[多奇出品] - 心若冰清天塌不驚的男人 -雲達沙
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
講起曼聯歷代最出色嘅門將，雲達沙當然會係其中之一。佢為曼聯效力短短六年，就攞過4次英超冠軍、1次歐冠杯冠軍、2次聯賽盃冠軍同1次世冠杯冠軍。依家睇落雲達沙嗰時喺曼聯好似順風順水，後防有維迪、里奧同鐵人艾夫拿，中場有卡域克、史高斯，前鋒線又有C朗、朗尼等射手，有咁好嘅拍擋，當然一定要攞番咁上吓成績啦，但其實雲達沙初初嚟到曼聯於2005-2006年第一季並唔係想像中易過。我哋不如睇吓當季嘅點滴吖：
曼聯喺2003-2005兩季英超聯賽分別俾阿仙奴同車路士攞咗冠軍，喺2005-2006年賽季，費sir邀請雲達沙同朴智星加盟，再加上現有前鋒線（有雲尼斯達萊、朗尼、C朗、沙夏同阿倫史密夫），希望可以爭到冠軍。雲達沙喺頭三場聯賽都可以保持不失球，而作客對紐卡素中雲達沙更有球喺後場直接開生球助攻俾朗尼射入，可想而知佢除咗守龍門撲救了得之外，腳法都有番咁上下。可惜之後就連接失分，作客對米杜士堡甚至失四球輸4:0，而球隊所失第一球雲達沙需要負啲責任，嗰球文迪達禁區外遠射但勁度唔係太強，可借佢最後撲入龍門。到十月尾，曼聯喺聯賽榜排第七，之後，曼聯喺歐聯分組賽意外地出局，當時最尾嗰場作客只要贏到賓菲加就可以出線，可惜球隊喺領先一球之下連失兩球，最後輸2:1，當時費sir、隊友同球迷都無法相信。睇番嗰陣嘅中堅人腳都幾恐怖，除咗里奧係重心外，其餘嘅得施維施達、布朗同奧沙，所以後防真係好唔穩陣。
不過，惡運好似無離開曼聯，季中堅尼因為批評隊友而同領隊鬧不和，最後不歡而散，一位球隊重心球員同精神領袖嘅離開，對球員嘅衝擊係好大。但低處未算低，最慘係阿倫史密夫喺足總盃作客對利物浦時意外斷腳嗰下，雲達沙見到依個情況即刻揮手叫醫護人員過嚟搶救，當筆者睇番球季總結時真係感到非常悲傷。當時隊友可以為阿倫史密夫做嘅就係打好每場比賽，最後曼聯喺聯賽杯決賽以4:0擊敗韋根，攞番個杯，而聯賽曾經落後車路士十五分之下，最終得第二名，得以保住歐聯席位。
依家諗番喺雲達沙效力之前嘅幾位門將，巴夫斯、卡路爾、侯活都支持唔到好耐，但佢哋都係出色嘅門將。而雲達沙喺加盟曼聯第一季亦都受到唔少衝擊，所以能夠爬番起身真係唔簡單。一位龍門除咗反應要快、判斷時間準確、有爭勝嘅決心外，同時間，佢有一啲性格特質唔係一般門將會同時擁有：
一、佢對自己要求極高但同時又會包容隊友嘅錯，大家都知雲達沙除咗把關技術了得，佢嘅腳下功夫亦都純熟，而且佢預測到對手射門喺柱邊時，佢會度準個位縮手，務求唔浪費任何一個死球俾對方。而佢當然對隊友有一定要求，但當隊友犯錯佢又會好少鬧人或者好快會平伏心情。
二、佢有熱切嘅爭勝心同鬥心但同時又會用恰到好處嘅語氣去同隊友溝通同提場。維迪曾經喺一篇訪問回應，大致意思係球迷講到後防時球迷主要會提及自己同里奧，但係後防能唔能夠穩健，雲達沙嘅溝通同提場都起到關鍵嘅作用。所以點樣有爭勝心之餘，保持自己穩定情緒去同隊友溝通亦都係一門學問。三、佢希望擁有更高嘅成就但同時又暫時放低夢想耐心地等待機會。大家都知道雲達沙加盟曼聯之前，效力富咸四個球季，筆者相信當時佢唔會諗住可以帶領富咸捧杯，而佢可以由富咸啱啱升班帶領到佢哋保持英超席位，依個喺筆者眼中亦都係一個難得嘅成就。喺球員短短十幾年嘅生涯，將其中寶貴嘅四年放喺一支奪冠機會極微嘅球隊，好明顯佢放咗幾多感情落去。雲達沙追求成就之餘，更重情義嘅性格亦都表露無遺，而依四年嘅經驗佢亦都無白費，依個係令雲達沙踏上再高峰嘅一個基石。
到2006-2011年間佢效力曼聯嘅時間，除咗協助球隊重奪英超冠軍，而且達成三連冠依個難得嘅佳績，仲有就喺2007-2008年球季協助球隊奪得英超同歐聯雙料冠軍。到佢退休嗰年2010-2011球季仍然能夠幫球隊奪冠，再加上佢形象正面，成為好多門將心入面嘅奮鬥目標，德國門將紐亞亦係其中之一。最後筆者希望借住雲達沙依個故事鼓勵正在面對緊低谷嘅讀者，希望讀者可以沉着對應當前嘅困境。
如果大家仍然未申請或想申請NowTV黎睇波，呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
