送水輝大小姐天橋相擁痛哭勁好戲，但幸福愛情喺編劇手中終要玩完？
《愛回家》裡面除左KC同Terry呢對舅甥間既基情好受歡迎之外，大小姐送水輝呢對一樣咁多人中意，因為大家估唔到平時惡到死，郁手郁腳既大小姐都會跪拜於風靡萬千中女既送水輝之下，喺佢面前由萬獸之王變成小綿羊。幸福既愛情要寫上句號，喺今集上演《初戀無限feel最終回》之前，一齊回顧佢地甜蜜又虐心既愛情。
回想一開始身為單親爸爸既送水輝對大小姐冇咩好感，但話明大小姐梗係用盡財力人力都要抱得美男歸，自從知道送水輝為兩餐拋個身出黎做「初戀套餐」，滿足一眾闊太既少女心之後，大小姐腦裡面既愛情就慢慢萌芽。
送水輝半推半就下應承進行呢場交易，跟足大小姐既劇本要求扮演唔同角色，由中學、大學到出黎社會做野。大小姐除左想拖長同送水輝見面既時間，之前由佢口中得知其實佢童年好悲慘，所以先想趁機補全自己。佢話生於有錢家族好多時係身不由己，為左準備日後繼承公司一定要變強，細細個被迫學好唔同語言、溜冰、騎馬......好多高難度興趣根本難佢唔到。喺女同學眼中或者係個完美女人，好羨慕大小姐咁勁；喺男同學眼中佢只係個強到會令自己出醜同比下去既女強人，結果大小姐讀書時期冇人追過，未感受過初戀既感覺，人生貌似完美但又有所缺失。
小編覺得大小姐根本唔使因為自己太叻而唔開心，如果為左遷就男人，唔想佢地比較完會自卑，而屈就自己唔好做到咁叻，對自己好唔公平，亦扼殺大好前途。既然個天比左咁好既家庭背景、才能佢，佢就應該好好發揮，耐心等待一啲真正識得欣賞自己既人──送水輝。好彩個天比大小姐遇到送水輝，見到佢嗰個少女心又再返黎，先知道原來當一個幾強勢既女人面對愛情，最重要既事業都可以擺喺第二位。
可惜大小姐同送水輝既身份始終好懸殊，唔係大小姐介意送水輝出身，而係佢覺得爸爸會極力反對同埋唔會將公司繼承比佢。但捧打鴛鴦既人唔係佢爸爸，而係舅父KC，佢一見到佢地拍拖即刻迫分手，威脅佢地唔照做會將件事講出去。一方面好想為自己幸福爭取一次，繼續同愛人相戀；另一方面受到屋企人逼迫，集團繼承權又受到影響，大小姐會點做？怕被揭穿既佢地唯有加快劇情去到結婚既階段，送水輝雙手舉起街邊既垃圾桶，打算學《天若有情》經典一幕，一野打爆婚紗鋪既玻璃拎婚紗出黎，點知送水輝轉個頭就比大小姐寸：「我地就咁行入去就得架喇。」，真金白銀買左套禮服同婚紗，騎電單車去教堂結婚，交換完戒指，似乎劇本就到此為止。
幸福既時光過得特別快，又係時候要講bye bye，KC比左新既男朋友Mike比大小姐叫佢放棄送水輝，唔好以為大小姐會妥協，佢心有不甘假扮接受。點知送水輝喺教堂偷睇到，以為大小姐唔要佢，虐到觀眾個心隱隱作痛。喺呢刻本來以為送水輝會主動一次，最後佢都係怕，要大小姐流曬眼淚咁挽留，喺天橋上勇敢表白：「你係我既the one！喺我心裡面冇人可以取代你。」二人放低交易關係願意承認呢段愛情，唔使匿埋喺小蓮、輝dee既角色下，感動到小編都眼濕濕，去到呢度個個都想佢地既感情唔係做戲，而係真實。
▼有興趣知多啲佢地可以睇下「巴打絲打facebook club」既直播
希望天下有情人可以好似佢地咁終成眷屬，為自己幸福努力。
