十號颶風下記者差點被浪捲走，網民集氣求全港停工停學
前日香港數一數二既超級十號颶風──山竹來襲，全城嚴陣以待。大批市民早就準備去超級市場掃曬罐頭同冰鮮食品，貨架上既物品寥寥可數；又有不少市民瘋狂搶購膠紙，打升痴喺玻璃窗上面防止爆到一地都係。雖然山竹一開始由三號到八號颱風時威力唔大，不過受山竹外圍強烈下沉氣流同內陸熱空氣影響，天氣非常酷熱，直到山竹琴日朝早九點由八號改發十號颶風，香港即受狂風大雨侵襲，各地風災情況惡劣。
有唐樓外牆成幅倒冧、天花板都被反起吹走、政府接獲多宗塌樹報告、唔少屋邨停電冇水冇訊號等等。吐露港海水高度曾經升超過4.5米，維港亦上升至3.5米，多個地方水侵，特別大澳居民家園再次被水淹浸。另外即使大家已經做好準備，喺社交網站仍然不停傳出屋企爆窗既消息，如日出康城、紅磡寫字樓等，有網民要同屋企人用手輪流拎住被吹甩既窗戶，防止跌落街造成人命或財物損失。
儘管外面天氣好惡劣，唔少人依然要堅守職位如常返工，例如醫護行業、傳媒、快餐店等等，有網民自發呼籲大家唔好叫外賣，考慮其他人既性命危險。其中傳媒行業為左帶比我地最新風暴消息，電視台、報館更加派出記者去現場以第一身採訪。2009年時颱風莫拉菲襲港，無線記者潘蔚林去尖沙咀做直播報道感受風力，就算喺鏡頭前紮行馬，頭盔同鞋都不敵強風被吹走。事隔九年，無線繼續搵記者條命較飛，今次張家灝派到最大浪既杏花邨，結果佢差啲比杏花邨岸邊啲浪沖走，一隻腳踏入鬼門關，好彩揸緊條繩先冇被洪水沖走。面對呢個窘境，張家灝繼續報道，甚至用積極樂觀既心態同大家講：「係海水，係鹹架！」
除左無線搵記者去現場，蘋果日報、有線等都有派同事報道，但就冇行近岸邊，以免被浪捲走或者吹水。有網民就質疑喺咁大風大浪、寸步難移既情況下，無線係咪真係有必要要求記者咁去冒險報道。而且記者人工低，次次要搵命搏返工，淋到病，付出同收入唔成正比。所以其實做記者係一份幾危險既工作，佢地有求真既使命，天氣情況幾差都要堅守崗位、在所不計，保持專業態度，要向佢地致敬。
▼潘蔚林
▼張家灝
依家風力明顯減弱，街上到處都係垃圾、樹枝等雜物，未能保證道路安全，但係一眾打工仔照舊要返工。好多人怨聲四起，大呻星期一要比平日更早起身搭車返工，否則喺未知交通情況下有窒車遲到既可能。琴晚凌晨網民就喺討論區集氣，要求全港停工停學，至少都想公司老闆睇到，體諒員工返工困難，等大家留喺屋企或者安全地方。
(圖片來源：巴打絲打facebook club、lihkg.com、有線新聞截圖、無線新聞截圖、各大facebook page)
有唐樓外牆成幅倒冧、天花板都被反起吹走、政府接獲多宗塌樹報告、唔少屋邨停電冇水冇訊號等等。吐露港海水高度曾經升超過4.5米，維港亦上升至3.5米，多個地方水侵，特別大澳居民家園再次被水淹浸。另外即使大家已經做好準備，喺社交網站仍然不停傳出屋企爆窗既消息，如日出康城、紅磡寫字樓等，有網民要同屋企人用手輪流拎住被吹甩既窗戶，防止跌落街造成人命或財物損失。
儘管外面天氣好惡劣，唔少人依然要堅守職位如常返工，例如醫護行業、傳媒、快餐店等等，有網民自發呼籲大家唔好叫外賣，考慮其他人既性命危險。其中傳媒行業為左帶比我地最新風暴消息，電視台、報館更加派出記者去現場以第一身採訪。2009年時颱風莫拉菲襲港，無線記者潘蔚林去尖沙咀做直播報道感受風力，就算喺鏡頭前紮行馬，頭盔同鞋都不敵強風被吹走。事隔九年，無線繼續搵記者條命較飛，今次張家灝派到最大浪既杏花邨，結果佢差啲比杏花邨岸邊啲浪沖走，一隻腳踏入鬼門關，好彩揸緊條繩先冇被洪水沖走。面對呢個窘境，張家灝繼續報道，甚至用積極樂觀既心態同大家講：「係海水，係鹹架！」
除左無線搵記者去現場，蘋果日報、有線等都有派同事報道，但就冇行近岸邊，以免被浪捲走或者吹水。有網民就質疑喺咁大風大浪、寸步難移既情況下，無線係咪真係有必要要求記者咁去冒險報道。而且記者人工低，次次要搵命搏返工，淋到病，付出同收入唔成正比。所以其實做記者係一份幾危險既工作，佢地有求真既使命，天氣情況幾差都要堅守崗位、在所不計，保持專業態度，要向佢地致敬。
▼潘蔚林
▼張家灝
依家風力明顯減弱，街上到處都係垃圾、樹枝等雜物，未能保證道路安全，但係一眾打工仔照舊要返工。好多人怨聲四起，大呻星期一要比平日更早起身搭車返工，否則喺未知交通情況下有窒車遲到既可能。琴晚凌晨網民就喺討論區集氣，要求全港停工停學，至少都想公司老闆睇到，體諒員工返工困難，等大家留喺屋企或者安全地方。
(圖片來源：巴打絲打facebook club、lihkg.com、有線新聞截圖、無線新聞截圖、各大facebook page)