講起曼聯歷代最出色嘅門將，雲達沙當然會係其中之一。佢為曼聯效力短短六年，就攞過4次英超冠軍、1次歐冠杯冠軍、2次聯賽盃冠軍同1次世冠杯冠軍。依家睇落雲達沙嗰時喺曼聯好似順風順水，後防有維迪、里奧同鐵人艾夫拿，中場有卡域克、史高斯，前鋒線又有C朗、朗尼等射手，有咁好嘅拍擋，當然一定要攞番咁上吓成績啦，但其實雲達沙初初嚟到曼聯於2005-2006年第一季並唔係想像中易過。我哋不如睇吓當季嘅點滴吖：
曼聯喺2003-2005兩季英超聯賽分別俾阿仙奴同車路士攞咗冠軍，喺2005-2006年賽季，費sir邀請雲達沙同朴智星加盟，再加上現有前鋒線（有雲尼斯達萊、朗尼、C朗、沙夏同阿倫史密夫），希望可以爭到冠軍。雲達沙喺頭三場聯賽都可以保持不失球，而作客對紐卡素中雲達沙更有球喺後場直接開生球助攻俾朗尼射入，可想而知佢除咗守龍門撲救了得之外，腳法都有番咁上下。可惜之後就連接失分，作客對米杜士堡甚至失四球輸4:0，而球隊所失第一球雲達沙需要負啲責任，嗰球文迪達禁區外遠射但勁度唔係太強，可借佢最後撲入龍門。到十月尾，曼聯喺聯賽榜排第七，之後，曼聯喺歐聯分組賽意外地出局，當時最尾嗰場作客只要贏到賓菲加就可以出線，可惜球隊喺領先一球之下連失兩球，最後輸2:1，當時費sir、隊友同球迷都無法相信。睇番嗰陣嘅中堅人腳都幾恐怖，除咗里奧係重心外，其餘嘅得施維施達、布朗同奧沙，所以後防真係好唔穩陣。
不過，惡運好似無離開曼聯，季中堅尼因為批評隊友而同領隊鬧不和，最後不歡而散，一位球隊重心球員同精神領袖嘅離開，對球員嘅衝擊係好大。但低處未算低，最慘係阿倫史密夫喺足總盃作客對利物浦時意外斷腳嗰下，雲達沙見到依個情況即刻揮手叫醫護人員過嚟搶救，當筆者睇番球季總結時真係感到非常悲傷。當時隊友可以為阿倫史密夫做嘅就係打好每場比賽，最後曼聯喺聯賽杯決賽以4:0擊敗韋根，攞番個杯，而聯賽曾經落後車路士十五分之下，最終得第二名，得以保住歐聯席位。
依家諗番喺雲達沙效力之前嘅幾位門將，巴夫斯、卡路爾、侯活都支持唔到好耐，但佢哋都係出色嘅門將。而雲達沙喺加盟曼聯第一季亦都受到唔少衝擊，所以能夠爬番起身真係唔簡單。一位龍門除咗反應要快、判斷時間準確、有爭勝嘅決心外，同時間，佢有一啲性格特質唔係一般門將會同時擁有：
一、佢對自己要求極高但同時又會包容隊友嘅錯，大家都知雲達沙除咗把關技術了得，佢嘅腳下功夫亦都純熟，而且佢預測到對手射門喺柱邊時，佢會度準個位縮手，務求唔浪費任何一個死球俾對方。而佢當然對隊友有一定要求，但當隊友犯錯佢又會好少鬧人或者好快會平伏心情。
二、佢有熱切嘅爭勝心同鬥心但同時又會用恰到好處嘅語氣去同隊友溝通同提場。維迪曾經喺一篇訪問回應，大致意思係球迷講到後防時球迷主要會提及自己同里奧，但係後防能唔能夠穩健，雲達沙嘅溝通同提場都起到關鍵嘅作用。所以點樣有爭勝心之餘，保持自己穩定情緒去同隊友溝通亦都係一門學問。三、佢希望擁有更高嘅成就但同時又暫時放低夢想耐心地等待機會。大家都知道雲達沙加盟曼聯之前，效力富咸四個球季，筆者相信當時佢唔會諗住可以帶領富咸捧杯，而佢可以由富咸啱啱升班帶領到佢哋保持英超席位，依個喺筆者眼中亦都係一個難得嘅成就。喺球員短短十幾年嘅生涯，將其中寶貴嘅四年放喺一支奪冠機會極微嘅球隊，好明顯佢放咗幾多感情落去。雲達沙追求成就之餘，更重情義嘅性格亦都表露無遺，而依四年嘅經驗佢亦都無白費，依個係令雲達沙踏上再高峰嘅一個基石。
到2006-2011年間佢效力曼聯嘅時間，除咗協助球隊重奪英超冠軍，而且達成三連冠依個難得嘅佳績，仲有就喺2007-2008年球季協助球隊奪得英超同歐聯雙料冠軍。到佢退休嗰年2010-2011球季仍然能夠幫球隊奪冠，再加上佢形象正面，成為好多門將心入面嘅奮鬥目標，德國門將紐亞亦係其中之一。最後筆者希望借住雲達沙依個故事鼓勵正在面對緊低谷嘅讀者，希望讀者可以沉着對應當前嘅困境。
如果大家仍然未申請或想申請NowTV黎睇波，呢條連結有月費低至HK$268.00再有野送嘅計畫益大家:
➡➡bit.ly/RSNowTVSpecialOffer
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/