[海外馬拉松小貼士系列－早上出門篇]@沙跑廢青

沙跑廢青的小貼士終於講到起步...之前..即係出門口

好多馬拉松都要有一早起身(當然亦有唔少比賽可以晏起身啦！)
一早起身就當然瞓唔夠，所以今次的小貼士，希望你可以係未瞓醒的時候，準備好出門口。

1. 起身

4,5點一般都係人最眼瞓的時候，但係偏偏你就要呢個時候起身...所以最緊要的，就係較多幾個鬧鐘，最好有人肉鬧鐘啦！
2. 早餐

一般都比較難揾到餐廳咁早開門有早餐，而7-11之類的便利店亦可能會賣晒你想食的嘢所以最好前一日買定！甚至可以考慮買行山的脫水飯，或者前一晚買個外賣朝早揾熱水整番熱食。


不過注意，比較難消化或者脹胃的嘢食，例如粥等等，就盡量避免，個肚留番黎食易吸收的食物，準備後半賽程的能量。
3. 水
飲水量要控制，一早飲水，但係預時間係賽前可以排出，減少跑跑下急的情況。不過唔係叫大家唔飲水，比賽前、中途、後，都需要有足夠補水！

4.大小便
最好上線前/出門口前都去下大小便就good fit!


5. 路線
預先了解前往起點的路線，或者乘坐公共交通工具。
！！要留意！！如果乘的士或自行駕車前往，需要預先了解封路情況及要預可能需要落車行一大段路前往起點！


6. 帶齊裝備
最後，梗係check齊裝備先出門口啦！