巴打諗住去女友家過夜，點知屋企人突然返黎！

話說前幾日發生左件好搞笑，又幾悲慘既事...就係喺連登導討論區有位巴打求救，以「女朋友以為屋企冇人」作為標題，文字直播自己困喺女朋友衣櫃既事。好啦.....我知你地一定唔想追post架喇，等我整個懶人包出黎啦 (想自己睇就撳呢個傳送門啦：https://lihkg.com/thread/107768/page/1)。咁點解事主猜啦啦會困喺衣櫃度架呢？

事源事主女朋友以為屋企冇人，叫事主上佢屋企搞搞震，點知對方屋企人突然返曬黎，就係咁事主就呢埋喺女朋友衣櫃度。不過時間一分一秒咁樣過，事主開始覺得悶同攰，所以喺連登開post直播呢件事，順便問下各位網民可以點做。

點解唔直接出去扮做功課？

據事主所講，女朋友既爸爸非常痛錫自己個女，而且家教好嚴，女朋友細個曾經被鎖喺房唔准出黎。所以事主好驚比佢爸爸知道搞左佢過女.......下場一定好慘烈。

點解唔趁屋企人沖涼偷偷地出去？
因為佢女朋友屋企好大、有兩層，如果要出去就要逃出二樓---->落樓----->偷偷地行過一樓------->開門。加上女朋友屋企人好夜訓，又中意冇啦啦入去女朋友房度傾偈，於是事主就等左好耐、好耐、好耐......

最好笑係事主最後搵到機會走人，但開門開左好耐都未上水報平安，好多網民都好擔心佢既安危(其實背後笑死左)，紛紛留言RIP事主。仲有網民好有心機，寫左篇「報導」去懷念事主既英勇事跡。



最後呼籲：各位男士唔好上女朋友屋企，好易賴野架...要上就上自己屋企，比屋企人知都冇乜野，因為男仔冇損失(好似係)。