游學修直播醉後爆喊 不忿試當真成haters欺凌目標：香港人真係好唔開心，但我都有脆弱嘅時候

日前游學修與與許賢、豪哥和火柴進行「試當真謝票場」直播期間，游學修酒後情緒激動突然爆喊，指「試當真」近來成為haters欺凌目標，不忿頻道被質疑變質，爆粗表示：「香港而家呢個地方就係，你有計算呢你就係X街X家剷，有計算都可以係好人㗎嘛，不過佢哋唔L理。」

「試當真」於本年４月宣布開賣NFT時已遭到大批網民攻擊，其後游學修與頻道成員Jessica（陳苡臻）的戀情曝光，「Ca修戀」亦不被看好而受到批評。游學修指：「我最開心嘅係大家可以自由自在地創作。我想講嘅係，香港人真係好唔開心，我係好理解嘅，但我都有脆弱嘅時候。唔好喺呢個咁扭曲嘅世界，逼自己做一個壞人，盡你哋最大嘅努力善良，同埋多啲去體諒你身邊嘅每一個人。你相信善良，善良會回報你嘅。」

事後許賢和豪哥出席公開活動時受訪，回憶當日直播時集體情緒爆發的情境，表示：「就係飲醉酒囉，喺酒精加持之下就咁樣囉，見到Ted（導演）眼濕濕，咁我又眼濕濕囉。」許賢又補充指：「搞YouTube呢都好大壓力㗎，成日要出片呢，搞YouTube Channel真係唔簡單啊。（其他）啲YouTube Channel都成日飲酒㗎，唔係淨係我哋飲㗎。」

資料&圖片來源：YouTube@試當真Trial & Error