網民洗版百老匯院線FB要求換走林二汶《戲院禮儀歌》 林作願出10萬撐換歌：畀多90萬你播我5秒錄音仲實際
林二汶北上搵銀宣揚愛國精神、加入「玄武財神殿」被指入邪教、加上疑似send情慾短訊「撬牆腳」兼呃女生蝦條，其負面新聞不斷，風波鬧得沸沸揚揚。昨日（6日）起，大批網民更湧入百老匯院線的社交平台以「一日唔換歌一日唔去百老匯」留言瘋狂洗版，要求百老匯院線換走林二汶演唱的開場歌《戲院禮儀歌》。此時，「香港抽水王」林作再次出動，表示：「本人願意出10萬元俾戲院，當畀個台階戲院落，收返埋呢首長年累月唔知林小姐俾咗幾多錢戲院Keep住播嘅歌。」
林作指：「（首歌）超低B，侮辱觀眾智慧『唔准吸菸咗好耐啦』，你老味我會唔知？我入場睇高深外國劇情片，一開場嚟段低B歌，搞到大煞風景。多年來我已經每次都遲到入場，有時都係難免要聽到。」
他還表示：「畀多90萬你，錄5秒林作原聲激動錄音：『熄電話啦PK！』，一樣播足咁多年，仲實際。」這次總數100萬，林作應該不用向老母求助，因為林作和鍾培生打擂台收到的100萬零用錢仍然「冇錠使」。
資料&圖片來源：FB@Broadway Circuit 百老匯院線、IG@jolamchok
林作指：「（首歌）超低B，侮辱觀眾智慧『唔准吸菸咗好耐啦』，你老味我會唔知？我入場睇高深外國劇情片，一開場嚟段低B歌，搞到大煞風景。多年來我已經每次都遲到入場，有時都係難免要聽到。」
他還表示：「畀多90萬你，錄5秒林作原聲激動錄音：『熄電話啦PK！』，一樣播足咁多年，仲實際。」這次總數100萬，林作應該不用向老母求助，因為林作和鍾培生打擂台收到的100萬零用錢仍然「冇錠使」。
資料&圖片來源：FB@Broadway Circuit 百老匯院線、IG@jolamchok