唔少得談判，最尾歐足總其實都唔想無左呢隊有一定嚟自意大利嘅人氣球隊缺席太耐，禁令兩年變一年。而講到減刑，另外上訴之後減刑嘅例子就係今次主角曼城自己，3年前嘅今日曼城又係被指違規被禁歐戰2季，再加罰3000萬歐。但經過上訴之後禁令就消失左，罰款更減到原判嘅三份一。咁我地可以估計即使今次係宣判後，曼城相信都會享有一定嘅上訴減刑空間，相信係足總往往想係第一下係各界面前帶來一定阻嚇性，因為關注首判嘅人往往比打後跟進嘅人士多，係達到阻嚇性下又可以維護同球會嘅關係。之後我地再用排隊法睇睇懲罰方案，咁就要睇今次獨立委員會有咩權限同可能性，包括：

• 禁止球隊參與聯賽（可能性存疑，若實行時間性相信較短，足總自己亦會擔心少一隊大隊後嘅競爭觀賞性）

• 扣分（大概率，對球隊影響相對較低，考慮複雜程度相信不會追究已完成季度。

• 向董事會建議重賽（時間上不容許，難度高，不能以說服力定義介定曼城重賽可使用之資源。）

• 向董事會建議開除球會（可能？絕對可能，但留意字眼只係向董事會建議，代表無辦法決定。）

• 賠償/罰款（上述可見，基本消費。）

• 轉會/注册禁令（相信會係罰則嘅上限，因為對球隊打擊有限並有說服力，但並不毀滅性，車路士係一個例子。）

總括上面過往嘅罰則同獨立委員會嘅權限，相信大家心入面都應該有個打算，一齊期待下最尾結果係點，期待獨委會宣判打面。