【逃學威龍？】干查奧考車筆試出貓 俾錢考官提水 被判罰 3000 歐元
今季干查奧飽受長期傷患困擾，球迷已經有好一段時間冇喺球場上見到佢嘅身影。最近更有媒體指皇馬將會喺今夏裁走或者放售呢名葡萄牙左閘。近排干查奧真喺可謂頭頭碰著黑，上星期更加被法院追究佢喺 2012 年考車出貓一事，最後被罰 3000 歐元。
據馬卡報及阿斯報報導，干查奧 2012 年喺西班牙考駕駛執照筆試時，俾左 4000 歐元考官幫佢出貓。而出貓嘅方法亦都無咩新意，就喺叫考官偷偷地喺一二邊做手勢，話佢知每一條問題嘅答案，十足十電影《逃學威龍》咁。
干查奧喺庭上亦都承認此事，並且話如果冇出貓嘅話，佢一定唔會考到車牌。佢亦都有解釋出貓嘅原因，原來當年佢知自己準備同皇馬簽約，急需喺馬德里定居之前考到西班牙車牌。不過，由於佢之前一直冇喺西班牙生活過，除左無當地車牌之外，更加唔識西班牙文，喺考車筆試會連題目都睇唔明。所以，佢就把心一橫俾錢出貓，雖然最後都喺東窗事發，但都叫拎到個車牌丫！
最後，干查奧俾法庭判罰 3000 歐元，全數俾哂當地一間食物銀行，亦似乎唔洗重考筆試，咪當做下善事，破財擋災囉！
Source: http://en.as.com/en/2017/03/18/football/1489830922_018736.html?autoplay=1
據馬卡報及阿斯報報導，干查奧 2012 年喺西班牙考駕駛執照筆試時，俾左 4000 歐元考官幫佢出貓。而出貓嘅方法亦都無咩新意，就喺叫考官偷偷地喺一二邊做手勢，話佢知每一條問題嘅答案，十足十電影《逃學威龍》咁。
干查奧喺庭上亦都承認此事，並且話如果冇出貓嘅話，佢一定唔會考到車牌。佢亦都有解釋出貓嘅原因，原來當年佢知自己準備同皇馬簽約，急需喺馬德里定居之前考到西班牙車牌。不過，由於佢之前一直冇喺西班牙生活過，除左無當地車牌之外，更加唔識西班牙文，喺考車筆試會連題目都睇唔明。所以，佢就把心一橫俾錢出貓，雖然最後都喺東窗事發，但都叫拎到個車牌丫！
最後，干查奧俾法庭判罰 3000 歐元，全數俾哂當地一間食物銀行，亦似乎唔洗重考筆試，咪當做下善事，破財擋災囉！
Source: http://en.as.com/en/2017/03/18/football/1489830922_018736.html?autoplay=1