【譯】高普：耐心團結便有希望
紅軍主帥談到他的未來大計，如何應對傳媒和成功的秘訣。
高普很少給予人一個放鬆、平安和時間充裕的形象。他經常激動地在場邊比手劃腳，上任七個月就已急不及待成為晏菲路的傳奇一員。這位德國人似乎一點也不刻板。
網上圖片
但人不可以貌相。
縱觀而言，高普很清楚足球中最珍貴的是……
耐心。
利物浦假如在週三擊敗西維爾，便可捧起歐霸獎盃，順路進入歐聯。紅軍主帥令利迷的心再次熾熱起來，貫徹了上任時的口號：「不要懷疑，只要相信。」
只是，高普相信熱情再現的晏菲路大台（Kop）也要冷靜下來，顧及現實。
「如果你三、五年後成功，到時候，你咪可以話頭一、兩年非常重要。」
「但如果你想第一年就做到，壓力會大好多。可能和咗一場波已經係災難。」
「球迷經歷過一段長時期嘅輝煌，然後長期無冠，都會繼續支持嘅，但慢慢會冇咗耐性。依家我地嘅情況就係咁。」
「我知道係努力，但努力需要時間，時間可以係一星期、一個月、一年、兩年。」
「如果我地保持團結堅持落去，咁利物浦就有希望喇。」
最愛利市足球狂熱
高普在週中英超賽和1-1之後，直言球迷、球員必須保持耐心，不能期望一步登天。
但他和一眾子弟兵表現勇猛，熱情奔放，愈令球迷情難自控。
高普則認為這是一把雙刃劍。
他說：「利市人活喺足球入面，仲有佢地嘅歷史，佢地嘅忠誠，我鐘意。」
「德國啲人都會講利記。咁當然我冇笠住頸巾睇五百場利記，不過我地有追新聞，感受下。」
「當我（2014年帶多蒙特）嚟踢季前熱身賽時，我有啲特別嘅感覺。」
「我冇話想佢地解僱羅渣士或者點。但我知道，如果有機會，我會認真考慮黎（教利物浦）。」
「嚟咗之後，我地發覺依度啲人好好。我地好樂意為佢地效勞。」
沒有特別改造球員
高普加盟，不只球迷獲得重生。
在他治下，數名不如意的球員也重新踏上征途，當中拉蘭拿、路夫蘭和祖阿倫為表表者。紅軍主帥妙手回春有法，受到讚賞，但他只顯得一如而往般謙遜。
接受《Men In Blazers》錄音訪問時，他講到：「最重要係呢班球員本身就好波，我唔駛改造佢地。」
「拉蘭拿，佢嚟之前我都識佢。我見過佢係修咸頓踢波，掂架。我一啲都唔在乎佢初加盟時踢成點。」
「我睇過路夫蘭嚟利記前嘅比賽，我知佢掂。奧歷治十七時代表國家隊時，所有人都知佢前途無限。」
「我識史雲斯時嘅祖阿倫。咁我黎之前都睇咗好耐波嘅。」
「我冇講話『你唔識踢，唔緊要，我教你，我會將你變成天王巨星』。唔係咁樣。呢啲球員本身波底就好。」
「我地每人都會犯錯、失敗。冇緊要架，重要嘅係點樣面對。」
做好人是唯一壓力
高普面對傳媒開門見山，有話直說，自十月來到馬郡後他的記者會吸引不少觀眾。
「我鐘意條問題，就會答得好，」他續說，「我唔鐘意條問題，就會答得唔好。就係咁簡單。」
「我唔會講啲人地想聽到嘅野，或者為搞笑而搞笑。」
「有機會享受我嘅工作嘅話，我會把握。」
「記者會係我認真一日之後，放小息嘅時間。記者會唔係返工，做咪做。」
被問到成功有何秘訣，高普早有答案。
「好簡單，我信主。」
「我唯一嘅任務就係盡我所能，照顧屋企，照顧我認為有責任照顧嘅人。」
「做好人係我唯一嘅壓力。」
＊＊＊＊＊
譯：元朗謝四
原文：Liverpool Echo
http://www.liverpoolecho.co.uk/sport/football/football-news/liverpool-boss-jurgen-klopp-were-11333197
