[K11出品] 曼聯K角度－一場不一樣的勝仗

顯示分享連結

經過周中一場變陣下既歐聯勝仗, 今仗同樣於主場面對西布朗, 雲高爾以同樣既陣容, 名正言順下的4-4-2主攻, 但上文提過, 莫斯科中央陸軍與英超球隊本身既節奏不同, 結果出黎既效果都不同, 雖然呢場波看似以較輕鬆既2:0勝出, 但從呢場波睇到曼聯變陣後既2個問題, 不如由我K11帶大家一齊黎睇下呢場不一樣的勝仗。


龍門正選繼續為迪基亞, 先祝曼聯NO#1於賽事日(2015年11月7日)生日快樂, 25歲既生日, 遇上一場對於佢黎講沉悶既賽事, 但作為打工仔, 又幾爽既, 基本上全場用腳多過用手, 西布朗半場零射門, 主要接應回傳球, 仍然係應付自如, 要到賽事83分鐘才正式第一次用手接波。後防方面, 今場繼續以右閘楊格, 中路史摩寧及白蘭特, 左閘盧祖, 我地黎逐個捉, 右閘楊格今日既表現非常差, 同上仗既翼閘表現簡直天與地, 多次傳球失誤及自己帶波錯腳下, 62分鐘被雲帥換下, 但作為替工既佢, 原諒他吧, 但點解佢今場表現如此差勁? 看看左路既盧祖, 同樣表現一般, 由於今場對手既西布朗未有如陸軍般被拉散, 結果2閘助攻落底或邊線出波既次數大減, 加上球隊立體感既問題, 楊格踢來不自在, 替工既佢, 無適當既空間去習慣, 結果帶黎反效果, 相反盧祖本身為閘位球員, 未能助攻而要專注防守也不成問題, 所以2閘表現既差距如此, 其後換入楊格既鐘斯其實同樣未能助攻, 但不擅助攻既佢, 同盧祖一樣, 專注防守也屬自然, 加上剛剛傷癒, 慢慢重拾比賽節奏吧, 而入替盧祖既係一名19歲小伙子 – 積遜, U19既佢被人感覺有點怯, 但踢來既情況下, 冷靜既外表, 似乎仍然需要時間去觀察此子既表現, 但雲哥爾於球隊只領先1:0既情況下換入此新人, 其換人舉動我只能說聲”勇”, 幸好今次既”勇”未有帶黎驚嚇, 不過此新鮮感也屬不錯, 最少可以俾各曼聯青訓球員知道, 只要努力爭取表現, 上一隊及出場既機會絕對不是夢! 中堅方面, 白蘭特表現正常, 但主要由於西布朗攻力唔強, 不過應付自如便可以了, 而另一中堅, 剛剛成為曼聯球會10月份最佳球員既史摩寧, 今仗表現繼續有大將之風, 從身型, 外表, 踢法方面, 慢慢看到大哥大里奧既影子, 多次成功搶球, 令對手前鋒朗當成為球迷, 亦都慢慢能掌握何時解圍, 何時食位, 何時回傳俾迪基亞既精髓。



中場方面, 由於舒拉達連剛剛病癒, 費蘭尼卻於操練時受傷, 今仗雲帥繼續用小豬及卡域克雙雙正選上陣, 其實我幾擔心此2名中場球員既體力問題, 尤其係小豬既踢法滿場飛, 但連續3場正選上陣, 體力既要求不是一般球員可以應付到, 幸好既係, 今場波西布朗真係專心防守, 直到下半場失球後先慢慢壓上, 如此一來, 防中既工作變得無咁吃力, 而睇番卡域克呢場波既表現, 傳球成功率維持於88%既範圍, 水準仍能維持, 而另一防守中場既小豬, 不得不讚此子既能耐, 今場比賽全場飛, 基本上中前場位置, 需要佢出現防守, 補位, 搶截既地方都出現, 可惜進攻唔係佢既強項, 浪費左卡域克穿越對手後防既傳球, 但全場飛既佢, 我突然間想起”我們的足球場”內高杉和也既防中影子, 幸好今場賽事過後便是國際賽期, 希望此2名老將, 加上剛病癒既舒拉達連及剛受傷既費蘭尼可以有足夠時間回復, 前一格既進攻中場, 首先跟各位讀者說聲抱歉, 上場對陸軍既賽後分析, 未有詳細交代曼聯變陣後更接近4-4-2既踢法及各球員準確位置, 今後會多加留意, 今場賽事, 位置上, 馬達繼續任右中場, 連加特繼續任左中場, 但其實曼聯既中前場球員多以互動轉換位置, 馬達經常走進中路拎波, 連加特除壓於左路外, 也不時入攝, 由於曼聯既變陣及對朗尼既強度支持, 令靴里拉位置變得無定, 但其實靴里拉同樣可以做到馬達做到既野, 其入攝既時間可能更加精準, 今場其實可以讓靴里拉既上陣時間多一些, 而先讓馬達休息也可以, 其實馬達今場賽事, 雖然射入一球CUSHION波既12碼, 但其表現只屬一般, 不過傳球成功率高既佢, 可能令雲高爾不敢冒險棄用, 而連加特, 繼上場成為最佳球員後, 今場再次發光發熱, 繼續帶俾曼聯現在缺少既衝擊及新鮮感, 有空間便向前帶球既佢, 有空位會爭取射門既佢, 有機會會爭取既佢, 結果於52分鐘, 馬素爾於左邊近底線傳中, 對手頂出不遠, 連加特取得第二點下既皮球, 於左路K角位一個射門, 將對手門將米希爾收服, 為曼聯打開缺口, 為射門正正為曼聯現時中前場缺少既遠射, 只要多射門 ( 緊記唔係浪射 ), 對手後防球員始終要將防線壓前, 前場既球員先會有空間, 但如果只一味想搓入去, 防守球員其實只要集中精神防守, 要攻入不易, 觀乎眾多中場, 包括馬達, 小豬, 卡域克, 面對對手後防縮後既密集防守, 2翼拉邊未能成功, 便要嘗試遠射, 咁先有機會令對手後防變出空間來。



