[K11出品] 國際賽期特刊 – 尋找快翼的雲哥爾 – 是你嗎?

顯示分享連結

國際賽期來臨, 我K11無得睇曼聯比賽, 總係心掛掛咁, 而琴日睇到篇報導, 雲哥爾話: “我剛到來時已經多次說過, 我要求的翼鋒球員要速度高及創造力強。你可以看到我們現在派上場的連加特及馬達都不是世界上最快速的翼鋒球員, 所以我們仍然在尋求這名翼鋒來實行我的戰術”, 而最近, 我們最新的11號球員J11 – 贊奴沙今季外借到德甲既多蒙特, 身穿9號既佢似乎並未能融入球隊戰術之中, 9次既出場機會並未帶黎任何貢獻, 現正傳出曼聯會於1月回收此名翼鋒球員, 呢2個消息令我聯想到贊奴沙是否雲哥爾正在尋找的快翼嗎?

贊奴沙, 於比利時布魯塞爾的1995年2月5日出生, 現已20歲, 擁有阿爾巴利亞血統既佢已經貴為比利時大國腳, 司職左翼, 同時右翼也能勝任, 與曼聯既合約將於2018年完結, 正外借到德甲球會多蒙特到季尾。


贊奴沙是一名技術出眾, 速度高既翼鋒球員, 於年幼時加入比利時球會布魯塞爾, 及後於2005年, 10歲既佢轉投另一比利時球會安德烈治, 6年之後既2011年, 16歲既佢轉投英超其中一家頂級球會 – 曼聯, 轉會費據報只需要297,000鎊, 2012/13年球季, 時任曼聯領隊費爵爺將其帶到一線隊, 身穿44號球衣及於2013年5月19日, 費爵爺退休前既最後一場英超賽事, 作客西布朗安排贊奴沙為後備, 最終並未有上場, 同年7月, 贊奴沙於熱身賽中表現出色, 開始引起全球既眼球, 2013年8月11日, 贊奴沙終以後備身份於84分鐘代表曼聯正式出賽第一場賽事, 是場為英超社區盾, 全靠雲佩斯既2個入球輕取韋根, 2013年10月5日, 作客面對新特蘭, 全憑贊奴沙梅開二度, 以2比1反勝對手, 成為繼名宿雲佬後, 第二位能於英超首次正選上陣便取得2個入球既曼聯球員, 賽後更獲選為MOM ( MAN OF THE MATCH ), 同年10月, 贊奴沙將其後5年既時間交予曼聯, 簽署新合約到2018年, 好喇, 簡介就講完, 相信大家睇到呢度, 都應該覺得贊奴沙將於曼聯發光發亮, 但點解其後會不受重用, 更於今年9月正式被外借到德甲球會多蒙特呢? 先黎睇睇贊奴沙於曼聯2014球季既演出精華

https://www.youtube.com/watch?v=VBq9PHIwq3I
此子其實腳法細膩, 速度高, 但外表柔弱, 令人容易輕視, 這些因素令初出道時期既佢, 容易騙過對手, 作出突破, 跟初出道既C朗, 有著接近既影子, 只係C朗於曼聯初出道時既高調扭波, 令人更加注視, 不過外表柔弱, 說穿了, 身體抗衡質素不夠, 面對此類球員, 多數防守球員可能被扭過一次, 二次, 到第三次, 會睇住你隻腳黎踢, 此類高速突破型球員如能成名, 形成2極化, 一係你要快到對手踢唔到, 扭波扭到防守球員未埋身已擺脫對手, 例如全盛時既傑斯 ( 我只以曼聯或前曼聯球員為例子 ), 一係你就要訓練自身體格, 令身體抗衡既力量大大增加, 例如C朗, 眾所周知, C朗初出道時, 身型瘦弱, 但經過日以繼夜, 再夜以繼日既操練, 令於曼聯時代既C朗, 其威脅大大提高, 而贊奴沙, 面對英超既防守球員, 明顯慢慢被捉到門路, 防守球員只要盡量埋身防守, 由於身體抗衡會明顯勝過贊奴沙, 令其威脅大大降低, 加上各大傳媒過高既評估, 令其壓力慢慢增加, 加上前領隊莫耶斯似乎未能好好發揮其潛能, 其後既賽事, 贊奴沙慢慢失去信心, 於場上所做既選擇不好, 慢慢沉下去…………….


