麥明詩再談《金宵2》塗啡皮膚扮外傭 自爆留學被歧視經歷：我價值觀係偏左 即係有啲人口中嘅「左膠」
近日演員黃婉華因在TVB電視劇《金宵大廈2》中，塗啡皮膚演外傭而被國際媒體批評歧視及不尊重，前港姐冠軍麥明詩日前也在IG發表看法，表示：「香港如果能夠俾多啲機會少數族裔演出，represent（代表）返自己種族，而唔係由另一個種族去represent，唔係更好咩？」不過，她的說詞引來的反應褒貶不一，有反對的網民將討論焦點轉移到她的學歷上，令她公開劍橋法律系成績單反擊。前日（15日），她再發文談論不贊同「塗啡皮膚扮外傭」一事，直認自己是「左膠」。
麥明詩在FB發文表示，自己價值觀「偏左」，提到在英國留學時有受過"microaggression"（「微歧視」，使某人因種族、性別等受到言語上或行為上的侮辱或惡劣對待，即使這種侮辱等可能不是故意的），如白人同學模仿口音的嘲笑、當眾除褲問麥明詩「見過咁大未」等。麥明詩知到有不少人憎「左膠」勝於一切，但她寧願矯枉過正，還舉例說「以前啲西人扮中國人佢地都覺得似架，中國人唔係咁架咩？問題係我地望住個西人扮中國人，塗黃自己皮膚，再講chinese accent嘅英文，我地覺得似唔似呢？我地欣唔欣賞呢？跟住啲報紙標題話，『以為演員真係Chinese maid！原來卸妝後係超索白人美女』」。▲麥明詩留學時的照片
原文：
資料&圖片來源：FB@麥明詩 Louisa Mak、IG@louisa_mak
麥明詩在FB發文表示，自己價值觀「偏左」，提到在英國留學時有受過"microaggression"（「微歧視」，使某人因種族、性別等受到言語上或行為上的侮辱或惡劣對待，即使這種侮辱等可能不是故意的），如白人同學模仿口音的嘲笑、當眾除褲問麥明詩「見過咁大未」等。麥明詩知到有不少人憎「左膠」勝於一切，但她寧願矯枉過正，還舉例說「以前啲西人扮中國人佢地都覺得似架，中國人唔係咁架咩？問題係我地望住個西人扮中國人，塗黃自己皮膚，再講chinese accent嘅英文，我地覺得似唔似呢？我地欣唔欣賞呢？跟住啲報紙標題話，『以為演員真係Chinese maid！原來卸妝後係超索白人美女』」。▲麥明詩留學時的照片
原文：
引用姐係如果對自己有利嘅時候希望得到別人基於「包容大愛」等左翼理念俾嘅對待及支持
（如：低門檻移民政策、移英後即可享有工作權利、房東唔會因為你係黃皮膚唔租樓俾你、同事同你傾計唔會特登模仿你啲hk accent，問你食唔食狗肉、希望自己仔女喺學校可以完全融入）
咁我覺得喺對自己冇利嘅情況都可以儘量體諒「左膠」嘅觀點
我價值觀係偏左，姐係有啲人口中嘅「左膠」。其實每人都可以選擇自己嘅立場同價值觀，我對件事有感覺係因為我嘅個人經歷，如喺英國讀書時係有受過microaggression，如白人同學模仿accent嘅嘲笑，當眾除褲問你見過咁大未（當然大部分同學超好超nice），明白係人性並接受但係覺得如果冇就更好囉，所以喺香港變番做「大多數」嘅時候，會對其他地方黎嘅人都比較sensitive，係，係寧願矯枉過正，呢個係我立場，不喜可以繼續插。而且唔同人有唔同經歷因此有唔同嘅睇法，也是非常理解的，有啲人超有自信覺得被人串被人笑佢都好喜歡咁都唔出奇。
喂好似wor，咁我地嘅角度緊係覺得似啦，因為我地係用緊我地嘅角度去判斷；正如以前啲西人扮中國人佢地都覺得似架，中國人唔係咁架咩？問題係我地望住個西人扮中國人，塗黃自己皮膚，再講chinese accent嘅英文，我地覺得似唔似呢？我地欣唔欣賞呢？跟住啲報紙標題話，「以為演員真係Chinese maid！原來卸妝後係超索白人美女」順帶一提，我都唔係第一次講偏左嘅觀點，每次都俾人問候架啦，難道我唔知有唔少人憎「左膠」勝於一切。但係我發覺如果我淨係喺幕前嘅話（單一收入源），我會唔敢講我想講嘅嘢，冇必要無啦啦乞人憎 講真，如果一個人講嘅嘢個個都同意，就冇必要講啦。
資料&圖片來源：FB@麥明詩 Louisa Mak、IG@louisa_mak