Tyson Yoshi女友遭網絡欺凌 被指似「靚版馬蹄露」 Tyson：好樣衰？咁點啊？我鍾意啊！

近日，Tyson Yoshi（程浚彥）女友Christy遭網絡欺凌，不止在IG被指似「靚版馬蹄露」，更有網民在連登開以「覺唔覺得tyson yoshi條女christy真係好X樣衰」開po批評其相貌，掀起長達31頁的留言討論... …
▲Christy
▲馬蹄露

被指似藝人馬蹄露，Christy以輕鬆語氣回應網民表示「多謝」，不過該網民說話方式不似惡意留言，較多的欺凌其實出自連登討論區的留言，當中包括「真係好X樣衰」、「好八婆」、「好X憎佢」等言論，更有人翻出Christy以往在IG分享的詩作及起底其學歷當笑柄。
▲Christy的詩作

對此，Tyson Yoshi開直播為女友反擊：「好樣衰？咁點啊，我鍾意啊！出名就要被人『鬧』？人紅是非多另一面係好，我都明，但呢件事上，我係作為站在男朋友的立場！你試吓行行吓街、拖拖吓手，突然有個蒙面人話你好樣衰、之後有一大班唔知喺邊條巷走出來嘅人，叫你企喺度，辯論你個樣好唔好睇……睬你都傻啦，現實生活可以直接走！」

Tyson繼指：「佢哋論點係討論區可以討論好多嘢，但保護身邊人都做唔到，點做男人！我只係好奇，如果心態唔夠強、企得唔夠硬，走咗點算，有冇人諗過？唔係匿喺網絡背後就唔使負責任，韓國已經發生過好多事例，好彩係嗰個人心態好、冇出大問題。呢個已經唔係我女朋友一個人嘅事，大家設身處地諗吓！」

資料&圖片來源：[email protected]、[email protected]、LIHKG