幸好, 雲哥爾上場後, 雖然贊奴沙仍然未得到重用, 但相比其他翼鋒球員, 被出繼出售, 例如沙夏, 蘭尼, 只係被外借到德甲球會多蒙特, 証明球會仍未放棄對佢既期望, 雖然有人會話, 被外借等於放逐, 但其踢法, 於德甲注重進攻, 速度既聯賽, 可能令其潛能得以發展, 相比於英超要求身體對抗性強既聯賽, 似乎更適合, 於是, 本賽季剛開始, 轉會窗關閉前, 於8月31日, 正式外借到多蒙特穿上9號球員直至季尾, 大家一齊睇下贊奴沙於多蒙特暫時既片段:

https://www.youtube.com/watch?v=ohrf4aIIZgA


好景不常, 贊奴沙似乎未能完全融入球隊, 9次既出場機會都並未為多蒙特帶黎任何貢獻, 此時多蒙特氣勢如虹, 其中前場球員合作無間, 攻力十足, 令贊奴沙要爭取出場既機會更加減少, 因此, 並未能達到雲哥爾起初外借贊奴沙到此家德甲球會既目的, 而此時既曼聯, 進攻乏味, 正正需要一隻高速, 突破力及創造力強既翼鋒為曼聯重現光明, 雲哥爾最近既一番言論更加令人滿有暇想……………….到底贊奴沙會否提早回歸曼聯? 二次登場是否脫胎換骨? 佢與連加特及迪比既良性競爭是否出現? 雲哥爾, 呢個星期, 抽D時間好好想清楚…………………..

除左贊奴沙可以回收, 其實曼聯仍有翼鋒人選可於冬季考慮, 如巴爾等全球注視既球星我K11唔數喇, 以下係一些我認為雲帥可以考慮既翼鋒球員:
1. 李斯特城 – 馬列斯 ( 24歲 )– 此子今季表現出色, 已經開始受大球會注目, 曼聯要出手就要快, 本身於英超球會李斯特城擔任常規正選, 腳法好, 有射門慾, 但暫時其本人聲稱未有轉會意圖, o岩洗指數: *****


https://www.youtube.com/watch?v=RyCr8hcb-kQ
2. 車路士 – 柏度 ( 28歲 )– 相信大家對佢唔陌生, 只差一步便成為紅魔既佢最終選擇車路士, 但今季車路士到目前為止成績差勁, 柏度除首場登場外便毫無建樹, 客觀及冷靜既曼聯球迷, 如果曼聯呢個時候出手, 相信價錢比當初既低, 而柏度為求爭取表現入選下年既歐國盃都可能會離隊他投, 佢既處子登場已經証明佢能於英超立足,
o岩洗指數: *****


https://www.youtube.com/watch?v=pT2yeV4VCkw
3. 西布朗 – 麥馬拿文 ( 24歲 ) – 大家對此子認識嗎? 有否看過2012/13球季於足總盃決賽替韋根上陣擊敗曼城既佢, 其腳法不俗, 突破力強, 善於變速, 係優良翼鋒既材料, 於西布朗未能取得正選一位 ( 其實我不明白 ), 似乎可以考慮平價購入一試, o岩洗指數: ****


https://www.youtube.com/watch?v=voVYRioxQpM
比賽日我地會po 直播 link 比大家睇波， 記得留意我地既page!
https://www.facebook.com/RoyceMU
仲會有賽後評分，精華，個人精華等，仲唔快d like?

如果喜歡我們的文章，請即分享到︰

標籤: 贊奴沙  C朗  雲高爾  曼聯  馬列斯  柏度  麥馬拿文