【曼聯Talk】曼聯買戴巴拿/基沙文？唔好諗啦！
【曼聯Talk】曼聯買戴巴拿/基沙文？唔好諗啦！
見到唔少專頁、網站提到曼聯應該嘗試出手羅致盛傳離隊嘅戴巴拿及已公開宣布離隊嘅基沙文。
首先個人應為呢兩名球員心目中嘅首、次選都唔會係重整中嘅曼聯，踢緊祖雲達斯/馬體會，大可選擇巴塞/拜仁等球會，我諗曼聯應該唔會再犯相同錯誤，用超高薪吸引球員加盟，打亂隊中薪金架構制造隊內不和諧吧（仲要舊有問題都未解決）
個人認為曼聯唔應該盲目追求「名牌效應」購買球星，雲高爾、摩連奴都得到球會支持花巨款簽下一班球員，但到頭來呢幾年好似歷史重演一樣，現時蘇斯克查坐正，未有很多經驗/名氣，唯一優勢就是曼聯方面費Sir、名宿、球員都支持呢位曼聯出身嘅教頭。但係蘇斯克查呢個金牌喺最後2個月季尾一連多場失利下似乎有啲失色左，但呢一刻樂觀啲諗係好事，依加落谷底好過新球季開始再跌，否則到時蘇帥可能同摩連奴一樣過唔到聖誕。
暫時睇較可靠嘅消息如來自SkySports指曼聯已向幾間英超（富咸）、英冠球會（史雲斯）分別出價購買薛施隆、丹尼爾占士等小將，雖然未必能為球迷帶來好多驚喜或期待，但此方向個人仍抱樂觀態度，起碼同過去幾位領隊上任時所講一樣：「球隊需要唔少時間整頓」，小將都算係幾年計劃反映。
黎緊如果曼聯會向有英超經驗且有表現的球員如曾經傳過嘅麥奎亞（李斯特城）、沙夏（水晶宮）、費沙（般尼茅夫）等，會係更令人放心之收購，英超轉會窗已經開始了，要加快腳步，最好6月中就落實部分收購，新球員能參與熱身賽盡快融入球隊。
講講下好似愈講愈遠，進度可能20%都未有，未來兩個月，繼續密切關注。
紅魔仔
————————————————————————————————
曼聯Talk，一個專屬曼聯球迷的平台，同你一齊傾，一齊講曼聯嘅嘢！
曼聯Talk Facebook 專頁：https://www.facebook.com/redeviltalk/?ref=bookmarks
Instagram: redeviltalk
https://www.instagram.com/redeviltalk/
見到唔少專頁、網站提到曼聯應該嘗試出手羅致盛傳離隊嘅戴巴拿及已公開宣布離隊嘅基沙文。
首先個人應為呢兩名球員心目中嘅首、次選都唔會係重整中嘅曼聯，踢緊祖雲達斯/馬體會，大可選擇巴塞/拜仁等球會，我諗曼聯應該唔會再犯相同錯誤，用超高薪吸引球員加盟，打亂隊中薪金架構制造隊內不和諧吧（仲要舊有問題都未解決）
個人認為曼聯唔應該盲目追求「名牌效應」購買球星，雲高爾、摩連奴都得到球會支持花巨款簽下一班球員，但到頭來呢幾年好似歷史重演一樣，現時蘇斯克查坐正，未有很多經驗/名氣，唯一優勢就是曼聯方面費Sir、名宿、球員都支持呢位曼聯出身嘅教頭。但係蘇斯克查呢個金牌喺最後2個月季尾一連多場失利下似乎有啲失色左，但呢一刻樂觀啲諗係好事，依加落谷底好過新球季開始再跌，否則到時蘇帥可能同摩連奴一樣過唔到聖誕。
暫時睇較可靠嘅消息如來自SkySports指曼聯已向幾間英超（富咸）、英冠球會（史雲斯）分別出價購買薛施隆、丹尼爾占士等小將，雖然未必能為球迷帶來好多驚喜或期待，但此方向個人仍抱樂觀態度，起碼同過去幾位領隊上任時所講一樣：「球隊需要唔少時間整頓」，小將都算係幾年計劃反映。
黎緊如果曼聯會向有英超經驗且有表現的球員如曾經傳過嘅麥奎亞（李斯特城）、沙夏（水晶宮）、費沙（般尼茅夫）等，會係更令人放心之收購，英超轉會窗已經開始了，要加快腳步，最好6月中就落實部分收購，新球員能參與熱身賽盡快融入球隊。
講講下好似愈講愈遠，進度可能20%都未有，未來兩個月，繼續密切關注。
紅魔仔
————————————————————————————————
曼聯Talk，一個專屬曼聯球迷的平台，同你一齊傾，一齊講曼聯嘅嘢！
曼聯Talk Facebook 專頁：https://www.facebook.com/redeviltalk/?ref=bookmarks
Instagram: redeviltalk
https://www.instagram.com/redeviltalk/