陳奕迅唱《富士山下》輸MIRROR？ 鏡粉指原唱「唱到好悶、冇感覺」

陳奕迅（ Eason ）演唱會開鑼，時隔 9 年他重踏紅館，依然受港人歡迎，其唱功大受讚賞，有歌迷感動表示「聽到好想喊」。隨著 Eason 歌唱技巧再成熱話，有連登網民翻出 MIRROR 姜濤、 Anson Lo （盧瀚霆）、 Jer （柳應廷）和 Edan （呂爵安）於《CHILL CLUB》合唱《富士山下》的片段，截圖鏡粉指原唱「唱到好悶、冇感覺」的留言而掀起討論！


從截圖可見，鏡粉表示：「我未聽過呢首歌，我再找原唱者聽， Sor 不是偏心，但真係 MIRROR 4 人唱得最好」、「他們 4 個唱得好好聽，便找回原唱是誰？哦！比較之下，居然動聽過原唱，以後想聽這首歌，一定會聽這個Version！」等。有人贊同指：「我同你一樣啱啱先搵到原唱者係邊個，但係冇聽晒陳奕迅同埋李克勤唱完成首歌，因為佢哋唱到好悶同埋唱到一啲感覺都冇！」

此帖引來不少迴響，各人的歌迷都持不同意見，而翻看陳奕迅於2007年世界巡迴演唱會時演唱《富士山下》的片段，留言有不少人讚陳奕迅音色突出，情緒感染聽眾，認為這是最好聽的《富士山下》演唱。



資料&圖片來源：LIHKG