曾與巨星知己決裂 因對方怕桑拿店剪綵影響形象而甩底 曾志偉：都唔夠義氣

日前，曾志偉在TVB節目《霎時再感動 》中提及以往與巨星知己決裂的故事，訴說因小事失去好友不值，並分享調整心態的要訣。

曾志偉指，他有一名圈內知己歌手，該歌手當時很紅，比他紅很多倍，當年兩人答應出席一場剪綵活動，該巨星好友卻在活動前一、兩天打電話給志偉說：「死啦死啦，個剪綵我唔去得！」志偉問及原因，對方就指：「原來剪綵嗰間嘢呢，係桑拿舖嚟，我係一個歌星，去桑拿舖剪綵呢，好似會影響我形象呀，因為歌星同你哋唔同㗎。」

曾志偉當時感到生氣，認為對方不夠義氣，二人因此沒再聯絡，多天沒通電話亦沒有見面。志偉心想：「人生能夠相遇見面已經難，成為朋友就更難，成為知己就更加要珍惜添呀。為件咁嘅事，大家就唔傾計？」不願與知己漸行漸遠，志偉調整心態：「好簡單啫，我當佢係『小人』，我係『大人』，大人不記小人過，咁咪可以囉！」

志偉立刻打電話問好巨星好友，兩人相約飲茶見面，關係和好，跟以前一樣一起聊天，談笑風生。後來，他們重提這次事件，聽完巨星好友解釋，志偉也諒解他：「因為我達唔到佢嘅境界，或者我唔係佢嘅身分，所以唔明白啲咁嘅事。」
志偉提醒大家，思考每件事時都不能只站在自己的立場來判斷，深厚的友誼很值得珍惜，或者因小事而耽誤大事，就太不值了！
▲不少網民猜測志偉口中的「巨星知己」是譚詠麟。



資料&圖片來源：YouTube@TVB 綜藝