方力申後悔太坦白承認玩交友App 令人誤會自己「好恨拍拖」：如果真係好急，我就拍咗啦！

早前，42歲的方力申出席ViuTV節目《晚吹 - 有酒今晚吹》透露自己已有5年無拍拖，更自爆有玩交友Apps，卻遇「冇人like」的慘況，表示：「佢哋冇調到對象係40歲以上，所以見我唔到囉。」而近日（29日），方力申擔任港台節目《安哥同學會》嘉賓，重提交友Apps話題，他坦言後悔自己太坦白，令人誤會自己「好恨拍拖」。

節目主持人陳圖安問方力申有沒有建立家庭的想法，方力申就表示自己不會強求，生活中沒有方法認識新朋友，於是嘗試玩交友App，雖然不成功，但自己並不心急。方力申指：「如果我真係好急或者好想，我就拍咗啦！我覺得我嘅生活好易滿足，我亦都好忙，唔需要有另一半都好快樂，唔需要有另一半畀愛，我都感覺到每一日都充滿住愛。」


除了演戲拍劇，方力申亦忙於打理游泳學校。雖然疫情期間學校被迫停課，他表示游泳學校雖然「蝕極有個譜」，但不少教練已轉行，不易請人，未來日子只能「有錢就盡力去搵，搵到錢就盡力去儲」。

資料&圖片來源：RTHK、IG@alexfongliksun