謝霆鋒點解咁癲都做到廚神？網民用最強磨擦力分析到10個原因
自從上次謝霆鋒公開表演唧醬之後，個個都心諗：使唔使咁chok呀？佢唧到人地成枱醬不特止，最後仲chok爆頭也不回咁走左去，嚇到身邊個女仔O曬咀。可能人地唔係驚訝佢咁型，係想問佢唧完會唔會自己抺返乾淨。
總之呢排霆鋒成為網上熱話，傳媒、網絡紅人抽水笑佢好正常啦，但竟然連其他藝人朋友都玩埋一份，成為左「霆鋒熱潮」。上次黃秋生就起勢化妝學佢 (傳送門：http://s.fanpiece.com/01d5ZyR），今次就到張敬軒同鍾舒漫用煎牛肉同洗碗黎抽水。但張敬軒扮野真係有一手，之前用低成本扮呀妙麗已經似，今次再用兩排油麵掛喺膊頭度學霆鋒，只係造型就爆曬分。
雖然近期好多人想學謝霆鋒咁做到咁出色，但就柒味多過鋒味........網上有一名網民——陳四研究左成為MK霆鋒既10大要訣，睇完大家都開始領悟到個真理，原來想做到謝霆鋒咁係有秘訣 (原文：https://www.facebook.com/icarus.chan.581/posts/10213290948976032)！秘訣就係做咩都唔好照常理去做，全部調轉懶係清高就得架喇。例如其中一點，人地單手做，你要反手做，如果你有留意既話，佢喺《十二道鋒味》就試過反手點打火機。
以下係10個要訣：
1. 一般人雙手做的，你單手做（例：剝蕉、劃火柴）
2. 一般人單手做的，你反手做（例：點打火機、唱K揸咪）
3. 一般人用手做的，你用工具做（例：用筷子夾飲筒飲嘢）
4. 一般人用手做的，你用口做（例：用口咬開樽蓋）
5. 一般人用工具做的，你又用返手做（例：用手指插落煲湯再舔手指試味，死唔用匙羹）
6. 一般人會保護自己的，你唔用（例：唔戴頭盔揸電單車）
7. 一般人唔保護自己時，自己又好保護自己（例：戴眼罩炸食物）8. 一般人做得型的，你死都要諗個更有型嘅方法去做（人哋拋鑊，你叉腰拋鑊）
9. 一般人做得型的，但你諗唔到點樣更有型咁做，你戴黑超
10. 一般人做得型的，但你諗唔到點樣更有型咁做，又喺室內唔方便戴黑超（室內唔好意思戴黑超其實你已經唔型），你慢動作笑住做
▼對於網民連日黎既嘲笑，霆鋒前晚都出左條片，比大家睇曬佢整甜品過程，證明自己唔係冇啦啦發癲
▼其實今次唔係第一次，之前霆鋒已經好中意亂fing啲醬，廚師喺後面睇到好想笑又唔可以笑，全程要扮到好驚嘆...依家做廚師真係難
不過網民就唔太buy喇，話佢嘩眾取寵、得個樣、同埋太過over等等，有部份做廚既網民就彈做野環境唔會咁污糟，又鬧佢根本為左做show就亂咁浪費食物。另外仲有人二次創作左首歌加MV黎賀賀佢，「裝飾的拉花 一般都不會結果」聽到入曬腦，好抵死：
你依家掌唔掌握到做MK謝霆鋒既要訣呢？不過就算你做到曬又點，你個樣又唔係咁型。
總之呢排霆鋒成為網上熱話，傳媒、網絡紅人抽水笑佢好正常啦，但竟然連其他藝人朋友都玩埋一份，成為左「霆鋒熱潮」。上次黃秋生就起勢化妝學佢 (傳送門：http://s.fanpiece.com/01d5ZyR），今次就到張敬軒同鍾舒漫用煎牛肉同洗碗黎抽水。但張敬軒扮野真係有一手，之前用低成本扮呀妙麗已經似，今次再用兩排油麵掛喺膊頭度學霆鋒，只係造型就爆曬分。
雖然近期好多人想學謝霆鋒咁做到咁出色，但就柒味多過鋒味........網上有一名網民——陳四研究左成為MK霆鋒既10大要訣，睇完大家都開始領悟到個真理，原來想做到謝霆鋒咁係有秘訣 (原文：https://www.facebook.com/icarus.chan.581/posts/10213290948976032)！秘訣就係做咩都唔好照常理去做，全部調轉懶係清高就得架喇。例如其中一點，人地單手做，你要反手做，如果你有留意既話，佢喺《十二道鋒味》就試過反手點打火機。
以下係10個要訣：
1. 一般人雙手做的，你單手做（例：剝蕉、劃火柴）
2. 一般人單手做的，你反手做（例：點打火機、唱K揸咪）
3. 一般人用手做的，你用工具做（例：用筷子夾飲筒飲嘢）
4. 一般人用手做的，你用口做（例：用口咬開樽蓋）
5. 一般人用工具做的，你又用返手做（例：用手指插落煲湯再舔手指試味，死唔用匙羹）
6. 一般人會保護自己的，你唔用（例：唔戴頭盔揸電單車）
7. 一般人唔保護自己時，自己又好保護自己（例：戴眼罩炸食物）8. 一般人做得型的，你死都要諗個更有型嘅方法去做（人哋拋鑊，你叉腰拋鑊）
9. 一般人做得型的，但你諗唔到點樣更有型咁做，你戴黑超
10. 一般人做得型的，但你諗唔到點樣更有型咁做，又喺室內唔方便戴黑超（室內唔好意思戴黑超其實你已經唔型），你慢動作笑住做
▼對於網民連日黎既嘲笑，霆鋒前晚都出左條片，比大家睇曬佢整甜品過程，證明自己唔係冇啦啦發癲
▼其實今次唔係第一次，之前霆鋒已經好中意亂fing啲醬，廚師喺後面睇到好想笑又唔可以笑，全程要扮到好驚嘆...依家做廚師真係難
不過網民就唔太buy喇，話佢嘩眾取寵、得個樣、同埋太過over等等，有部份做廚既網民就彈做野環境唔會咁污糟，又鬧佢根本為左做show就亂咁浪費食物。另外仲有人二次創作左首歌加MV黎賀賀佢，「裝飾的拉花 一般都不會結果」聽到入曬腦，好抵死：
你依家掌唔掌握到做MK謝霆鋒既要訣呢？不過就算你做到曬又點，你個樣又唔係咁型。