陳展鵬變木偶鼻疑似整容，網民對比舊照勁感嘆
呢排陳展鵬喺instagram post左張相引起好大爭議，張相本身係用黎宣傳粉絲見面會，照計冇咩問題，不過睇真啲陳展鵬個樣點解怪怪地既？連佢啲粉絲都忍唔住話P圖P到認唔到佢，個樣膠到令人以為佢整左容。有網民仲將佢時舊照同依家個樣做對比，發現個鼻離奇變大，同楊怡木偶鼻、成龍大鼻相差無幾。對於整容疑雲陳展鵬就笑臉應對，佢話公司會P圖好正常，唔覺得張相有咩問題，不過有時佢都覺得啲粉絲用app都影到佢個人妖氣重，唔太中意。陳展鵬最後堅稱自己真金不怕洪爐火，由出道到依家比人笑都冇所謂，雖然唔會去整不過就認同如果唔沉迷既話，啲女明星去微調下都冇咩問題。
▼以前個樣
對於陳展鵬既回應，網民就話佢答得好模稜兩可，全程冇承認過自己百份百真樣，又冇否認有冇整容，好明顯係心虛咁話。仲有依家整完鼻頭舊肉就黎跌到嘴唇邊，似足恐怖蠟像館。大家都覺得佢唔知係咪入左無線見到個個都整，搞到佢都心思思去搞個鼻，依家尖到明顯唔同之前咁，用舊照一對比就知。
其實陳展鵬一出道仲喺亞視做真係好型，簡簡單單，保守啲咁著裇衫西褲已經好好睇，唔明點解佢咁中意搞呢樣搞嗰樣，整色整水，例如著體毛衫、秦先生衫等等，開始分唔到係件衫既問題定係佢個樣既問題。網民就好感嘆咁話全盛時期既佢好正、好型棍、個鼻正正常常、唱歌又好聽，依家？整唔整都係咁重妖味。
▼我地又再回顧下佢出道以來既經典造型先
1. 秦先生look
呢套西裝十足十香港經典漫畫《老夫子》裡面既角色秦先生一樣，活靈活現， 《老夫子》陪伴幾代香港人成長，陳展鵬猶如漫畫中走出現實世界。
2. MK旺中look
陳展鵬著完後生左十幾年，身上黑底撥墨貼身T shirt配上黑框圓形眼鏡同時下mk仔冇分別，似乎陳展鵬非常緊貼潮流。
3. 花花世界
呢件Polo衫以黑色黃色做背景，萬千花花做襯托，令到白色領口位就如萬綠叢中一點紅，非常突出。
4. 明明綠燈轉眼變成紅燈look
原本大家都會避免將紅色同綠色同時間穿上身上，因為覺得像聖誕樹。但陳展鵬身為時裝界KOL，只會將不可能化成可能，紅色大褸同背景融合埋一齊如同保護色，令佢黝黑既皮膚成為注目點。
5. 70年代大叔look
鮮橙色透視裇衫配牛仔褲有意想不到既效果，卷起兩邊衣袖如舊時礦場走出黎既工人，帶點懷舊風味。
6. 夜場還是有星光look
亮面黑色裇衫太普通，只有兩邊衣袖加上花紋先夠特別，gel起頭束上花花啡色領呔，成個老闆氣場頓時散發出黎，另外還有吸血新世紀變奏版，正好為殭屍題材既電視劇提供戲服設計靈感。
但我覺得最經典一定係亞視月歷這個造型，當年露少少肉已經好大尺度，陳展鵬為左亞視月歷咁犧牲色相，足以證明佢對舊公司的感情幾深。
你覺得佢只係肥左，定係整完唔認呢？
▼以前個樣
對於陳展鵬既回應，網民就話佢答得好模稜兩可，全程冇承認過自己百份百真樣，又冇否認有冇整容，好明顯係心虛咁話。仲有依家整完鼻頭舊肉就黎跌到嘴唇邊，似足恐怖蠟像館。大家都覺得佢唔知係咪入左無線見到個個都整，搞到佢都心思思去搞個鼻，依家尖到明顯唔同之前咁，用舊照一對比就知。
其實陳展鵬一出道仲喺亞視做真係好型，簡簡單單，保守啲咁著裇衫西褲已經好好睇，唔明點解佢咁中意搞呢樣搞嗰樣，整色整水，例如著體毛衫、秦先生衫等等，開始分唔到係件衫既問題定係佢個樣既問題。網民就好感嘆咁話全盛時期既佢好正、好型棍、個鼻正正常常、唱歌又好聽，依家？整唔整都係咁重妖味。
▼我地又再回顧下佢出道以來既經典造型先
1. 秦先生look
呢套西裝十足十香港經典漫畫《老夫子》裡面既角色秦先生一樣，活靈活現， 《老夫子》陪伴幾代香港人成長，陳展鵬猶如漫畫中走出現實世界。
2. MK旺中look
陳展鵬著完後生左十幾年，身上黑底撥墨貼身T shirt配上黑框圓形眼鏡同時下mk仔冇分別，似乎陳展鵬非常緊貼潮流。
3. 花花世界
呢件Polo衫以黑色黃色做背景，萬千花花做襯托，令到白色領口位就如萬綠叢中一點紅，非常突出。
4. 明明綠燈轉眼變成紅燈look
原本大家都會避免將紅色同綠色同時間穿上身上，因為覺得像聖誕樹。但陳展鵬身為時裝界KOL，只會將不可能化成可能，紅色大褸同背景融合埋一齊如同保護色，令佢黝黑既皮膚成為注目點。
5. 70年代大叔look
鮮橙色透視裇衫配牛仔褲有意想不到既效果，卷起兩邊衣袖如舊時礦場走出黎既工人，帶點懷舊風味。
6. 夜場還是有星光look
亮面黑色裇衫太普通，只有兩邊衣袖加上花紋先夠特別，gel起頭束上花花啡色領呔，成個老闆氣場頓時散發出黎，另外還有吸血新世紀變奏版，正好為殭屍題材既電視劇提供戲服設計靈感。
但我覺得最經典一定係亞視月歷這個造型，當年露少少肉已經好大尺度，陳展鵬為左亞視月歷咁犧牲色相，足以證明佢對舊公司的感情幾深。
你覺得佢只係肥左，定係整完唔認呢？