Coffee林芊妤遭網民屈落老蘭溝鬼佬 IG公開反擊︰係咪對我老公有興趣
前TVB藝人Coffee（林芊妤）近年以瑜珈導師身份頻頻於YouTube上載影片教觀眾減肥keep fit，成為闔家歡健康KOL，撇甩以往「殘廁gathering」的負面形象。不過，IG擁有百萬粉絲的Coffee仍經常收到網民惡意留言，昨日（24日）有人在Coffee貼文下「老屈」她到蘭桂坊，表示：「噚晚喺蘭桂坊玩得好開心見到你同啲鬼佬，果然雞永遠都係雞。希望你快啲放生你老公。」
面對謠言，Coffee公開作出反擊，回應道：「點解你唔影相嘅？Tag我吖嘛！你唔知我呢啲係大眾樣黎嚟㗎咩？周街啲女仔同我都好似樣㗎喎，話說噚晚係星期日全家人出完街之後，仲同我老公喺將軍澳練車，之後返屋企同我個仔講故事瞓覺，仲M痛影咗杯奶嘅story，都知你我噚晚喺邊啦… …公信力咁低都講得出嘅，你唔好delete message呀！」
Coffee續說：「佢叫我放生我老公，佢係咪對我老公有興趣？啱啱同老公講完，真係得啖笑，仲反咗一下眼！」最終，該hater刪除了自己的留言，Coffee表示「老公真係講得啱，我以前下下都畀人蝦係因為我怕事，但其實越怕事，啲人就會越搵你麻煩… …」
其實，這並非Coffee首次反擊hater，以往有網民批評她兒子「唔得意」時，Coffee就說過：「其實人生苦短，唔好因為無聊而浪費時間，睇啲自己唔想睇嘅嘢，然後又覺得唔順眼，跟住嘥時間去留言畀人。」
資料&圖片來源：IG@coffee89921
面對謠言，Coffee公開作出反擊，回應道：「點解你唔影相嘅？Tag我吖嘛！你唔知我呢啲係大眾樣黎嚟㗎咩？周街啲女仔同我都好似樣㗎喎，話說噚晚係星期日全家人出完街之後，仲同我老公喺將軍澳練車，之後返屋企同我個仔講故事瞓覺，仲M痛影咗杯奶嘅story，都知你我噚晚喺邊啦… …公信力咁低都講得出嘅，你唔好delete message呀！」
Coffee續說：「佢叫我放生我老公，佢係咪對我老公有興趣？啱啱同老公講完，真係得啖笑，仲反咗一下眼！」最終，該hater刪除了自己的留言，Coffee表示「老公真係講得啱，我以前下下都畀人蝦係因為我怕事，但其實越怕事，啲人就會越搵你麻煩… …」
其實，這並非Coffee首次反擊hater，以往有網民批評她兒子「唔得意」時，Coffee就說過：「其實人生苦短，唔好因為無聊而浪費時間，睇啲自己唔想睇嘅嘢，然後又覺得唔順眼，跟住嘥時間去留言畀人。」
資料&圖片來源：IG@coffee89921