MIRROR演唱會意外發生2個月方方控訴傷者沒得到應有尊重 So Ching向阿Mo喊話：你一定會好返！

MIRROR演唱會嚴重意外已發生2個月，受傷舞蹈員阿Mo（李啟言）仍於神經外科病房留醫，每天須接受密集式治療。政府就事件成立的「跨部門工作小組」仍未完成調查，至今未有任何單位為事故承擔責任。對此，與阿Mo共事多年的舞蹈員方方（方芷欣）發長文控訴，認為傷者阿Mo沒得到應有尊重。

方方回憶與阿Mo一起排舞走埠的日子，寫道：「呢兩個月，佢（阿Mo）每日見到既畫面淨係天花板。往後有一段好長既時間，佢既視線都只有天花板。一個平常人都未必能夠接受，何況係我咁貪靚跳舞咁叻既朋友。呢個災難，對佢既生活帶黎摧毁性轉變，佢自己同佢身邊既人都好叻，每一日都調整自己心態去面對佢地根本唔應該要面對既現實。我個心好痛好痛，好多疑問，點解我朋友要受呢啲苦，我好掛住好掛住佢。邊個可以行出黎解答我地既疑問？點解唔可以比傷者一份應有既尊重？一個交代好難嗎？一句誠懇既公開道歉好難嗎？我只希望我朋友一切安好。」她又指：「我從來無諗過，『Good Show』原來唔止係一份祝福，係祈求。我從來無諗過，原本擁有夢想既地方，同一樣既天花，可以一夜之間變成惡夢。我從來無諗過，我會害怕紅館呢個地方。」