阿嬌閃婚做人妻竟有負評！網民重提舊事引爆激烈罵戰
喺2月1號12點09分，阿嬌鍾欣潼宣佈要結婚喇，仲sweet爆寫「下一站幸福」，呼應返自己首歌《下一站天后》添！大批粉絲心情都好激動，當然仲包括小編，因為睇住佢喺愛情路上跌跌碰碰，依家終於修成正果，真係好戥佢開心。但佢同男朋友賴弘國喺舊年10月先識，只係3個月，咁快就結婚？
雖然佢地差4歲係姊弟戀，而且一個喺台灣一個喺香港，不過佢地啱啱一齊就已經好夾。賴弘國仲話要養佢，唔想阿嬌再做野添，搞到阿嬌好開心，終於搵到個人係真心愛佢。所以阿嬌講到明「想認真走落去、有被愛既感覺」，仲成日大方提起男朋友，閃死大家。咁多原因加埋，佢地閃婚唔係冇跡象，亦唔係冇道理，從來遇到啱既人就唔好放手，好似萬綺雯同佢老公陳十三只係識左七日就結婚，仲恩愛煙韌到依家，有啲野係緣分，係整定，所以冇話咩閃唔閃婚。
▼結婚原本係喜事，但網上就有唔少負評，好多都係重提以前閃卡既事(有啲太傷害性既唔cap出黎)
▼好彩有唔少網民就算唔係粉絲都睇唔過眼，出黎力撐阿嬌
好多人將當年既責任推曬喺阿嬌度，但我覺得佢冇錯，佢好似係受害者咋喎，錯乜野？佢為一個佢愛既人做傻事，仲要啲傻事原本只係私生活，冇諗過比人睇，啲相都係意外流出。 或者阿嬌係錯，錯在識左個衰男仔，同埋反而係放片上網既人勁冇品就真。可能有人會話，阿嬌有講過口不對心既說話喎！然而十年過去，傳媒早就冇再放相，可惜有啲網民依然死咬唔放，對一個現實生活唔認識既人充滿恨意。
仲有，件事過左成十年仲唔夠？換轉係你唔小心做錯事，比人講同笑足十年又會點呢？一件事困擾左阿嬌十年，搞到佢壓力大、有情緒病要食藥，出現口齒不清、語無倫次既副作用，大家見到應該係時候要比件事一個終結吧。真心祝佢幸福就夠，其他野大家心入面知就算，無必要再加多一腳。你覺得食花生，其實係將人痛苦建築係自己快樂之上。
最新消息：
頭先阿嬌就住做人妻一事開左記者招待會，佢話男朋友喺生日正日求婚，雖然大家一齊得唔耐，但佢地係「對的時間遇上對的人」，對方會就佢時間飛黎睇佢；包容佢所有缺點、過去、壞習慣，係好好既男人。阿嬌仲話琴晚宣佈嗰刻仲勁緊張，塊面紅左幾個鐘，反而被求婚嗰刻都冇咁激動又冇喊。被問到佢地幾時擺酒、結婚，佢話一切都未plan，屋企人都係知左冇耐，不過肯定冇bb先，因為黎緊五月有三場演唱會，冇理由大住肚表演。
所以喺度都想提醒大家，希望大家可以停一停，唔好再提件事。依家人地咁開心結婚就大方祝福，就算唔想祝福都唔好咁口臭。
雖然佢地差4歲係姊弟戀，而且一個喺台灣一個喺香港，不過佢地啱啱一齊就已經好夾。賴弘國仲話要養佢，唔想阿嬌再做野添，搞到阿嬌好開心，終於搵到個人係真心愛佢。所以阿嬌講到明「想認真走落去、有被愛既感覺」，仲成日大方提起男朋友，閃死大家。咁多原因加埋，佢地閃婚唔係冇跡象，亦唔係冇道理，從來遇到啱既人就唔好放手，好似萬綺雯同佢老公陳十三只係識左七日就結婚，仲恩愛煙韌到依家，有啲野係緣分，係整定，所以冇話咩閃唔閃婚。
▼結婚原本係喜事，但網上就有唔少負評，好多都係重提以前閃卡既事(有啲太傷害性既唔cap出黎)
▼好彩有唔少網民就算唔係粉絲都睇唔過眼，出黎力撐阿嬌
好多人將當年既責任推曬喺阿嬌度，但我覺得佢冇錯，佢好似係受害者咋喎，錯乜野？佢為一個佢愛既人做傻事，仲要啲傻事原本只係私生活，冇諗過比人睇，啲相都係意外流出。 或者阿嬌係錯，錯在識左個衰男仔，同埋反而係放片上網既人勁冇品就真。可能有人會話，阿嬌有講過口不對心既說話喎！然而十年過去，傳媒早就冇再放相，可惜有啲網民依然死咬唔放，對一個現實生活唔認識既人充滿恨意。
仲有，件事過左成十年仲唔夠？換轉係你唔小心做錯事，比人講同笑足十年又會點呢？一件事困擾左阿嬌十年，搞到佢壓力大、有情緒病要食藥，出現口齒不清、語無倫次既副作用，大家見到應該係時候要比件事一個終結吧。真心祝佢幸福就夠，其他野大家心入面知就算，無必要再加多一腳。你覺得食花生，其實係將人痛苦建築係自己快樂之上。
最新消息：
頭先阿嬌就住做人妻一事開左記者招待會，佢話男朋友喺生日正日求婚，雖然大家一齊得唔耐，但佢地係「對的時間遇上對的人」，對方會就佢時間飛黎睇佢；包容佢所有缺點、過去、壞習慣，係好好既男人。阿嬌仲話琴晚宣佈嗰刻仲勁緊張，塊面紅左幾個鐘，反而被求婚嗰刻都冇咁激動又冇喊。被問到佢地幾時擺酒、結婚，佢話一切都未plan，屋企人都係知左冇耐，不過肯定冇bb先，因為黎緊五月有三場演唱會，冇理由大住肚表演。
所以喺度都想提醒大家，希望大家可以停一停，唔好再提件事。依家人地咁開心結婚就大方祝福，就算唔想祝福都唔好咁口臭。