《造星IV》23歲「天籟之音」Ash原來已為人妻？！ 無懼批評IG發文tag老公：當初參賽佢第一個舉腳贊成

前晚（16日）播出的《全民造星IV》81號參賽者Ash（鍾卓穎）被稱擁有「天籟之音」，歌聲像天使之餘，心地一樣好，皆因年僅23歲的Ash是一名嬰兒深切治療部護士，見盡生死離別的她，這次踏上《造星》舞台正正希望搏盡無悔，希望更多人聽見她的歌聲和看見她對音樂的熱誠。年紀輕輕的她才初踏上演藝之路的起跑線，卻被翻出2020年除夕時公開的結婚照片，發文中更寫道：「多了一個頭銜，『王趙太太』」，被爆原來上年已為人妻，惹來網民熱議！

對於感情生活曝光，Ash昨日也在Instagram上親自出文回應。Ash大方承認已婚，表示「參賽以黎，咁多位參賽者都想好好保護另一半同屋企人，我都同樣，只係同咗比賽最熟嘅朋友、同工作人員講，因為我準備好同大家見面，可能屋企人未必。」。


Ash還大力感激老公的支持，指「諗返起當初想參加，佢第一個舉腳贊成，因為佢知道我有幾中意唱歌，喺我想放棄嘅時候鼓勵我，一直覺得我有能力同要比出面嘅人認識，所以先至會有大家琴日喺電視上面見到嘅81號Ash。」。

看畢Ash一番成熟的發言，發覺沒有老公的支持，現在也不會有大家眼前歌聲甜美又自信的Ash！Ash真情剖白表示：「搵到一個同你冇血緣關係但永遠無條件支持你嘅人，見到有人鍾意我比我自己更開心嘅人，我只知道我應該要做嘅就係珍惜，因為人生可以好短暫。所以不論係另一半定係呢一個比賽，選擇咗我就唔會後悔。」。

字裡行間可看出Ash對追夢的堅決和珍惜身邊人的真切。雖然不少網民對Ash已婚的消息感到驚愕，但也紛紛為Ash送上祝福，表示支持！

不過也有部分網民比較偏激，無法接受Ash已為人妻的事實。

可是，正如Ash所說，「有相對嘅支持就會有相對嘅聲音，但我希望大家鍾意我同記得我係因為我嘅性格同歌聲」，希望大家繼續用心體會每位《造星》女孩的演藝夢，在充滿挑戰的星途上為她們打打氣吧！