致敬洛克人遊戲《20XX》將推出PS4、Xbox One、Switch版本

仲記唔記得以前細個成日玩既洛克人遊戲系列？而舊年8月係PC平台推出既遊戲《20XX》就正正繼承左呢款經典遊戲既精神，開發商仲準備係今年七月推出PS4、Xbox One同Switch版本，令更加多平台既玩家可以重新享受係洛克人遊戲系列所感受到既挑戰同刺激感！
玩過洛克人遊戲，尤其當年既X同Zero系列既玩家相信玩起呢隻Game都會非常熟手。以前卡關既時侯可以不斷重新玩過，慢慢記住敵人既攻擊模式同出現位置，對於達到高任務完成度非常重要。但黎到《20XX》，呢個技巧就用唔著喇，因為呢隻遊戲每個關卡都係隨機產生，除左考驗大家既應變能力同反應，仲會對玩家造成更加大既心理壓力！
呢款遊戲除左單人仲支持雙打模式，玩家可以分別控制擅長遠距離攻擊既Nina或者擅長機動近戰既Ace，一個人過唔到既關就兩個人一齊過。而黎緊推出既新版本將會加入新角色Hawk，有更多選擇之餘遊戲仲會有更多變數。《20XX》將會於7月10日推出PS4、Switch版本，7月11日推出Xbox One版本。