[多奇出品] - 曼聯作客對諾定咸森林賽後檢討
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
曼聯星期日晚作客整體實力較弱嘅諾定咸森林以2:0擊敗對手，由於依輪比賽紐卡素輸波，所以曼聯能夠進佔第三位。我哋睇吓球隊又踢成點：
一、安東尼開始改變踢法，令右路進攻變得有威脅。安東尼最擅長就係由右邊推向中路然後左腳熨射，但依招已經俾對手睇通晒，令到安東尼進攻威脅大減。今場比賽安東尼嘗試推落右路底線傳中，亦都有喺右邊用左腳出波，而佢助攻俾達洛治嗰球更加係帶波推入中路引開守衛，然後一個靚傳俾後者單刀射入，自己亦都憑一個門前執死雞先開紀錄。雖然佢有時都會夾硬用左腳射門，但好明顯佢係作多咗新嘗試。二、艾歷臣回歸解放般奴嘅助攻能力。之前由於艾歷臣受傷，所以要搵般奴踢防中幫手做分波嘅工作，但咁樣令到前線嘅攻力大幅削弱。不過，今場有番艾歷臣做控波同分波，般奴可以打返攻中嘅位置，令曼聯嘅攻勢更有威脅。例如：般奴直線傳俾馬斯亞單刀射門，間接造成開記錄嘅一球。另外，般奴仲有兩腳射門同一個頭搥，如果唔係對方門將有神勇表現，曼聯唔止贏2球。
三、馬斯亞同卡斯米路嘅回歸增強球隊嘅攻守能力。雖然福仔傷咗，但好彩馬斯亞傷癒復出，令到前鋒線有多個選擇，領隊可以因應唔同情況而作出適合嘅調動。例如：韋賀斯擅於前場逼搶同防守高波，但入球率低；而馬斯亞就把握力同速度高，但就較少走動，坦哈格可以利用佢哋優勢來排陣。另外，卡斯米路嘅回歸穩固番中場防守能力，同時佢亦都擁有唔錯嘅控傳技術同埋助攻，球隊有佢上陣，令成隊波嘅能力提升一個層次。
四、麥佳亞同連迪洛夫臨危受命力保不失。連迪洛夫同麥佳亞雖然今季極少機會打正選，但由於過往幾個球季夾慣夾熟，所以默契同合作性問題唔大。今場連迪洛夫表現出色，做咗好多攔截同包抄嘅工作，再加上佢傳波穩健，所以對方有威脅埋門唔多，而麥佳亞制空能力強，有好多高空波都可以解圍，所以如果對住中下游球隊，麥佳亞同連迪洛夫依對拍擋都可以發揮作用。不過，麥佳亞最大弱點係速度慢，而連迪洛夫就身型唔夠強，依個係一個隱憂。
雖然曼聯贏咗森林並於聯賽榜升上第三位，但球隊亦都面對好大挑戰。球隊傷兵太多，主力球員福仔、麥湯文尼、利辛度馬天尼斯、華拉尼、薩碧沙同加拿祖，要面對不斷一週雙賽嘅賽程只係用原班人馬就辛苦啲。另外，球隊仲有足總盃、歐霸爭，所以球員同領隊都面對唔少壓力，究竟點排陣就要睇坦哈格嘅功力。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/
https://www.facebook.com/RoyceMU/
曼聯星期日晚作客整體實力較弱嘅諾定咸森林以2:0擊敗對手，由於依輪比賽紐卡素輸波，所以曼聯能夠進佔第三位。我哋睇吓球隊又踢成點：
一、安東尼開始改變踢法，令右路進攻變得有威脅。安東尼最擅長就係由右邊推向中路然後左腳熨射，但依招已經俾對手睇通晒，令到安東尼進攻威脅大減。今場比賽安東尼嘗試推落右路底線傳中，亦都有喺右邊用左腳出波，而佢助攻俾達洛治嗰球更加係帶波推入中路引開守衛，然後一個靚傳俾後者單刀射入，自己亦都憑一個門前執死雞先開紀錄。雖然佢有時都會夾硬用左腳射門，但好明顯佢係作多咗新嘗試。二、艾歷臣回歸解放般奴嘅助攻能力。之前由於艾歷臣受傷，所以要搵般奴踢防中幫手做分波嘅工作，但咁樣令到前線嘅攻力大幅削弱。不過，今場有番艾歷臣做控波同分波，般奴可以打返攻中嘅位置，令曼聯嘅攻勢更有威脅。例如：般奴直線傳俾馬斯亞單刀射門，間接造成開記錄嘅一球。另外，般奴仲有兩腳射門同一個頭搥，如果唔係對方門將有神勇表現，曼聯唔止贏2球。
三、馬斯亞同卡斯米路嘅回歸增強球隊嘅攻守能力。雖然福仔傷咗，但好彩馬斯亞傷癒復出，令到前鋒線有多個選擇，領隊可以因應唔同情況而作出適合嘅調動。例如：韋賀斯擅於前場逼搶同防守高波，但入球率低；而馬斯亞就把握力同速度高，但就較少走動，坦哈格可以利用佢哋優勢來排陣。另外，卡斯米路嘅回歸穩固番中場防守能力，同時佢亦都擁有唔錯嘅控傳技術同埋助攻，球隊有佢上陣，令成隊波嘅能力提升一個層次。
四、麥佳亞同連迪洛夫臨危受命力保不失。連迪洛夫同麥佳亞雖然今季極少機會打正選，但由於過往幾個球季夾慣夾熟，所以默契同合作性問題唔大。今場連迪洛夫表現出色，做咗好多攔截同包抄嘅工作，再加上佢傳波穩健，所以對方有威脅埋門唔多，而麥佳亞制空能力強，有好多高空波都可以解圍，所以如果對住中下游球隊，麥佳亞同連迪洛夫依對拍擋都可以發揮作用。不過，麥佳亞最大弱點係速度慢，而連迪洛夫就身型唔夠強，依個係一個隱憂。
雖然曼聯贏咗森林並於聯賽榜升上第三位，但球隊亦都面對好大挑戰。球隊傷兵太多，主力球員福仔、麥湯文尼、利辛度馬天尼斯、華拉尼、薩碧沙同加拿祖，要面對不斷一週雙賽嘅賽程只係用原班人馬就辛苦啲。另外，球隊仲有足總盃、歐霸爭，所以球員同領隊都面對唔少壓力，究竟點排陣就要睇坦哈格嘅功力。
============
RS一系列鎖匙扣已登場，除左有曼聯歷來最偉大領隊費Sir外，仲有伊巴同迪神添，想要?黎呢度啦: http://bit.ly/RSkeychain
============
IG: https://www.instagram.com/roycesports
Royce Sports 曼聯.費格遜 一站式為您提供所有關於曼聯嘅一切, 您諗到嘅都有！ 您諗到但我哋無嘅, 話我哋知, 我哋將佢實體化!你仲唔快d like?
https://www.facebook.com/RoyceMU/