貝依霖自豪爆中學欺凌兼打人，出陰招令無辜同學入女童院
杜汶澤自從請左導彈級私人女秘書兼資訊性live節目《壹鳩大事回顧》新聞女主播莊端兒之後，大家成日將佢同另一位旗下藝人貝依霖比較。網民大讚莊端兒知道自己優點喺邊，次次做直播、節目都會著低胸裝，而且望落幾好相處，好自然好玩得；怕羞女李蔓瑩Renee就係女都中意，講野又有反應；反而貝依霖既負評比較多，第一大家針對佢instagram用簡體字、支持政府疑似藍絲同埋微胖身形，第二話佢淨係識傻笑，好似聽唔明廣東話咁，咩反應都比唔到，甚至有網民直言：「想mute左佢把聲」、「我知佢要做性女，但佢做得cheap得濟，講到自己人盡可夫咁」等等。
由此睇得出貝依霖評價已經唔高，點知近日又出事！六日前佢喺清談節目《GENIUS BAR》第七集竟然用輕鬆、講笑既語氣憶述自己讀書時期屈同學既事跡。貝依霖一開始講返自己家庭，話自己係破碎家庭長大，十二歲已想搬出屋企，差唔多去到同屋企人斷關係既重度，所以嗰陣努力做model，接受頭條同校刊報導賺多啲錢。嗰陣老師成日針對佢，覺得佢不務正業、無心向學，連社工都幫唔到佢面對呢個八方受敵既窘境。可能因為咁貝依霖慢慢變壞，除左有師兄想收自己做契妹，仲一巴打落同級男風紀度，扮喊話返人地轉頭，搞到老師鬧男風紀。
最誇張係有次同另一位B同學喺女更衣室唔知因為咩原因暴打D同學，推跌佢、摑佢，而C同學企喺度冇打過，負責睇水。最後比老師發現件事，貝依霖同B同學夾份將罪名怪曬落C同學身上，令無辜既C同學入左女童院三個月。佢三個月都冇去探C同學，連杜汶澤都忍唔住話佢好賤格。貝依霖毫無悔意、理直氣壯，相反今時今日依然覺得自己好威、好驕傲。唔少網民都留言話假如件事係真實在唔可能接受，對佢既行為表示反感。
▼個個都鬧佢好離譜
雖然未知道貝依霖今次係咪又為左引起話題搏上位，不過有啲說話始終要避忌，特別關乎到欺凌問題。儘管杜汶澤過往所做既事唔係好受大眾認同，但至少未有做壞事，傷害到其他人。睇黎杜汶澤要好好教育旗下藝人喇，畢竟欺凌同學係錯誤行為，對加害者黎講只係小事一單，對受害者黎講就係一世既傷痕。當年嗰位無辜既同學被屈入女童院已受到好大傷害，未計影響對方一生前途。如今再次被貝依霖當笑話咁拎出黎鞭屍，變成二度傷害，顯得佢冷血又殘忍。
完整影片：
由此睇得出貝依霖評價已經唔高，點知近日又出事！六日前佢喺清談節目《GENIUS BAR》第七集竟然用輕鬆、講笑既語氣憶述自己讀書時期屈同學既事跡。貝依霖一開始講返自己家庭，話自己係破碎家庭長大，十二歲已想搬出屋企，差唔多去到同屋企人斷關係既重度，所以嗰陣努力做model，接受頭條同校刊報導賺多啲錢。嗰陣老師成日針對佢，覺得佢不務正業、無心向學，連社工都幫唔到佢面對呢個八方受敵既窘境。可能因為咁貝依霖慢慢變壞，除左有師兄想收自己做契妹，仲一巴打落同級男風紀度，扮喊話返人地轉頭，搞到老師鬧男風紀。
最誇張係有次同另一位B同學喺女更衣室唔知因為咩原因暴打D同學，推跌佢、摑佢，而C同學企喺度冇打過，負責睇水。最後比老師發現件事，貝依霖同B同學夾份將罪名怪曬落C同學身上，令無辜既C同學入左女童院三個月。佢三個月都冇去探C同學，連杜汶澤都忍唔住話佢好賤格。貝依霖毫無悔意、理直氣壯，相反今時今日依然覺得自己好威、好驕傲。唔少網民都留言話假如件事係真實在唔可能接受，對佢既行為表示反感。
▼個個都鬧佢好離譜
雖然未知道貝依霖今次係咪又為左引起話題搏上位，不過有啲說話始終要避忌，特別關乎到欺凌問題。儘管杜汶澤過往所做既事唔係好受大眾認同，但至少未有做壞事，傷害到其他人。睇黎杜汶澤要好好教育旗下藝人喇，畢竟欺凌同學係錯誤行為，對加害者黎講只係小事一單，對受害者黎講就係一世既傷痕。當年嗰位無辜既同學被屈入女童院已受到好大傷害，未計影響對方一生前途。如今再次被貝依霖當笑話咁拎出黎鞭屍，變成二度傷害，顯得佢冷血又殘忍。
完整影片：