黃宗澤唱歌其實幾好聽，可以成為新一代歌神

容許我呢篇講返口語先，因為黃宗澤既動聽歌喉真係要用廣東話先可以形容到出黎，佢啲走音係邊個都學唔到架！！

就喺上個月17號Bosco現身《跳躍飛騰TVB邁向50周年》台慶亮燈活動，記者同佢做左個訪問，中途提起佢《幕後玩家》同劉佩玥好多激情戲，記者就問到佢有幾激，佢就唱左一句：「逝去感情如何留得住！」，令到我大為驚訝，諗返起Bosco既歌喉係幾咁美妙。


成日啲人都笑佢話佢拍劇就掂喇，但係唱歌就唔夠蕭正楠黎，我就完全唔認同喇。喺2009年嗰陣佢喺無線既《勁歌金曲頒獎典禮》上面輪流同陳奕迅唱《K歌之王》，只聽到佢好用力咁唱出歌詞，不斷走音，同陳奕迅既聲音有好大分別。其實佢都係想幫陳奕迅和音下啫，喺佢既和音同完美主音夾出黎不知幾好聽！

傳送門：http://v.yinyuetai.com/video/844610


仲有佢喺2013年出席《勁歌金曲優秀選》唱出佢既代表作《最後祝福》，第一粒音已經走音，貫徹佢獨特既風格，如果10分係滿分既話，我想比100分，正如佢喺我心目中既位置一樣。加上佢大部分時間合埋隻眼，非常享受，睇黎佢唔做歌手真係浪費曬呀。


佢唱兒歌都係好正，不過後期製作完全整到佢把聲冇走到音，我覺得好唔尊重佢！佢走音先係黃宗澤呀，咁樣啲小朋友點知佢唱歌好好聽呢？

Keroro軍曹


Keroro軍曹


爆旋陀螺鋼鐵戰魂


最後，曲到圓呀各位，笑下好喇，好衰架姐。