【曼聯Talk】大敗利物浦，少少陰謀論
開賽前史摩寧無法上陣，曼聯由原來的433由改為熱身賽第3場試用的352陣式。
上半場發揮未如理期，被利物浦壓住攻，本預期下半場無作大批輪換，畢竟熱物身賽最緊要練兵試陣，賽果我諗摩連奴唔會太介意。但係下半場變動不多，直落30分鐘繼續被利物浦禁住黎攻，有球迷話摩連奴江才郎盡，你話佢點變都係無用就話姐，無可能由得隊波咁樣頹勢踢到6/70分鐘先再變。
我反而陰謀論地覺得佢似鬥氣多啲，一係如佢記者會所講，好多主力球員未歸隊，佢覺得熱身賽意義大減，第二就係要俾球會高層睇到球隊頹勢，俾更多壓力要求買人（摩連奴同樣喺記者會埋怨仲想買多2個球員但唔知能否成事）。
暫時踢左幾場熱身賽，有留意摩連奴對傳媒訪問內容都能感受到佢對球隊現況、備戰不太滿意，不過曼聯面對嘅情況好多球隊都有，曼城、熱刺咪一樣有好多球員出戰世界盃未歸隊？
Life must go on，與其不斷做怨婦埋怨，不如花多啲時間用現有人腳積極為季初準備，買人方面交得俾活華特就無謂講太多廢話，而且近季活華特在簽人方面都算交到功課吧。
希望摩連奴唔好帶住呢種負面情緒開季，否則「摩氏第三季」魔咒真係⋯⋯
紅魔仔
上半場發揮未如理期，被利物浦壓住攻，本預期下半場無作大批輪換，畢竟熱物身賽最緊要練兵試陣，賽果我諗摩連奴唔會太介意。但係下半場變動不多，直落30分鐘繼續被利物浦禁住黎攻，有球迷話摩連奴江才郎盡，你話佢點變都係無用就話姐，無可能由得隊波咁樣頹勢踢到6/70分鐘先再變。
我反而陰謀論地覺得佢似鬥氣多啲，一係如佢記者會所講，好多主力球員未歸隊，佢覺得熱身賽意義大減，第二就係要俾球會高層睇到球隊頹勢，俾更多壓力要求買人（摩連奴同樣喺記者會埋怨仲想買多2個球員但唔知能否成事）。
暫時踢左幾場熱身賽，有留意摩連奴對傳媒訪問內容都能感受到佢對球隊現況、備戰不太滿意，不過曼聯面對嘅情況好多球隊都有，曼城、熱刺咪一樣有好多球員出戰世界盃未歸隊？
Life must go on，與其不斷做怨婦埋怨，不如花多啲時間用現有人腳積極為季初準備，買人方面交得俾活華特就無謂講太多廢話，而且近季活華特在簽人方面都算交到功課吧。
希望摩連奴唔好帶住呢種負面情緒開季，否則「摩氏第三季」魔咒真係⋯⋯
紅魔仔