前鋒方面, 今場用了朗尼及馬素爾, 朗尼不時墜後, 以馬素爾主力於前場停波, 先講朗尼, 其實今場表現繼續平平, 有平穩既演出, 但想找出亮點, 可以就係開波12分鐘既一記全壘打射門高出, 結果更於82分鐘被換出, 由靴累拉入替, 似乎雲高爾都想嘗試一下, 沒有朗尼既一線陣容下, 效果如何, 換入既靴里拉, 比朗尼更加墜後, 但當時已經領先1:0既情況, 控球更為重要, 不過真係希望雲帥可以多讓靴里拉上陣, 感覺此子可以帶俾曼聯更多未知數既正面效果, 而馬素爾, 疲態開始既佢於今仗有反彈既演出, 但細心觀察, 其實馬素爾控波已經比剛過去既一個月有少許甩腳既情況, 當然佢速度高, 反應快, 情況不算十分明顯, 而共中一腳於禁區邊控定, 一CUP即射, 功架十足, 可惜射得太正, 而呢一腳射門, 由控定, 決定CUP過對手後防球員, 再射既一連串動作, 正正回應我首篇文章所講前鋒既”火”, 一名前鋒要有慾望取得入球, 由控定皮球開始, 似乎腦袋已經想好一連串既動作直到射門, 完成此組動作其實應為一名前鋒基本既任務, 而馬素爾最後帶球入禁區搏得對手後防犯規, 令對手得一面紅牌及吹罰12碼, 奠定曼聯今仗全取3分打下重要基石, 國際賽期相信法國國家隊會繼續讓馬素爾上陣, 不過友賽當前, 希望領隊迪甘斯可以俾此子一點抖氣既時間!

講到呢度, 都仲未講出我K11睇到今場曼聯既2個問題, 其實一切都由連加特入波前講起, 曼聯雖然變陣改踢4-4-2, 但見到既係, 進攻節奏單調及立體感不足, 節奏控制係一隊主攻球隊撕破防守球隊重要既元素, 強如巴塞當年運用小白與沙維既控球式進攻便是最佳既節奏控制球隊, 要快時快, 要慢時慢, 令防守球隊跟住自己既節奏, 再用美斯突然既加速突破令對手後防突然未能適應, 再配合立體感將對手防線撕破, 而現時既曼聯就今場波而論, 節奏單調, 令對手後防容易適應, 若果讀者再重睇一次呢場波, 會睇到失波前一心防守既西布朗面對曼聯既進攻, 唔會太過吃力, 基本上只要塞住大巴於禁區邊, 跟隨最聯球員既單一節奏防守便可, 而曼聯進攻既節奏單調, 並未有加入時快時慢既節奏, 嘗試壓迫進攻, 攻唔入, 搓番後, 引領對手後防球員出黎, 增加對手後防空間, 之後2閘於適當時助攻, 拉散對手, 變成立體感, 再用ONE-TWO攝入, 或者穿越球直接劏穿, 當然, 講就易, 而節奏感可能要有一名頂級控球中場負責, 卡域克雖有傳交穿越球既級數, 但節奏控制方面, 似乎未及沙維/派路等球員, 但立體感方面, 大家可以留意, 當曼聯進攻時, 除正箭頭既馬素爾已於禁區內, 其實朗尼應該更多互動走位, 增強立體感, 適當時由禁區外衝入禁區搶點, 或於禁區邊嘗試遠射, 而馬達, 卡域克及小豬, 當曼聯圍攻時, 好多時處於並排既三閘線位, 防守球員其實容易防守, 俗D講句” 盲既都知你想就咁斬入黎啦”, 應該多加嘗試進行互動ONE-TWO, 卡域克可能退後少少, 形為層次, 更加適合, 馬達及連加特應該跟朗尼/馬素爾等多做ONE-TWO ,2閘再找尋機會助攻, 其實說穿了, 靴里拉係一個不錯既人選去串連呢類工作, 此時會否想起名宿們既說話, “現時曼聯球員如機械人一般踢球” 嗎? 上場既勝仗, 我地可以安於勝利既歡笑中, 今場既勝仗, 我地便要檢討問題, 提高下一場勝仗出現既機率!


比賽日我地會po 直播 link 比大家睇波， 記得留意我地既page!
https://www.facebook.com/RoyceMU
仲會有賽後評分，精華，個人精華等，仲唔快d like?

如果喜歡我們的文章，請即分享到︰

標籤: 曼聯  馬達  史摩寧  連加特  馬素爾  朗尼  迪基亞  白蘭特