9up防守 (守波其實都好重要)
現時NBA球隊Golden State Warriors無人能阻嘅三分球進攻風靡全球，小弟落街場鬥下波都會見到有唔少人在練習或者模仿咖哩仔(Stephen Curry)嘅打法。
然而，大家都唔好忘記左其實勇士隊唔單只進攻叻，佢地嘅防守其實都好出色，係2014 – 2015 奪冠賽季嘅防守效率(Defensive Efficiency)排名係第一位
(場均失分為98.2分)。
體育界有一句金句相信各位大大都聽過 --- Offense win Games, Defense win Championships.
因防守而成功或者出名嘅例子數之不盡，大至2004年NBA Finals 冠軍 Detroit Pistons、2014 - 2015 NBA FMVP – Andre Iguodala (小AI)，小至聯賽成功守下最後一擊而勝利嘅球隊都有。
(借用極力誌圖片)
連籃球之神 – Michael Jordan都係因一個成功嘅steal 而製造出第六冠嘅最後一擊、單打教科書 – 真理(Paul Pierce)都要等狼王(Kevin Garnett)同雷鎗(Ray Allen) 分擔攻防壓力先係2008年奪冠。
可想而知，防守係團體運動之中係幾咁重要。
帶個頭盔，進攻都重要，但今日嘅主題為防守所以先將重點放係守波呢一PART。雖然有句說話叫做「最好嘅防守就係進攻」，無錯、無錯，強勢嘅進攻的確可以叫得上唔洗守波 (街場鬥波都係入波個隊開波、比賽搶到進攻籃板又係無限24秒…)。若果我地掉翻轉咁諗，「最好嘅進攻都可以係防守喎。」
如何製造一個最簡單嘅進攻方式呢?係one on one? Crossover 過人? 定係傳統嘅low post打法? 以上幾項列出嘅進攻方式都係好直接同實用，但事實上最方便快捷嘅進攻方式當然係一個快速嘅防守反擊打快攻喇！呢一招無論係籃球定足球其實效率都甚高。
但點解咁多人情願苦練進攻都唔選擇防守呢?咪就係練守波好悶同好辛苦囉。
喊出黎！係呀！守波係悶到HiHi，防守步又攰、又要練瘋狂體能同企位、簡直係向左走向右走，仲要唔型呀！入波嘅歡呼聲呀永遠都係多過守波，有歡呼個時咪成功Block到人地時囉。我練crossover、練三分；顏射你、過你個時仲型喇！
都係個句，「刀都有生銹嘅一日」，廣告都有得賣喇。當球隊嘅進攻失靈，良好嘅防守就可以幫到你。利用成功嘅防守製造快速反擊，輕鬆嘅兩分入袋。係緊要關頭，要阻止對手最後一個進攻，就係要靠你或者成隊成功嘅防守。 呢個係就每隊球隊都需要有防守專家坐陣嘅原因
咁當然喇，無人要求你一開始就成為守波神人，守波同進攻一樣都係要不斷不斷嘅練習同埋經驗。睇多啲片又好，落街練下又好、得閒幻想下都好。只要你肯踏出第一步，你已經比好多人叻。
防守其實係一樣實而不華嘅野，識得欣賞同利用嘅人不多，一旦你成功運用，你就知其實你係獲益良多。
因為，防守，係一種態度，係另類嘅表現
MY Instagram: pro9upper
然而，大家都唔好忘記左其實勇士隊唔單只進攻叻，佢地嘅防守其實都好出色，係2014 – 2015 奪冠賽季嘅防守效率(Defensive Efficiency)排名係第一位
(場均失分為98.2分)。
體育界有一句金句相信各位大大都聽過 --- Offense win Games, Defense win Championships.
因防守而成功或者出名嘅例子數之不盡，大至2004年NBA Finals 冠軍 Detroit Pistons、2014 - 2015 NBA FMVP – Andre Iguodala (小AI)，小至聯賽成功守下最後一擊而勝利嘅球隊都有。
(借用極力誌圖片)
連籃球之神 – Michael Jordan都係因一個成功嘅steal 而製造出第六冠嘅最後一擊、單打教科書 – 真理(Paul Pierce)都要等狼王(Kevin Garnett)同雷鎗(Ray Allen) 分擔攻防壓力先係2008年奪冠。
可想而知，防守係團體運動之中係幾咁重要。
帶個頭盔，進攻都重要，但今日嘅主題為防守所以先將重點放係守波呢一PART。雖然有句說話叫做「最好嘅防守就係進攻」，無錯、無錯，強勢嘅進攻的確可以叫得上唔洗守波 (街場鬥波都係入波個隊開波、比賽搶到進攻籃板又係無限24秒…)。若果我地掉翻轉咁諗，「最好嘅進攻都可以係防守喎。」
如何製造一個最簡單嘅進攻方式呢?係one on one? Crossover 過人? 定係傳統嘅low post打法? 以上幾項列出嘅進攻方式都係好直接同實用，但事實上最方便快捷嘅進攻方式當然係一個快速嘅防守反擊打快攻喇！呢一招無論係籃球定足球其實效率都甚高。
但點解咁多人情願苦練進攻都唔選擇防守呢?咪就係練守波好悶同好辛苦囉。
喊出黎！係呀！守波係悶到HiHi，防守步又攰、又要練瘋狂體能同企位、簡直係向左走向右走，仲要唔型呀！入波嘅歡呼聲呀永遠都係多過守波，有歡呼個時咪成功Block到人地時囉。我練crossover、練三分；顏射你、過你個時仲型喇！
都係個句，「刀都有生銹嘅一日」，廣告都有得賣喇。當球隊嘅進攻失靈，良好嘅防守就可以幫到你。利用成功嘅防守製造快速反擊，輕鬆嘅兩分入袋。係緊要關頭，要阻止對手最後一個進攻，就係要靠你或者成隊成功嘅防守。 呢個係就每隊球隊都需要有防守專家坐陣嘅原因
咁當然喇，無人要求你一開始就成為守波神人，守波同進攻一樣都係要不斷不斷嘅練習同埋經驗。睇多啲片又好，落街練下又好、得閒幻想下都好。只要你肯踏出第一步，你已經比好多人叻。
防守其實係一樣實而不華嘅野，識得欣賞同利用嘅人不多，一旦你成功運用，你就知其實你係獲益良多。
因為，防守，係一種態度，係另類嘅表現
MY Instagram: pro9upper