Regen張惠雅街上確診新冠 曾到長洲、APM、中環、東涌：認同共存 見到positive鬆咗一口氣
前HotCha成員張惠雅（Regen）昨日（22日）在IG發文表示自己確診新冠肺炎，不過Regen聲稱自己較少外出，推測與第5波疫情的娛樂圈群組無關。
Regen發布照片顯示檢測結果呈陽性，並指自己約於20日發病，病徵包括周身骨痛、流鼻水、發燒、發冷、喉嚨痛等，但自己平時都宅在家中，較少外出與人接觸，所以源頭不明。
她詳述發現自己確診的經過：「今日（昨日，即22日）因為要出觀塘拎嘢同埋我想返屋企，順便返屋企之前測一測。雖然我認同共存，但係因為顧及其他人包括屋企人感受，全程我都好小心隻手揸住支酒精消毒液長期噴自己對手同我自己，我覺得當時好似一個通緝犯，落雨個頭又濕，好猥瑣，成件事都好狼狽，我匿埋喺廁所幫自己檢測（係咪諗到個畫面都覺得好可憐），超快 一分鐘唔駛就已經出咗兩條線。」
知道自己確診後，Regen立刻告知家人，但獨自在街上的她感到非常無助：「因為唔想喺廁所大大聲講我確診咗，到時我真係困喺廁所幾日都無得出黎。咁我ready好心情拎住支消毒，係又噴唔係又噴，眼神都好閃宿，當時屋企人冇叫我返屋企，因為佢地都驚一驚。諗起唔知可以去邊度，返西灣嘅話又要再一次吹風淋雨，覺得好無助，我喺車上面好想喊，但係又唔喊得因為啲眼淚會有病毒。最後好在得到屋企嘅批准，而家返咗屋企，決定困自己喺房唔沖涼直到negative為止。」
文末，Regen表示，自己沒接種疫苗，不過不太擔心：「原本都覺得中Omicron係遲早嘅事，都係傷風感冒咁樣」，而Regen在長洲經營的咖啡店亦會暫停營業。
資料&圖片來源：IG@regenc
Regen發布照片顯示檢測結果呈陽性，並指自己約於20日發病，病徵包括周身骨痛、流鼻水、發燒、發冷、喉嚨痛等，但自己平時都宅在家中，較少外出與人接觸，所以源頭不明。
她詳述發現自己確診的經過：「今日（昨日，即22日）因為要出觀塘拎嘢同埋我想返屋企，順便返屋企之前測一測。雖然我認同共存，但係因為顧及其他人包括屋企人感受，全程我都好小心隻手揸住支酒精消毒液長期噴自己對手同我自己，我覺得當時好似一個通緝犯，落雨個頭又濕，好猥瑣，成件事都好狼狽，我匿埋喺廁所幫自己檢測（係咪諗到個畫面都覺得好可憐），超快 一分鐘唔駛就已經出咗兩條線。」
知道自己確診後，Regen立刻告知家人，但獨自在街上的她感到非常無助：「因為唔想喺廁所大大聲講我確診咗，到時我真係困喺廁所幾日都無得出黎。咁我ready好心情拎住支消毒，係又噴唔係又噴，眼神都好閃宿，當時屋企人冇叫我返屋企，因為佢地都驚一驚。諗起唔知可以去邊度，返西灣嘅話又要再一次吹風淋雨，覺得好無助，我喺車上面好想喊，但係又唔喊得因為啲眼淚會有病毒。最後好在得到屋企嘅批准，而家返咗屋企，決定困自己喺房唔沖涼直到negative為止。」
引用她列出確診後都流過的場所：
華勝街
長洲屈臣氏
12:45pm船出中環
的士去觀塘
成業街7號11樓
APM樓下屈臣氏去買快速檢測
APM二樓廁所右右面第一隔
的士去返中環
再的士去返東涌
文末，Regen表示，自己沒接種疫苗，不過不太擔心：「原本都覺得中Omicron係遲早嘅事，都係傷風感冒咁樣」，而Regen在長洲經營的咖啡店亦會暫停營業。
資料&圖片來源：IG@regenc