吉野家開post恥笑阿根廷表現，借機出優惠寸爆美斯

琴晚世界盃分組賽D組阿根廷對克羅地亞結果0：3，輸足三球令到好多球迷難以置信，當中阿根廷門將卡巴尼路失誤直接交左個波比人呢幕更加睇到O曬咀，甚至因為呢次失分搞到阿根廷散曬。其實美斯都幾慘，佢精神壓力極大，但同時未開波已經皺曬眉頭，難怪比人鬧冇盡力。有啲網民就話：「成隊波係完全零配合、零默契，好似十一個人落街場大家第一次見第一次一齊踢波咁，個龍就猜輸左做」、「個教練同世界球壇戰術脫曬節」、「教練唔選啲勁人carry佢」等等。暫時唔講太多球賽，一黎朝早已經咁多文寫曬，二黎講慣娛樂既小編我今次主要係想講吉野家抽水事件。
就喺今日中午時分，吉野家出左個post恥笑阿根廷表現：「阿根廷慘吞克羅地亞三隻溫泉玉子」，仲借機出優惠，表明如果身份證英文名有「world cup」其中兩隻字，再惠顧丼套餐，就可以得到減三蚊呢個優惠。最後吉野家hashtag補飛，笑美斯英文名中左咁佢都可以黎食，直線抽擊好夠膽。