雪姨拍盆菜片讚酒店踩良心茶餐廳遭網民圍插 彈$128盆菜髮菜少 再植入生髮水廣告

本地KOL雪姨日前拍片試食盆菜，片中分別試食價值$688的Ritz-Carlton盆菜（一人份）、$788帝京酒店盆菜（二人份）和$128基隆茶餐廳盆菜（一人份）。雪姨批評基隆茶餐廳盆菜鮑魚細、蝦有霉味、髮菜少，還趁機植入生髮水廣告 。當中激怒網民的原因，是因為基隆是一家良心茶餐廳，經常向弱勢人士派飯。


雪姨為3家盆菜評分，Ritz-Carlton獲9分，帝京酒店獲7.5分，而基隆茶餐廳只得2.5分。

踩完基隆還插播生髮水廣告，難怪惹網民怒上加怒。

網民紛紛對雪姨大表失望，留言表示：「價錢只係$128，你係想得到啲咩? 基隆逢初一十五派齋俾街坊，其他嗰兩間又有無咁做?」

雪姨已將影片刪除，並發文道歉，指：「都想同大家講點解會將兩間酒店級迷你盆菜同一間茶餐廳級嘅迷你盆菜做比較，係因為我哋拍呢啲影片之前，Content同事同我講咗，出面好少地方有出迷你盆菜。」但網民當然不賣帳，繼續湧入雪姨YouTube其他影片下留言大罵。

圖片來源：YouTube@Snow E