高普很少給予人一個放鬆、平安和時間充裕的形象。他經常激動地在場邊比手劃腳，上任七個月就已急不及待成為晏菲路的傳奇一員。這位德國人似乎一點也不刻板。
網上圖片
但人不可以貌相。
縱觀而言，高普很清楚足球中最珍貴的是……
耐心。
利物浦假如在週三擊敗西維爾，便可捧起歐霸獎盃，順路進入歐聯。紅軍主帥令利迷的心再次熾熱起來，貫徹了上任時的口號：「不要懷疑，只要相信。」
只是，高普相信熱情再現的晏菲路大台（Kop）也要冷靜下來，顧及現實。
「如果你三、五年後成功，到時候，你咪可以話頭一、兩年非常重要。」
「但如果你想第一年就做到，壓力會大好多。可能和咗一場波已經係災難。」
「球迷經歷過一段長時期嘅輝煌，然後長期無冠，都會繼續支持嘅，但慢慢會冇咗耐性。依家我地嘅情況就係咁。」
「我知道係努力，但努力需要時間，時間可以係一星期、一個月、一年、兩年。」
「如果我地保持團結堅持落去，咁利物浦就有希望喇。」
最愛利市足球狂熱
高普在週中英超賽和1-1之後，直言球迷、球員必須保持耐心，不能期望一步登天。
但他和一眾子弟兵表現勇猛，熱情奔放，愈令球迷情難自控。
高普則認為這是一把雙刃劍。
他說：「利市人活喺足球入面，仲有佢地嘅歷史，佢地嘅忠誠，我鐘意。」
「德國啲人都會講利記。咁當然我冇笠住頸巾睇五百場利記，不過我地有追新聞，感受下。」
「當我（2014年帶多蒙特）嚟踢季前熱身賽時，我有啲特別嘅感覺。」
「我冇話想佢地解僱羅渣士或者點。但我知道，如果有機會，我會認真考慮黎（教利物浦）。」
「嚟咗之後，我地發覺依度啲人好好。我地好樂意為佢地效勞。」
沒有特別改造球員
高普加盟，不只球迷獲得重生。
在他治下，數名不如意的球員也重新踏上征途，當中拉蘭拿、路夫蘭和祖阿倫為表表者。紅軍主帥妙手回春有法，受到讚賞，但他只顯得一如而往般謙遜。
接受《Men In Blazers》錄音訪問時，他講到：「最重要係呢班球員本身就好波，我唔駛改造佢地。」
「拉蘭拿，佢嚟之前我都識佢。我見過佢係修咸頓踢波，掂架。我一啲都唔在乎佢初加盟時踢成點。」
「我睇過路夫蘭嚟利記前嘅比賽，我知佢掂。奧歷治十七時代表國家隊時，所有人都知佢前途無限。」
「我識史雲斯時嘅祖阿倫。咁我黎之前都睇咗好耐波嘅。」
「我冇講話『你唔識踢，唔緊要，我教你，我會將你變成天王巨星』。唔係咁樣。呢啲球員本身波底就好。」
「我地每人都會犯錯、失敗。冇緊要架，重要嘅係點樣面對。」
做好人是唯一壓力
高普面對傳媒開門見山，有話直說，自十月來到馬郡後他的記者會吸引不少觀眾。
「我鐘意條問題，就會答得好，」他續說，「我唔鐘意條問題，就會答得唔好。就係咁簡單。」
「我唔會講啲人地想聽到嘅野，或者為搞笑而搞笑。」
「有機會享受我嘅工作嘅話，我會把握。」
「記者會係我認真一日之後，放小息嘅時間。記者會唔係返工，做咪做。」
被問到成功有何秘訣，高普早有答案。
「好簡單，我信主。」
「我唯一嘅任務就係盡我所能，照顧屋企，照顧我認為有責任照顧嘅人。」
「做好人係我唯一嘅壓力。」
＊＊＊＊＊
譯：元朗謝四
原文：Liverpool Echo
http://www.liverpoolecho.co.uk/sport/football/football-news/liverpool-boss-jurgen-klopp-were-11333197