從奧斯卡掌摑事件看語言暴力 鄧小巧曾聽過「呢啲豬扒真係鬼佬先食得落」：同人講「唔好理佢啦」其實係二次傷害
香港女歌手鄧小巧早前宣布與圈外加拿大男友「白先生」結婚，二人看起來幸福美滿，原來背後曾引來許多閒言閒語。鄧小巧曾參加第一屆《超級巨聲》，2016年出道，她說：「惡毒難聽嘅說話，喺呢行咁耐，都聽唔少」... …
奧斯卡掌摑事件是這幾天的全球熱話，鄧小巧想從中與大家討論語言暴力的想法，她在IG發長文表示：「以前對我嘅攻擊都係醜樣、肥、豬X，生成咁樣學咩人做歌手之類。結婚之後就話『鬼佬真係重口味』、『多個人去外國做雞』、『呢啲豬扒真係鬼佬先食得落』諸如此類。朋友話：『唔洗理呢啲留言啦，咩都有人講。』但可能，各式各樣嘅語言暴力就係因為大家『唔理』，所以一直以嚟某一小撮人就橫言無忌。」
雖然明白「呢啲人唔值得俾attention」，但鄧小巧認為跟受害者說「唔好理佢啦」其實是二次傷害：「如果有啲人嘅語言暴力，可能影響一啲人嘅人生，幾多人因為喺各自圈子入面被語言暴力而變得鬱鬱不歡，嚴重甚至有情緒困擾。我哋當然控制唔到人哋講咩，但我哋絕對有權利指出呢件事唔啱。」
她說：「我哋好經常批評別人嘅外表，肥嘅太肥，瘦嘅太瘦，靚嘅整容，性感嘅就係蕩婦。總之就要搵到你睇唔順眼嘅地方，然後暗中背後指住人哋謾罵，好似呢個世界上仲欠缺好多惡毒嘅人。莫因惡小而為之，莫因善小而不為，我哋就係包庇一啲小惡行，慢慢縱容出大惡行。」鄧小巧強調：「我亦唔希望大家詛咒會語言暴力嘅人，因為佢哋可能都有被傷害嘅經歷。我只係希望大家在網上／日常對世界嘅溝通，多啲善意。」
資料＆圖片來源：IG@tangsiuhau、IG@baksinsang
奧斯卡掌摑事件是這幾天的全球熱話，鄧小巧想從中與大家討論語言暴力的想法，她在IG發長文表示：「以前對我嘅攻擊都係醜樣、肥、豬X，生成咁樣學咩人做歌手之類。結婚之後就話『鬼佬真係重口味』、『多個人去外國做雞』、『呢啲豬扒真係鬼佬先食得落』諸如此類。朋友話：『唔洗理呢啲留言啦，咩都有人講。』但可能，各式各樣嘅語言暴力就係因為大家『唔理』，所以一直以嚟某一小撮人就橫言無忌。」
雖然明白「呢啲人唔值得俾attention」，但鄧小巧認為跟受害者說「唔好理佢啦」其實是二次傷害：「如果有啲人嘅語言暴力，可能影響一啲人嘅人生，幾多人因為喺各自圈子入面被語言暴力而變得鬱鬱不歡，嚴重甚至有情緒困擾。我哋當然控制唔到人哋講咩，但我哋絕對有權利指出呢件事唔啱。」
她說：「我哋好經常批評別人嘅外表，肥嘅太肥，瘦嘅太瘦，靚嘅整容，性感嘅就係蕩婦。總之就要搵到你睇唔順眼嘅地方，然後暗中背後指住人哋謾罵，好似呢個世界上仲欠缺好多惡毒嘅人。莫因惡小而為之，莫因善小而不為，我哋就係包庇一啲小惡行，慢慢縱容出大惡行。」鄧小巧強調：「我亦唔希望大家詛咒會語言暴力嘅人，因為佢哋可能都有被傷害嘅經歷。我只係希望大家在網上／日常對世界嘅溝通，多啲善意。」
資料＆圖片來源：IG@tangsiuhau、IG@baksinsang