《玻璃面具》真係一套好高質既卡通，最後究竟邊個做到紅天女？
仲記得以前細個除左《衝鋒21》之外，另一套好熱血又勁迷戀既卡通片就係《玻璃面具》。
大約講述有個貧窮少女北島真夜因為有演戲天份，所以比出名嚴格既月影老師發掘出黎。月影老師真係好惡，成日都會迫真夜排練，又係咁鬧佢，不過正因為咁樣先令佢體內潛能爆發出黎。被稱為演藝界天才少女既姬川亞弓都開始注意到佢既存在，視佢為最大敵手。佢地兩個不斷喺舞台劇上發光發亮，一邊靚女亞弓好有演戲經驗，另一邊既真夜又極有天份，兩個都係當選紅天女既最佳人選。佢地為左爭做紅天女都好努力，不斷日復日訓練。
▼次次演技都好到人人O曬咀
《玻璃面具》每集都有幕好深刻，就係真夜每次要出場就會合埋雙眼，喺腦裡面出現有好多塊面具。面具代表唔同角色，佢一戴上面具就會失去本我，完美咁展現主角既性格、言語、行為，好似直頭變左嗰個人咁，令人非常驚嘆。
好景不常，愈紅就愈會令人妒忌，真夜雖然得到好多演出機會，但係唔少人都想喺佢背後暗算同陷害佢。最後佢媽比劇團老闆間接害死，成個人性情大變，仲比人趕左出演藝界。真夜變得絕望、意志消沉，同時亞弓憑住《茱麗葉》獲得藝術大獎，成為紅天女繼承人。
好彩真夜返返去高中之後，同學不斷鼓勵佢，佢又喺每次演出之前都比好多功夫去揣摩角色，終於可以喺《被遺忘的荒野》一劇中演出狼少女。真夜非常用心，連平時行為都堅持扮成一隻狼，例如直接用口撕開啲野食、用四肢爬行、只係會吠叫唔講野等等，令人覺得佢已經完全變為一隻野獸，所以都得到另一個紅天女繼承資格。
除左配音好聽之外，好睇程度仲令到當時既小編一度想去學演戲。一方面因為真夜連日常生活都會諗住演戲，認真程度令我都受到感染；另一方面見到真夜同亞弓雖然係對手，但彼此惺惺相惜，體現到大家為左夢想奮鬥唔放棄既精神。
所以呢個卡通唔係咁簡單，同《衝鋒21》一樣好有教育意義，表達出一個好平凡既人都可以有過人之處，可以追尋自己夢想。而且網民講得好好，劇情裡面仲包括初戀、失戀分手、友情、親情、喪親、忘年戀、手段...超多元素，足以成為嗰個年代既神作。
雖然《玻璃面具》好好睇，但估唔到連載左成40年都未完，中間作者試過唔滿意劇情，所以又再畫過。無線播既動畫版冇講到邊個做到紅天女，而依家漫畫仲繼續畫緊...總之講到真夜同亞弓都有演出過少少紅天女，不過兩個人仲未夠班，所以又要繼續修練。
▼每次真夜都會收到紫色玫瑰，原來就係間接害死自己呀媽既兇手。後來劇情已經集中講佢地兩個既感情，變得好拖
唔知小編到左呀婆嗰陣，佢地揀到邊個做紅天女未呢？
大約講述有個貧窮少女北島真夜因為有演戲天份，所以比出名嚴格既月影老師發掘出黎。月影老師真係好惡，成日都會迫真夜排練，又係咁鬧佢，不過正因為咁樣先令佢體內潛能爆發出黎。被稱為演藝界天才少女既姬川亞弓都開始注意到佢既存在，視佢為最大敵手。佢地兩個不斷喺舞台劇上發光發亮，一邊靚女亞弓好有演戲經驗，另一邊既真夜又極有天份，兩個都係當選紅天女既最佳人選。佢地為左爭做紅天女都好努力，不斷日復日訓練。
▼次次演技都好到人人O曬咀
《玻璃面具》每集都有幕好深刻，就係真夜每次要出場就會合埋雙眼，喺腦裡面出現有好多塊面具。面具代表唔同角色，佢一戴上面具就會失去本我，完美咁展現主角既性格、言語、行為，好似直頭變左嗰個人咁，令人非常驚嘆。
好景不常，愈紅就愈會令人妒忌，真夜雖然得到好多演出機會，但係唔少人都想喺佢背後暗算同陷害佢。最後佢媽比劇團老闆間接害死，成個人性情大變，仲比人趕左出演藝界。真夜變得絕望、意志消沉，同時亞弓憑住《茱麗葉》獲得藝術大獎，成為紅天女繼承人。
好彩真夜返返去高中之後，同學不斷鼓勵佢，佢又喺每次演出之前都比好多功夫去揣摩角色，終於可以喺《被遺忘的荒野》一劇中演出狼少女。真夜非常用心，連平時行為都堅持扮成一隻狼，例如直接用口撕開啲野食、用四肢爬行、只係會吠叫唔講野等等，令人覺得佢已經完全變為一隻野獸，所以都得到另一個紅天女繼承資格。
除左配音好聽之外，好睇程度仲令到當時既小編一度想去學演戲。一方面因為真夜連日常生活都會諗住演戲，認真程度令我都受到感染；另一方面見到真夜同亞弓雖然係對手，但彼此惺惺相惜，體現到大家為左夢想奮鬥唔放棄既精神。
所以呢個卡通唔係咁簡單，同《衝鋒21》一樣好有教育意義，表達出一個好平凡既人都可以有過人之處，可以追尋自己夢想。而且網民講得好好，劇情裡面仲包括初戀、失戀分手、友情、親情、喪親、忘年戀、手段...超多元素，足以成為嗰個年代既神作。
雖然《玻璃面具》好好睇，但估唔到連載左成40年都未完，中間作者試過唔滿意劇情，所以又再畫過。無線播既動畫版冇講到邊個做到紅天女，而依家漫畫仲繼續畫緊...總之講到真夜同亞弓都有演出過少少紅天女，不過兩個人仲未夠班，所以又要繼續修練。
▼每次真夜都會收到紫色玫瑰，原來就係間接害死自己呀媽既兇手。後來劇情已經集中講佢地兩個既感情，變得好拖
唔知小編到左呀婆嗰陣，佢地揀到邊個做紅天女未呢？