《造星III》出身關嘉敏過檔邵氏遭鬧「反骨」 重提月薪只得8毫子爆喊：過咗5年依然令媽咪失望

關嘉敏於2016年加入天盟娛樂作為女子組合Bingo隊長出道，但組合發展一直未如理想，未能於演藝圈打出名堂。後來關嘉敏於20年參加ViuTV的《全民造星III》開始受關注，但就在21年加盟無綫並與邵氏簽約，隨即被網民圍插「反骨」，但本人強調ViuTV並沒有於《造星III》後招攬她成為旗下藝人。日前無綫J2台播出節目《野外步出2》，關嘉敏與奶仔（方紹聰）坐在大嶼山石澗談心，聊起過往崎嶇經歷的關嘉敏爆喊。

原來當初加入Bingo時，關嘉敏先斬後奏，瞞著家人簽約。當時關媽媽非常生氣並說︰「有無搞錯呀？都無經我同意！雖然你過18歲，但呢件事可大可小！」，關嘉敏就回話指：「呢條路係我揀，我會做好佢，唔會令你失望。」。可惜，現時關嘉敏仍於星途中感到迷失，在節目裡難忍眼淚，哭訴表示：「過咗5年之後，我依然令佢失望。」

關嘉敏回憶初入行的經歷，提到試過月薪只有8毫子，她哽咽說︰「嗰張糧單俾媽咪見到，我就笑笑口話有無搞錯啊，得8毫子！」，而媽媽問女兒夠不夠錢生活，關嘉敏就死頂硬撐，沒有求助。她覺得「媽媽愈擔心，自己就愈對佢唔住」，表示「我都想做出成績但做唔到，依然令佢失望... ...」。

以往接受訪問時，被問及為何沒有與ViuTV簽約，關嘉敏曾稱「自己話唔到事，並尊重經理人公司幫佢做嘅決定」，並直言「點解我喺《全民造星III》做得好你哋會支持，但當我去到另一個台，你哋會覺得我好差，呢樣嘢令我最唔開心，好似抹煞咗我嘅努力。」。

一個女生20歲出頭，勇闖娛樂圈追夢，在不同地方打滾，過去經歷崎嶇，未來亦充滿未知之數，雖然本地樂壇已與以往不同，但仍不是靠勇敢靠實力就能打出一片天的美好之地。