91歲夏蕙姨宣布8月離港：多謝大家，有缘再會！

現年91歲的黃夏蕙（夏蕙姨），今日（10日）突然在FB宣布8月將離開香港，疑似已計畫移民，表示「唔知幾時可以再喺香港同大家見面」。夏蕙姨未有透露目的地，但就寫下一段文字與香港人道別。

夏蕙姨發布了一張與經理人的合照，說道：「十年人事幾番新！唔經唔覺，同我經理人小肥豬Simon，一齊共同努力左十年，佢見證住我人生最低潮嗰一刻，亦在我最低潮同黑暗嘅年代，幫我重新包裝形象，由D&G事件開始，叫我關心社會事情，教我用搞笑嘅手法，與民同樂。呢段時間，雖然艱辛，不過真係好開心！無奈，我懷着好唔捨得嘅心情！我要同大家講一句，8月我要走啦！我唔知幾時可以再喺香港同大家見面！我唔知大家會唔會掛住我！此時此刻，我只會同大家講，我無論身處世界某一個角落，我都會好掛住大家！今個月12號星期日，將會係我同經理人最後一次訪問錄影，我會好懷念呢一刻！直到永遠。再次多謝大家，有缘再會！」

網民紛紛感到不捨，一想到未必有機會再見到夏蕙姨到黃大仙祠上頭炷香，倍感寂寞。不少人再帖文下留言祝願夏蕙姨旅程平安、生活愉快。
資料&圖片來源：FB@黃夏蕙