周秀娜激瘦既原因係咩？聽完我越來越欣賞佢
仲記得第一代o靚模係Angelababy同Janice Man，佢地代表嗰陣既MK文化，cap帽、大眼仔、長攣啡髮、熱褲等等，街上面好多女仔都係喺佢地代言既2%度買衫。隨住佢地愈來愈job已經唔使做模特兒，周秀娜就喺2009年開始做第二代o靚模，佢張張相都夾到好大對波，「事業線」呢個名詞亦因為佢而起。
不過嗰陣佢既出現亦引起其他女仔出黎爭一餐，o靚模好似雨後春筍咁多，個個都喺書展賣寫真，送CD、唇印、攬枕等等，吸引宅男排隊入手，污染書展既文學氣息。特別周秀娜一開始已經用滴牙膏、雪糕、朱古力落奶，又做啲令人想入非非既動作黎上位，其中一張相仲露乳暈出黎推高銷量，坦白講我嗰陣對佢冇乜好感。
▼一個詩琳纖體廣告，喺街除衫夠曬話題性
▼出寫真、相關產品為佢帶黎拍廣告機會，開埋專為大碼女仔而設既內衣店，令佢喺2009年上半年已經賺左400萬
當時嗰幾年o靚模風氣盛行，道德問題亦隨之而來，不過你有你話意識不良，佢有佢繼續做，粉絲既支持令周秀娜愈來愈紅，經常成為搜尋榜榜首。
後來佢出席科技大學既講座，開始對佢有啲啲改觀。因為負責問問題既教授出既幾條問題都有意為難周秀娜而被網民鬧，但周秀娜竟然仲自嘲係自己冇墨水，唔關人事。佢明知人地叫佢去係想寸佢學識少，都依然大方回應，可以話幾出乎意料之外。
最近佢開始轉型拍戲，接受訪問時佢就提到自己一開始做o靚模其實都係想快啲上位，佢知道行性感係易啲，最想最想都係希望出現喺大銀幕。初初我覺得佢梗係咁講啦，但近期見到佢喺《29+1》既演出先知佢唔係流料，同男朋友攤牌之後喊嗰段好深刻，全套戲得佢帶到成場戲既推進，令觀眾投入電影裡面，好有驚喜！
同埋上個月佢喺Instagram up左張相嚇死大家，因為佢件泳衣墮曬落黎，成對波好似消失左咁，仲見到肋骨！網民即刻留言話好核突，仲問佢係咪拆完彈黎。不過周秀娜終於為激瘦解畫，原來佢要拍新戲，為左角色要配合一個極瘦身形，自己都唔想。10月開始肥返少少，如下圖：
▼瘦到人乾咁樣
周秀娜喺電影上真係好有天份，又勤力，呢幾年做多左唔同類型既工作，開始慢慢欣賞佢咁堅持，又唔驚大家既批評！做藝人黎講周秀娜都幾傳奇，請加油，唔好令我地失望。
(圖片來源：東方日報、蘋果日報、明報)
不過嗰陣佢既出現亦引起其他女仔出黎爭一餐，o靚模好似雨後春筍咁多，個個都喺書展賣寫真，送CD、唇印、攬枕等等，吸引宅男排隊入手，污染書展既文學氣息。特別周秀娜一開始已經用滴牙膏、雪糕、朱古力落奶，又做啲令人想入非非既動作黎上位，其中一張相仲露乳暈出黎推高銷量，坦白講我嗰陣對佢冇乜好感。
▼一個詩琳纖體廣告，喺街除衫夠曬話題性
▼出寫真、相關產品為佢帶黎拍廣告機會，開埋專為大碼女仔而設既內衣店，令佢喺2009年上半年已經賺左400萬
當時嗰幾年o靚模風氣盛行，道德問題亦隨之而來，不過你有你話意識不良，佢有佢繼續做，粉絲既支持令周秀娜愈來愈紅，經常成為搜尋榜榜首。
後來佢出席科技大學既講座，開始對佢有啲啲改觀。因為負責問問題既教授出既幾條問題都有意為難周秀娜而被網民鬧，但周秀娜竟然仲自嘲係自己冇墨水，唔關人事。佢明知人地叫佢去係想寸佢學識少，都依然大方回應，可以話幾出乎意料之外。
最近佢開始轉型拍戲，接受訪問時佢就提到自己一開始做o靚模其實都係想快啲上位，佢知道行性感係易啲，最想最想都係希望出現喺大銀幕。初初我覺得佢梗係咁講啦，但近期見到佢喺《29+1》既演出先知佢唔係流料，同男朋友攤牌之後喊嗰段好深刻，全套戲得佢帶到成場戲既推進，令觀眾投入電影裡面，好有驚喜！
同埋上個月佢喺Instagram up左張相嚇死大家，因為佢件泳衣墮曬落黎，成對波好似消失左咁，仲見到肋骨！網民即刻留言話好核突，仲問佢係咪拆完彈黎。不過周秀娜終於為激瘦解畫，原來佢要拍新戲，為左角色要配合一個極瘦身形，自己都唔想。10月開始肥返少少，如下圖：
▼瘦到人乾咁樣
周秀娜喺電影上真係好有天份，又勤力，呢幾年做多左唔同類型既工作，開始慢慢欣賞佢咁堅持，又唔驚大家既批評！做藝人黎講周秀娜都幾傳奇，請加油，唔好令我地失望。
(圖片來源：東方日報、蘋果日報、明報)