(圖片來源：https://www.instagram.com/sukman_lam、https://www.instagram.com/jackhero5、巴打絲打facebook club)
回想一開始身為單親爸爸既送水輝對大小姐冇咩好感，但話明大小姐梗係用盡財力人力都要抱得美男歸，自從知道送水輝為兩餐拋個身出黎做「初戀套餐」，滿足一眾闊太既少女心之後，大小姐腦裡面既愛情就慢慢萌芽。
送水輝半推半就下應承進行呢場交易，跟足大小姐既劇本要求扮演唔同角色，由中學、大學到出黎社會做野。大小姐除左想拖長同送水輝見面既時間，之前由佢口中得知其實佢童年好悲慘，所以先想趁機補全自己。佢話生於有錢家族好多時係身不由己，為左準備日後繼承公司一定要變強，細細個被迫學好唔同語言、溜冰、騎馬......好多高難度興趣根本難佢唔到。喺女同學眼中或者係個完美女人，好羨慕大小姐咁勁；喺男同學眼中佢只係個強到會令自己出醜同比下去既女強人，結果大小姐讀書時期冇人追過，未感受過初戀既感覺，人生貌似完美但又有所缺失。
小編覺得大小姐根本唔使因為自己太叻而唔開心，如果為左遷就男人，唔想佢地比較完會自卑，而屈就自己唔好做到咁叻，對自己好唔公平，亦扼殺大好前途。既然個天比左咁好既家庭背景、才能佢，佢就應該好好發揮，耐心等待一啲真正識得欣賞自己既人──送水輝。好彩個天比大小姐遇到送水輝，見到佢嗰個少女心又再返黎，先知道原來當一個幾強勢既女人面對愛情，最重要既事業都可以擺喺第二位。
可惜大小姐同送水輝既身份始終好懸殊，唔係大小姐介意送水輝出身，而係佢覺得爸爸會極力反對同埋唔會將公司繼承比佢。但捧打鴛鴦既人唔係佢爸爸，而係舅父KC，佢一見到佢地拍拖即刻迫分手，威脅佢地唔照做會將件事講出去。一方面好想為自己幸福爭取一次，繼續同愛人相戀；另一方面受到屋企人逼迫，集團繼承權又受到影響，大小姐會點做？怕被揭穿既佢地唯有加快劇情去到結婚既階段，送水輝雙手舉起街邊既垃圾桶，打算學《天若有情》經典一幕，一野打爆婚紗鋪既玻璃拎婚紗出黎，點知送水輝轉個頭就比大小姐寸：「我地就咁行入去就得架喇。」，真金白銀買左套禮服同婚紗，騎電單車去教堂結婚，交換完戒指，似乎劇本就到此為止。
幸福既時光過得特別快，又係時候要講bye bye，KC比左新既男朋友Mike比大小姐叫佢放棄送水輝，唔好以為大小姐會妥協，佢心有不甘假扮接受。點知送水輝喺教堂偷睇到，以為大小姐唔要佢，虐到觀眾個心隱隱作痛。喺呢刻本來以為送水輝會主動一次，最後佢都係怕，要大小姐流曬眼淚咁挽留，喺天橋上勇敢表白：「你係我既the one！喺我心裡面冇人可以取代你。」二人放低交易關係願意承認呢段愛情，唔使匿埋喺小蓮、輝dee既角色下，感動到小編都眼濕濕，去到呢度個個都想佢地既感情唔係做戲，而係真實。
▼有興趣知多啲佢地可以睇下「巴打絲打facebook club」既直播
希望天下有情人可以好似佢地咁終成眷屬，為自己幸福努力。
(圖片來源：https://www.instagram.com/sukman_lam、https://www.instagram.com/jackhero5、巴打絲打facebook club)