我係小智，小剛真係一個極品男人

我係小智，我日日夜夜連發夢都想做一個小精靈大師，所以10歲嗰陣就離家出走，唔理呀媽走去冒險。

一開始我以為自己乜都識，但原來我係乜春唔識，仲要比啲雀係咁攻擊搞到比卡超傷曬。而呢個時候亦都認識到人生中第一個女仔朋友小霞，不過佢真係好撚粗魯，根本唔似一個女仔。佢成日話自己係美少女，嘩你係美少女，我咪香港先生？！

好彩打完尼比道館之後就遇到小剛，佢追住我係都要比徽章我，人地盛意拳拳我又冇可能唔接受既。跟住佢又話想同埋我地一齊旅行，好啦其實佢黎左都好，我唔使比男人婆小霞針住曬，因為小霞有時真係仲煩過我親生娘親。

小剛大我5歲，有一對勁濃密既眉毛，睇黎佢體毛都幾旺盛.....最重要係得佢一個識煮野食！係呀！小霞唔識煮野食架，所以重任就交曬比佢。小剛煮乜都好好食，屎都煮到佳餚咁，搞到我訓覺都諗住佢煮嗰啲野食。平時唔單止煮野食，旅行唔識路既話，有佢喺度就唔使驚。有時佢拎住重野嗰陣啲肌肉谷曬出黎，15歲就黑黑實實其實都幾正....


不過小剛佢對啲姐姐好痴迷，一見到喬伊小姐同君莎小姐就發曬姣，完全唔記得我同小霞既存在，呢個時候小霞就會大力拉佢耳仔 (唯一小霞抵讚既一點)。雖然小剛份人好多情，但係隻眼得兩條線，我知道佢眼裡面從來只有一個人。有一次仲主動叫我交個身體比佢...嗰陣我個心係咁跳、跳得好快，我以為自己係驚佢，點知發現...呢種感覺叫做怕醜。


佢對人細心，好清楚我心裡面諗咩，我啲小精靈整親嗰陣都係有佢先可以極速好返。我...我真係好想小霞可以走，唔好阻住我同小剛...